kis se puchen hum ne kahan wo chehara-e-roshan dekha hai
mehfil mehfil dhundh chuke hain gulshan gulshan dekha hai
kis ko dekhen kis ko na dekhen, phul bhi hain kaliyan bhi magar
jis se lagayi aankh usi ko dil ka dushman dekha hai
rang-e-bahar-e-subah-e-gulistan kya dekhe wo diwana
jis ki nazar ne ek hi gul mein sara gulshan dekha hai
ahl-e-wafa ke khoon ke chinten dur tak udakar jati hain
mera tadapana dekhane wale apna bhi daman dekha hai?
aj unhen jo chahe samajh lo warna yahi ‘taskin’ hain jinhen
kal tak hum ne ku-e-butan mein khakbadaman dekha hai

Poet of the Poem / Ghazal or Nazam :Taskeen Qureshi

kis ko qatil main kahun kis ko masiha samajhun
sab yahan dost hi baithe hain kise kya samajhun
wo bhi kya din the ke har vaham yaqin hota tha
ab haqiqat nazar aaye to use kya samajhun
dil jo tuta to kai hath dua ko uthe
aise mahaul mein ab kis ko paraya samajhun
zulm ye hai ke hai yaqta teri beganaravi
lutf ye hai ke main ab tak tujhe apna samajhun

Poet of the Poem / Ghazal or Nazam :Ahmed Nadeem Qasmi

kis-kis tarah se mujh ko na rusva kiya gaya
gairon ka naam mere lahu se likha gaya
nikala tha main sada-e-jaras ke talash mein
bhule se is sukut ke sehra mein aa gaya

kyon aj us ka zikr mujhe khush na kar saka
kyon aj us ka naam mera dil dukha gaya
is hadase ko sun ke karega yaqin koi
suraj ko ek jhonka hawa ka bujha gaya

Poet of the Poem / Ghazal or Nazam :Shahryar

ke wafa hum se to gair use jafa kahate hain
hoti aayi hai ke achon ko bura kahate hain
aj hum apni pareshani-e-khatir un se
kahane jate to hain, par dekhiye kya kahate hain
agale vaqton ke hain ye log, inhen kuch na kaho
jo may-o-nagmen ko andoharuba kahate hain
dil mein aa jae hai, hoti hai jo fursat gash se
aur phir kon se nale ko rasa kahate hain?
hai par-e-sarahad-e-idarak se apna masjud
qible ko, ahal-e-nazar, qiblanuma kahate hain
pa-e-afagar pe jab se tujhe raham aaya hai
khar-e-rah ko tere hum mehr-e-giya kahate hain
ik sharar dil mein hai, us se koi ghabarayega kya
aag matalub hai hamako, jo hawa kahate hain
dekhiye lati hai us shokh ke nakhvat kya rang
us ke har baat pe hum nam-e-khuda kahate hain
vahashat-o-shefta ab marsiya kahaven shayad
mar gaya “ghalib”-e-ashuftanava kahate hain

Poet of the Poem / Ghazal or Nazam :Mirza Ghalib

khwab tha ya khayal tha kya tha
hijr tha ya visal tha kya tha
chamaki bijli si par na samajhe hum
husn tha ya jamal tha kya tha
jis ko hum roz-e-hijr samajhe the
mah tha wo ke saal tha kya tha
‘mussafi’ kal jo chup sa baitha tha
kya tujhe kuch malal tha kya tha

Poet of the Poem / Ghazal or Nazam :Mussafi

khwab marate nahi
khwab dil hain na aankhen na sansen ke jo
reza-reza hue to bikhar jayenge
jism ke maut se ye bhi mar jayenge
khwab marate nahi
khwab to roshni hain, nava hain, hawa hain
jo kale pahadon se rukate nahi
zulm ke dozakhon se bhi phukate nahi
roshni aur nava aur hawa ke aalam
maqtalon mein pahunch kar bhi jhukate nahi
khwab to harf hain
khwab to nur hain
khwab to suqrat hain
khwab mansur hain

Poet of the Poem / Ghazal or Nazam :Ahmed Faraz

khwab ke tarah bikhar jane ko jee chahata hai
aisi tanhai ki mar jane ko jee chahata hai
ghar ke vahshat se larazata hun magar jane kyon
sham hoti hai to ghar jane ko jee chahata hai
dub jaun to koi mauj nishan tak na bataye
aisi nadi mein utar jane ko jee chahata hai
kabhi mil jaye to raste ke thakan jag pade
aisi manzil se guzar jane ko jee chahata hai
wohi paiman jo kabhi jee ko khush aaya tha bahut
usi paiman se mukar jane ko jee chahata hai

Poet of the Poem / Ghazal or Nazam :Iftikhar Arif

Khoon ban kar munasib nahi dil bahe
dil nahi manata kon dil se kahe
teri duniya mein aaye bahut din rahe
sukh ye paya ki hum ne bahut dukh sahe
bulbulen gul ke aansu nahi chatatin
un ko apne hi margub hain chahchahe
aalam-e-naz’a mein sun raha hun main kya
ye azizon ke chikhen hai ya qahqahe
is naye husn ke bhi adayon pe hum
mar mitenge basharte ki zinda rahe

Poet of the Poem / Ghazal or Nazam :  Hafeez Jullundhri