Posts tagged: Chand Shayari

Yun saja chand ki jhalaka tere andaz ka rang

Yun saja chand ki jhalaka tere andaz ka rang
yun faza mahaki ki badala mere hamaraz ka
rang
saya-e-chashm mein hairan rukh-e-raushan
ka jamal
surkhi-e-lab pe pareshan teri aavaz ka rang
bepiye hon ki agar lutf karo aakhir-e-shab
shisha-e-may mein dhale subah ke aagaz ka
rang
chango-nay rang pe the apne lahu ke dam
se
dil ne lay badali to madham hua har saz ka
rang
ik sukhan aur ki phir rang-e-takallum tera
harf-e-sada ko inayat kare ejaz ka rang

Main ne jo git tere pyar ki khatir likkhe

main ne jo git tere pyar ki khatir likkhe
aj un giton ko bazar mein le aaya hun
aj dukan pe nilam uthega un ka
tune jin giton pe rakkhi thi muhabbat ki asas
aj chandi ki tarazu mein tulegi har cheez
mere afakar meri shayari mera ehasas
jo teri zat se manasub the un giton ko
muflisi jins banane pe utar aayi hai
bhuk tere rukh-e-rangin ki fasanon ki ivaz
chand aashiya-e-zarurat ki tamannai hai
dekh is arsagah-e-mehanat-o-sarmaya mein
mere naghmay bhi mere pas nahi rah sakate
tere jalve kisi zaradar ki miras sahi
tere khake bhi mere pas nahi rah sakate
aj un giton ko bazar mein le aaya hun
main ne jo git tere pyar ki khatir likkhe

Poet of the poem/ghazal or Nazam: Sahir Ludhianvi

Chandani rat mai chand ke samane – Shevan Bijnauri

chandani rat mai chand ke samane
rukh se parda hatana gazab ho gaya
chandani chup gai chand sharma gaya
aap ka muskurana gazab ho gaya

dil ke dhadakan meri tez hone lagi
rat aankhon mai kanten chubhone lagi
vasl ke rat mai bat hi bat mai
yun tera ruth jana gazab ho gaya

jhum kar kali kali ghata jab uthi
rat apani to karavat badalate kati
kuch to mausam ne bechain rakkha hamen
kuch tera yad aana gazab ho gaya

apne hisse mai tufan ke taqadir thi
zindagi apani maujon ke zanjir thi
dub jane ka apne hamen gam na tha
us ka sahil pe aana gazab ho gaya

Poet of the poem/ghazal or Nazam: Shevan Bijnauri

Chandani chat pe chal rahi hogi – Dushyant Kumar

chandani chat pe chal rahi hogi
ab akeli tahal rahi hogi

phir mera zikr aa gaya hoga
wo barf-si pighal rahi hogi

kal ka sapana bahut suhana tha
ye udasi na kal rahi hogi

sochata hun ki band kamare mai
ek shama-si jal rahi hogi

tere gahanon si khankhanati thi
bajare ke fasal rahi hogi

jin havaon ne tujh ko dularaya
un mai meri gazal rahi hogi

Poet of the poem/ghazal or nazam : Dushyant Kumar

chand ke sath kai dard purane nikale – Amjad Islam Amjad

chand ke sath kai dard purane nikale
kitane gam the jo tere gam ke bahane nikale

fasl-e gul aayi phir ik bar asiran-e-vafa
apne hi khun ke dariya mein nahane nikale

hijr ki chot ajab sang-shikan hoti hai
dil ke befaiz zaminon se khazane nikale

umr guzari hai shab-e-tar mein aankhen malate
kis ufaq se mera khurshid na jane nikale

ku-e-qatil mein chale jaise shahidon ka julus
khvab yun bhigati aankhon ko sajane nikale

dil ne ik int se tamir kiya taj mahal
tu ne ik bat kahi lakh fasane nikale

dasht-e tanhai-e-hijran mein khada sochata hun
haye kya log mera sath nibhane nikale

main ne ‘amjad’ use bevasta dekha hi nahi
wo to khushbu mein bhi aahat ke bahane nikale

Poet of the poem/ghazal or nazam : Amjad Islam Amjad

Hai Chand Ka Muhn Bhi Utra Utra

Hai Chand Ka Muhn Bhi Utra Utra
Taro Ne Chamkna Chod Diya
Jis Din Se Juda Wo Humse Huye
Is Dil Ne Dhadkna Chod Diya

Share By : Saahid Mugal

Masoom Si Ankhon K Liye Azaab

Tujh Sa Chand Pal Jo Bichron To Ghabara Jata Hy Dil
Masoom Si Ankhon K Liye Azaab Ban Jata Hy Dil 

Ay Mary Chand Kabi Nikal Ao Hijar Ki Raaton Main
Teri Khatir To Her Sham Sa Pahly Doob Jata Hy Dil

Tary Sath Kasa Rishta Hy Mujhy Khud B Maloom Nahi
Bus Tara Naam Koi Or Ly Itni Si Bat Par Toot Jata Hy Dil

Main Na Suna Tha K Ishq Ik Samundar Hy Lakin
Insan Tarp Tarp K Marta Hy Or Payasa Rah Jata Hy Dil

Share By : Mujahid Khan

Suraj S Koi Uski Roshni Mangke Dekhe

Suraj S Koi Uski Roshni Mangke Dekhe
Chand S Koi Uski Chandani Mangke Dekhe
Aur Kab Tak Rahe Hm Uhi Akele
Hmse B To Koi Mahobbat Karke Dekhe








Chand Shayari, poems and Ghazals


Chand Shayari shayari sms in Urdu for your friends. Chand Shayari poetry , ghazal , poem and sher o shayr in Hindi. Best 1 line , 2 line and 4 line Chand Shayari shayari Collection Online.