Ye kya ke ek jahan ko karo vaqf-e-iztarab
ye kya ke ek dil ko shakeban na kar sako
aisa na ho ye dard bane dard-e-lazaval
aisa na ho ke tum bhi mudava na kar sako
shayad tumhen bhi chain na aaye mere bagair
shayad ye baat tum bhi gavara na kar sako
kya jane phir sitam bhi mayassar ho na ho
kya jane ye karam bhi karo ya na kar sako
ALLAH kare jahan ko meri yaad bhool jaye
ALLAH kare ke tum kabhi aisa na kar sako
mere siva kisi ke na ho tum ko justaju
mere siva kisi ke tamanna na kar sako
Poet of the Poem / Ghazal or Nazam : Sufi Ghulam Mustafa Tabassum
Ye kya ke sab se bayan dil ke halaten karani
‘faraz’ tujh ko na aain muhabbaten karani
ye qurb kya hai ke tu samane hai aur hamen
shumar abhi se judai ke sa’aten karani
koi khuda ho ke pathar jise bhi hum chahen
tamam umr usi ke ibadaten karani
sab apne apanee qarine se muntazir us ke
kisi ko shukr kisi ko shikayaten karani
hum apne dil se hain majabur aur logon ko
zara si baat pe barpa qayamaten karani
milen jab un se to mubaham si guftagu karana
phir apne aap se sau-sau vazahaten karani
ye log kaise magar dushmani nibhaten hain
hamin ko ras na aain muhabbaten karani
kabhi ‘faraz’ naye mausamon mein ro dena
kabhi talash purani raqabaten karani
Poet of the Poem / Ghazal or Nazam : Ahmed Faraz
Ye na thi hamari qismat ke visal-e-yar hota
agar aur jite rehte yahi intazar hota
tere wade par jiye hum to ye jan jhooth jana
ke khushi se mar na jate agar aitabar hota
teri nazuki se jana ki bandha tha ahdboda
kabhi tu na tod sakata agar ustavar hota
koi mere dil se puche tere tir-e-nimakash ko
ye khalish kahan se hoti jo jigar ke par hota
ye kahan ke dosti hai ke bane hain dost naseh
koi charasaz hota, koi gamgusar hota
rag-e-sang se tapakata wo lahu ki phir na thamata
jise gham samajh rahe ho ye agar sharar hota
gham agarche jangusil hai, pe kahan bachen ke dil hai
gam-e-ishq gar na hota, gam-e-rozagar hota
kahun kis se main ke kya hai, shab-e-gam buri bala hai
mujhe kya bura tha marana agar ek bar hota
hue mar ke hum jo rusava, hue kyon na garq-e-dariya
na kabhi janaza uthata, na kaheen mazar hota
use kon dekh sakata ki yagana hai wo yakta
jo dui ke bu bhi hoti to kaheen do char hota
ye masail-e-tasavvuf, ye tera bayan ‘ghalib’
tujhe hum wali samajhate, jo na badakhvar hota
Poet of the Poem / Ghazal or Nazam : Mirza Ghalib
Ye raat ye tanhai
ye dil ke dhadakane ke aavaz
ye sannata
ye dubate taron ke
khamosh gazalkhvani
ye waqt ke palkon par
soti hui virani
jazbat-e-muhabbat ke
ye aakhiri angadai
bajati hui har janib
ye maut ke shahanai
sab tum ko bulate hain
pal bhar ko tum aa jao
band hoti meri aankhon mein
muhabbat ka
ik khwab saja jao
Poet of the Poem / Ghazal or Nazam : Meena Kumari ‘Naaz’
Ye shishe ye sapne ye rishte ye dhage
kise kya khabar hai kahan toot jayen
muhabbat ke dariya mein tinake wafa ke
na jane ye kis mod par dub jayen
ajab dil ke basti ajab dil ke vadi
har ek mod mausam nai khvahishon ka
lagaye hain hum ne bhi sapanon ke paudhe
magar kya bharosa yahan barishon ka
muradon ke manzil ke sapanon mein khoye
muhabbat ke rahon pe hum chal pade the
zara dur chal ke jab aankhen khuli to
kadi dhup mein hum akele khade the
jinhen dil se chaha jinhen dil se puja
nazar aa rahe hain wohi ajanabi se
ravayat hai shayad ye sadiyon purani
shikayat nahi hai koi zindagi se
Poet of the Poem / Ghazal or Nazam : Sudarshan Faakir
Ye soch kar ki teri jabin par na bal pade
bas dur hi se dekh liya aur chal pade
dil mein phir ik kasak-si uthi muddaton
ke bad
ik umr ke ruke hue aansu nikal pade
sine mein beqarar hain murda muhabbaten
mumkin hai ye charag kabhi khud hi jal pade
ae dil tujhe badalati hui rut se kya mila
paudhon mein phul aur darakhton mein phal pade
ab kis ke intazar mein jagen tamam shab
wo sath ho to neend mein kaise khalal pade
‘shehzad’ dil ko zabt ka yara nahi raha
nikala jo mahatab samandar uchal pade
Poet of the Poem / Ghazal or Nazam : Shahzad Ahmed
Yun saja chand ki jhalaka tere andaz ka rang
yun faza mahaki ki badala mere hamaraz ka rang
saya-e-chashm mein hairan rukh-e-raushan ka jamal
surkhi-e-lab pe pareshan teri aavaz ka rang
bepiye hon ki agar lutf karo aakhir-e-shab
shisha-e-may mein dhale subah ke aagaz ka rang
chango-nay rang pe the apne lahu ke dam se
dil ne lay badali to madham hua har saz ka rang
ik sukhan aur ki phir rang-e-takallum tera
harf-e-sada ko inayat kare ejaz ka rang
Poet of the Poem / Ghazal or Nazam : Faiz Ahmed Faiz
Yun teri rahaguzar se divanavar guzri
kandhe pe apne rakh ke apna mazar guzri
baithe rahe hain rasta mein dil ka khandhar saja kar
shayad isi taraf se ek din bahar guzri
bahati hui ye nadiya ghulate hue kinare
koi to par utre koi to par guzri
tu ne bhi hum ko dekha hum ne bhi tujh ko dekha
tu dil hi har guzra hum jan har guzri
Poet of the Poem / Ghazal or Nazam : Meena Kumari ‘Naaz’
