meri vafayen yaad karoge
rooge, fariyad karoge
mujhko to barbad kiya hai
aur kise barbad karoge
hum bhi hansange tum par ik din
tum bhi kabhi fariyad karoge
mahafil ke mahafil hai gam-gin
kis-kis ka dil shad karoge
dushman tak ko bhool gaye ho
mujhko tum kya yaad karoge
jakar bhi nashad kiya tha
aakar bhi nashad karoge
chodo bhi ‘taseer’ ke baten
kab tak us ko yaad karoge

Poet of the Poem / Ghazal or Nazam : Taseer

masih-e-vaqt sahi hum ko is se kya lena
kabhi mile bhi to dard-e-dil badha lena
hazar tark-e-vafa ka khayal ho lekin
jo ru-ba-ru hun to badh ke gale laga lena
kisi ko chot lage apne dil ko khoon karana
zamane bhar ke gamon ko gale laga lena
khumar tute to kaise ke hum ne sikh liya
tu na ho to teri yaad se nasha lena
safina dub bhi jaye to gham nahi ‘farig’
na bhool kar kabhi ehasan-e-nakhuda lena

Poet of the Poem / Ghazal or Nazam :Farig Bukhari

man mausam ka kaha, chai ghata, jam utha
aag se aag bujha, phul khila, jam utha
pi mere yar tujhe apni qasam deta hun
bhool ja shikava-gila, hath mila, jam utha
hath mein jam jahan aaya muqaddar chamaka
sab badal jayega qismat ka likha jam utha
ek pal bhi kabhi ho jata hai sadiyon jaisa
der kya karana yahan, hath bada, jam utha
pyar hi pyar hai sab log barabar hain yahan
maikade mein koi chota na bada, jam utha

Poet of the Poem / Ghazal or Nazam :Bashir Badr

jog bijog ke baten jhuthi sab jee ka bahalana ho
phir bhi hum se jate jate ek gazal sun jana ho
sari duniya aql ke bairi kon yahan par sayana ho
nahaq naam dharen sab hum ko divana divana ho
tum ne to ik rit bana li sun lena sharmana ho
sab ka ek na ek thikana apna kon thikana ho
nagari nagari lakhon dvare har dvare par lakh sukhi
lekin jab hum bhool chuke hain daman ka phailana ho
tere ye kya jee mein aayi khainch liye sharma kar hont
hum ko zeher pilane vali amrit bhi pilavana ho
hum bhi jhuthe tum bhi jhuthe ek isi ka sacha naam
jis se dipak jalana sikha paravana mar jana ho
sidhe man ko aan daboche mithi baten sundar log
‘meer’, ‘nazeer’, ‘kabir’ aur ‘insha’ sab ka ek gharana ho
Poet of the Poem / Ghazal or Nazam :Ibne Insha

jada-e-fan mein bade sakht muqam aate hain
mar ke rah jata hai fanakar amar hone tak
kitne galib the jo paida huye aur mar bhi gaye
qadradann ko takhallus ki khabar hone tak
kitne iqabal rah-e-fikr mein uthe lekin
rasta bhool gaye khatm-e-safar hone tak
kitne shabbir hasan khan na bane josh kabhi
mar gaye kitne sikander bhi jigar hone tak
faiz rang bhi ashar mein aa sakata tha
ungaliyan sath to den khoon mein tar hone tak
chand zarron hi ko milati hai ziya-e-khurshid
chand tare hi chamakate hain sahar hone tak
dil-e-shayar pe kuch aisi hi guzarati hai ‘figar’
jo kisi qatre pe guzri hai guhar hone tak

Poet of the Poem / Ghazal or Nazam ilawar Figaar

Zinda Hu Main Mgar, Jeene Ki Koshish Kr Rha Hu Main,
Is Jeene Ki Koshish Me, Bar Bar Mar Rha Hu Main.
Jee To Skta Hu Mgar Bhool Kr Tumko.
Mar Rha Hu Bar Bar, Kyunki Tumhe Yaad Kr Rha Hu Main

Na Jane Kis Bat Ki Wo Mujh Ko Saza Dayta Hai
Mere Hansti Hoye Ankhon Ko Rula Dayta Hai
Hum Ko Maloom Nahin Koye To Poocho Us Se
Kya Koye Is Tarah Apno Ko Bhula Dayta Hai

Bun K Ajnabi Mily Thay Zindagi K Safr Mein Kahin
In Yadon K Lamhon Ko Kabhi Bhoolaingay Nahin
Agar Yaad Rakhna Fitrat Hai Aapki
Bhool Jane Ki Adat Hamain Bhi Nahin