|
samane hai jo use log bura kahate hain
jisako dekha hi nahi usako khuda kahate hain
zindagi ko bhi sila kahate hain kahanevale
jinevale to gunahon ke saza kahate hain
fasale umr ke kuch aur bada deti hai
jane q log use phir bhi dawa kahate hain
chand masum se patton ka lahu hai “fakir”
jisako mahbub ke hathon ke hina kahate hain
Poet of the Poem / Ghazal or Nazam : Sudarshan Faakir
Kaheen chand rahon mein kho gaya kaheen chandani bhi bhatak gai
main charag wo bhi bujha hua meri raat kaise chamak gai
meri dastan ka uruj tha teri narm palkon ke chanv mein
mere sath tha tujhe jagana teri aankh kaise jhapak gai
kabhi hum mile to bhi kya mile wohi duriyan wohi fasale
na kabhi hamare qadam badhe na kabhi tumhari jhijhak gai
tujhe bhool jane ke koshishen kabhi qamayab na ho sakin
teri yaad shakh-e-gulab hai jo hawa chali to lachak gai
Poet of the Poem / Ghazal or Nazam : Bashir Badr
tum se berangi-e-hasti ka gila karana tha
dil pe anbar hai khungashta tamannaon ka
aj tute hue taron ka khayal aaya hai
ek mela hai pareshan si ummidon ka
chand pazmurda baharon ka khayal aaya hai
panv thak thak ke reh jate hain mayusi mein
purmahan rahguzaron ka khayal aaya hai
saqi-o-bada nahi jam-o-lab-e-ju bhi nahi
tum se kahana tha ki ab aankh mein aansu bhi nahi
Poet of the Poem / Ghazal or Nazam :Akhtar ul Iman
jo bhi guncha tere hothon par khila karta hai
wo meri tangi-e-daman ka gila karta hai
der se aj mera sar hai tere zanon par
ye wo rutba hai jo shahon ko mila karta hai
main to baitha hun dabaye huye tufanon ko
tu mere dil ke dhadakane ka gila karta hai
raat yon chand ko dekha hai nadi mein raksan
jaise jhumar tere mathe pe hila karta hai
kon kafir tujhe ilzam-e-tagaful dega
jo bhi karta hai muhabbat ka gila karta hai
Poet of the Poem / Ghazal or Nazam :Qateel Shifai
Meri Pagal Mohabbat Tumhein Yaad Aayegi
Jab Chaand Sitare Chamak Rahey Hon
Jab Yaadon K Phool Mehak Rahey Hon
Jab Deed Ko Nain Taras Rahey Hon
Jab Aankhon Se Aansoo Baras Rahey Hon
Meri Pagal Mohabbat Tumhein Yaad Aayegi
Jab Tanhai Se Dil Ghabraye Ga
Jab Tumhein Akela-Pan Satayega
Jab Koi Khuwab Hi Nahi Ayega
Jab Phool Kitab Mai Hi Reh Jayega
Meri Pagal Mohabbat Tumhein Yaad Ayegi?
