Ye ab khula hai ki koi bhi manzar mera na tha
main jis mein reh raha tha wohi ghar mera na tha
main jis ko ek umr sambhale phira kiya
matti bata rahi wo paikar mera na tha
mauj-e-hava-e-shahar-e-muqaddar javab de
dariya mere na the ki samandar mera na tha
phir bhi to sangsar kiya ja raha hun main
kahate hain naam tak sar-e-mahazar mera na tha
sab log apne apne qabilon ke sath the
ek main hi tha ki koi bhi lashkar mera na tha

Poet of the Poem / Ghazal or Nazam : Iftikhar Arif

Sochate aur jagate sanson ka ik dariya hun main
apne gumgashta kinaron ke liye bahata hun main

jal gaya sara badan in mausamon ke aag mein
ek mausam ruh ka hai jis mein ab zinda hun main
mere honton ka tabassum de gaya dhokha tujhe
tune mujhko bag jana dekh le sehra hun main
dekhiye meri pazirai ko ab aata hai kon
lamha bhar ko waqt ke dahaliz par aaya hun main

Poet of the Poem / Ghazal or Nazam : Athar Nafees

Sisakate aab mein kis ke sada hai
koi dariya ke tah mein ro raha hai
savere meri in aankhon ne dekha
khuda charo taraf bikhara hua hai
sameto aur sine mein chupalo
ye sannata bahut phaila hua hai
pak gehu,n ke khushbu chikhati hai
badan apna sunehara ho chala hai
haqiqat surkh machali janati hai
samandar kaisa budha devata hai
hamari shakh ka nau-khez patta
hawa ke honth aksar chumata hai
mujhe un nili aankhon ne bataya
tumhara naam pani par likha hai

Poet of the Poem / Ghazal or Nazam : Bashir Badr

Sang jab aaina dikhata hai
tesha kya kya nazar churata hai
silsila pyas ka batata hai
pyas dariya kahan bujhata hai
raig-zaron mein jaise tapati dhup
yun bhi us ka khayal aata hai
sun raha hun khiram-e-umr ke chap
aks aavaz banata jata hai
wo bhi kya shakhs hai ke pas aa kar
fasale dur tak bichata hai
ghar to aisa kahan tha lekin
dar-badar hain to yaad aata hai

Poet of the Poem / Ghazal or Nazam : Umeed Fazli

meri tasvir mein rang aur kisi ka to nahi
gher lain mujhko sab aake main tamasha to nahi
zindagi tujhase har ik sans pe samajhauta karun
shauq jine ka hai mujhko magar itna to nahi
ruh ko dard mila dard ko aankhen na mili
tujh ko mahasus kiya hai tujhe dekha to nahi
sochate sochate dil dubne lagata hai mera
zahan ke tah mein ‘muzaffar’ koi dariya to nahi

meri tasvir mein rang aur kisi ka to nahi
gher lain mujhko sab aake main tamasha to nahi
zindagi tujhase har ik sans pe samajhauta karun
shauq jine ka hai mujhko magar itna to nahi
ruh ko dard mila dard ko aankhen na mili
tujh ko mahasus kiya hai tujhe dekha to nahi
sochate sochate dil dubne lagata hai mera
zahan ke tah mein ‘muzaffar’ koi dariya to nahi

Poet of the Poem / Ghazal or Nazam : Muzaffar Warsi 

Kare dariya na pul mismar mere
abhi kuch log hain us par mere

bahut din guzri ab dekh aaun ghar ko
kahenge kya dar-o-divar mere
waheen suraj ke nazaren thin ziyada
jahan the ped sayadar mere
wohi ye shahar hai to shahar valo
kahan hai kucha-o-bazar mere
tum apna hal-e-mahajuri sunao
mujhe to kha gaye aazar mere

jinhen samajha tha janparavar main ab tak
wo sab nikle kafan bardar mere

guzarate ja rahe hain din hawa se
rahen zinda salamat yar mere
daba jis se usi pathar mein dhal kar
bike chehare sar-e-bazar mere

daricha kya khula meri gazal ka
havayen le udi ashar mere

Poet of the Poem / Ghazal or Nazam : Mehshar Badayuni

Kahan aake rukane the raste kahan mod tha use bhool ja
wo jo mil gaya use yaad rakh jo nahi mila use bhool ja
wo tere nasib ke barishen kisi aur chat pe baras gai
dil-e-bekhabar meri baat sun use bhool ja use bhool ja
main to gum tha tere hi dhyan mein teri aas mein tere guman mein
hawa kah gai mere kan mein mere sath aa use bhool ja
tujhe chand ban ke mila tha jo tere sahilon pe khila tha jo
wo tha ek dariya visal ka so utar gaya use bhool ja

Poet of the Poem / Ghazal or Nazam : Amjad Islam Amjad

Kabhi yun bhi to ho
dariya ka sahil ho
pure chand ke raat ho
aur tum aao
kabhi yun bhi to ho
pariyon ke mahafil ho
koi tumhari baat ho
aur tum aao
kabhi yun bhi to ho
ye narm mulayam thandi havayen
jab ghar se tumhare guzaren
tumhari khushbu churayen
mere ghar le aayen
kabhi yun bhi to ho
suni har manzil ho
koi na mere sath ho
aur tum aao
kabhi yun bhi to ho
ye badal aisa toot ke barase
mere dil ke tarah milane ko
tumhara dil bhi tarase
tum nikalo ghar se
kabhi yun bhi to ho
tanahai ho, dil ho
bunden ho, barsat ho
aur tum aao
kabhi yun bhi to ho

Poet of the Poem / Ghazal or Nazam : Javed Akhtar