|
Ye jo hai hukm mere pas na aaye koi
is liye ruth rahe hain ki manaye koi
tak mein hai nigah-e-shauq khuda khair kare
samane se mere bachata hua jaye koi
hal afalaq-o-zamin ka jo bataya bhi to kya
baat wo hai jo tere dil ke bataye koi
aapane ‘dag’ ko muh bhi na lagaya afsos
us ko rakhta tha kaleje se lagaye koi
ho chuka aish ka jalasa to mujhe khat bheja
aap ke tarah se mehaman bulaye koi
Poet of the Poem / Ghazal or Nazam : DaaG Dehlvi
Tumhare khat mein naya ik salam kis ka tha
na tha raqib to aakhir wo naam kis ka tha
wo qatl kar ke har kisi se puchate hain
ye kam kis ne kiya hai ye kam kis ka tha
wafa karenge nibhayenge baat manenge
tumhen bhi yaad hai kuch ye kalam kis ka tha
raha na dil mein wo be-dard aur dard raha
muqim kon hua hai maqam kis ka tha
na puch-pach thi kisi ke na aav-bhagat
tumhari bazm mein kal ehatamam kis ka tha
hamare khat ke to purze kiye padha bhi nahi
sun jo tum ne ba-dil wo payam kis ka tha
inhin sifat se hota hai aadmi mashahur
jo lutf aap hi karte to naam kis ka tha
guzar gaya wo zamana kahen to kis se kahen
khayal mere dil ko subah-o-sham kis ka tha
har ek se kahate hain kya “dag” bevafa nikala
ye puche in se koi wo gulam kis ka tha
Poet of the Poem / Ghazal or Nazam : DaaG Dehlvi
Sitam hi karana jafa hi karana nigah-e-lutf kabhi na karana
tumhen qasam hai hamare sar ke hamare haq mein kami na karana
kahan ka aana kahan ka jana wo jante hi nahi ye rasmen
vahan hai wade ke bhi ye surat kabhi to karana kabhi na karana
hamari mayyat pe tum jo aana to char aansu baha ke jana
zara rahe pas-e-abaru bhi kaheen hamari hansi na karana
wo ik hamara tariq-e-ulfat ki dushmanon se bhi mil ke chalana
ye ek sheva tera sitamagar ki dost se dosti na karana
Poet of the Poem / Ghazal or Nazam : DaaG Dehlvi
uzr aane mein bhi hai aur bulate bhi nahi
bais-e-tark-e-mulaqat batate bhi nahi
khub parda hai ke chilaman se lage baithe hain
saf chupate bhi nahi samane aate bhi nahi
ho chuka qata ta’lluq to jafayen kyon hon
jinako matalab nahi rehta wo satate bhi nahi
zist se tang ho ae daag to jite kyon ho
jan pyari bhi nahi jan se jate bhi nahi
Poet of the Poems / Ghazal or Nazam 
aaG Dehlvi
Phir shab-e-gam ne mujhe shakl dikhai kyonkar
ye bala ghar se nikali hui aayi kyonkar
tu ne ke gair se meri burai kyonkar
gar na thi dil mein to lab par tere aayi kyonkar
tum dilazar-o-sitamgar nahi main ne mana
man jayegi ise sari khudai kyonkar
aaina dekh ke wo kahane lage aap hi aap
aise achon ke kare koi burai kyonkar
kasarat-e-ranj-o-alam sun ke ye ilzam mila
itane se dil mein hai itanon ke samai kyonkar
daag kal tak to dua aap ke maqabul na thi
aj muh mangi murad aap ne pai kyonkar
Poet of the Poem / Ghazal or Nazam : Daag Dehlvi
Phire reh se wo yahan aate aate
ajal meri rahi tu kahan aate aate
mujhe yaad karne se ye mudda tha
nikal jaye dam hichakiyan aate aate
kaleja mere muh ko aayega ik din
yun hi lab pe aah-o-fugan aate aate
natija na nikala thake sab payami
vahan jate jate yahan aate aate
nahi khel ae “dag” yaron se kah do
ke aati hai urdu zuban aate aate
Poet of the Poem / Ghazal or Nazam : DaaG Dehlvi
Pukarati hai khamoshi meri fugan ke tarah
nigahen kahatai hain sab raz-e-dil zuban ke tarah
jala ke dag-e-muhabbat ne dil ko khak kiya
bahar aayi mere bag mein khizan ke tarah
talash-e-yar mein chodi na sar-zamin koi
hamare panv mein chakkar hain aasman ke tarah
ada-e-matlab-e-dil hum se sikh jaye koi
unhen suna hi diya hal dastan ke tarah
Poet of the Poem / Ghazal or Nazam : DaaG Dehlvi
rasm-e-ulfat sikha gaya koi
dil ke duniya pe cha gaya koi
ta qayamat kisi tarah na bujhe
aag aisi laga gaya koi
dil ke duniya ujad si q hai
kya yahan se chala gaya koi
vaqt-e-rukhsat gale laga kar “dag”
hanste hanste rula gaya koi
Poet of The Poem / Ghazal or Nazam : Daag Dehlvi
