us ke hasrat hai jise dil se mita bhi na sakun
dhundhane us ko chala hun jise pa bhi na sakun
dal kar khak mere khoon pe qatil ne kaha
kuch yeh mehandi nahi meri ke mita bhi na sakun
zabt kambakht ne aur aa ke gala ghonta hai
ke use hal sunaun to suna bhi na sakun
us ke pehlu mein jo leja ke sula dun dil ko
neend aisi use aaye ke jaga bhi na sakun
naqsh-e-pa dekh to lun lakh karunga sajade
sar mera arsh nahi hai ki jhuka bhi na sakun
bevafa likhate hain wo apni kalam se mujh ko
ye wo qismat ka likha hai jo mita bhi na sakun
is tarah soye hain sar rakh ke mere zanon par
apni soi hui qismat ko jaga bhi na sakun
poet of the poem / ghazal or nazam : Ameer minai
us kon hasil kyon ke hoye jag mein farag-e-zindagi
gardash-e-iflak hai jis kon ayag-e-zindagi
ae azizan sair-e-gulshan hai gul-e-dag-e-alam
sohabat-e-ahabab hai mani mein bag-e-zindagi
lab hain tere filhaqiqat chashma-e-ab-e-hayat
khizr-e-khat ne us son paya hai surag-e-zindagi
jab son dekha nain nazarbhar kakul-e-mushkin-e-yar
tab son jion sambhale pareshan hai dimag-e-zindagi
aasman meri nazar mein kuba-e-tarik hai
gar na dekhun tujhakon ae chashm-o-chirag-e-zindagi
lala-e-khunin kaffin ke hal son zahir hua
bastagi hai khal son khuban ke dag-e-zindagi
kyon na hove ae “wali” roshan shab-e-qadar-e-hayat
hai nigah-e-garam-e-gul ruan chirag-e-zindagi
Poet of the Poems / Ghazal or Nazam Wali Mohammed Wali
Guzre Dinon Ki Bhuli Hoi Bat Ki Tarha
Ankhon Me Jagta He Koi Rat Ki Tarha
Tumse Umed Thi K Nibhao Gy Dosti
Tum Bhi Badal Gaye Mosam aur Halaat Ki Tarha
Tu Meri Qabr Pay Lay Kar Ghulaab Mat Aana
Zamana Mangey Ga Mujh Say Hisaab Mat Aana
Sabhi Khatayen Teri Apney Sar Main Lay Loon Ga
Kisi Sitam Ka Tu Denay Jawab Mat Aana
Meri Lehad Main Andhera Hi Main Nay Chaha Tha
Tu Meri Qabr Pey Ab Bay Naqaab Mat Aana
Sabhi Qabr Kay Azabon Ki Laaj Rakh Loon Ga
Main Sah Na Paaoun Ga Aisa Azaab Mat Aana
Buhat Taweel Si Muddat Kay Baad Soya Hoon
Meri Nigaah Main Ban Kar Khuwab Mat Aana
Warq Warq Pey Tum Apna Hi Naam Pao Gay
Go Phir Bhi Parhney Ko Dil Ki Kitaab Mat Aana
Behak Na Jaoun Farishton Kay Samney Janaan
Buhat Haseen Hay Tera Shabaab Mat Aana
Meri Duayen Teray Sar Pey Saaya Daar Rahen
Mera Khuda Tujhay Dey Ga Sawaab , Mat Aana
Yah Ab Nigahon Say Ashkon Kay Jaam Peeta Hay
Mere Kay Waastey Lay Kar Sharab Mat Aana
