Ye dil kabhi na muhabbat mein kamayab hua
mujhe kharab kiya, aap bhi kharab hua
ajal men, zist mein turabat men, hashr mein zalim
tere sitam ke liye main hi intakhab hua
nigah-e-mast ko saqi ke kon de ilzam
mera nasib ki rusava mera shabab hua
hamare ishq ke das-bis ne bhi dad na di
kisi ka husn zamane mein intakhab hua
fana ka dawa hazaron ko tha zamane mein
habab ne mujhe dekha to aab-ab hua

Poet of the Poem / Ghazal or Nazam :Bekhud Dehlvi

Na kah saqi bahar aane ke din hain
jigar ke daag chil jane ke din hain
ada si khub ada aane ke din hain
abhi to dur sharmane ke din hain
gareban dhundhate hain hath mere
chaman mein phul khil jane ke din hain
tumhen raz-e-muhabbat kya batayen
tumhare khelane khane ke din hain
ghatayen udi udi kah rahi hai
may-e-angur khinchavane ke din hain

Poet of the Poem / Ghazal or Nazam : Bekhud Dehlvi

may pilakar aapaka kya jayega
jayega iman jisaka jayega
dekhakar mujhko wo sharma jayega
ye tamasha kisase dekha jayega
jaun butakhane se q kabe ko main
hath se ye bhi thikana jayega
qatl ke jab usane di dhamaki mujhe
kah diya main ne bhi dekha jayega
pi bhi le do ghunt zahid pi bhi le
maikade se kon pyasa jayega

Poet of the Poem / Ghazal or Nazam :Bekhud Dehlvi

Dard-e-dil mein kami na ho jaye
dosti dushmani na ho jaye
tum meri dosti ka dam na bharo
aasman muddai na ho jaye
baithata hun hamesha rindon mein
kaheen zahid vali na ho jaye
apne khu-e-vafa se darta hun
aashiqi bandagi na ho jaye

Poet of the Poem / Ghazal or Nazam : Bekhud Dehlvi