Posts tagged: Faiyaz Hashmi Poetry

Tasvir teri dil mera bahala na sakegi – Faiyaz Hashmi

Tasvir teri dil mera bahala na sakegi
ye teri tarah mujh se to sharma na sakegi
main baat karunga to ye khamosh rahegi
sine se laga lunga to ye kuch na kahegi
aaram wo kya degi jo tadapa na sakegi
ye aankhen hain tahari huin chanchal wo nigahen
ye hath hain sahame huye aur mast wo bahen
parachai to insan ke kam aa na sakegi
in honton ko “faiyyaz” main kuch de na sakunga
is zulf ko main hath mein bhi le na sakunga
ulajhi hui raton ko ye sulajha na sakegi

Poet of the Poem / Ghazal or Nazam : Faiyaz Hashmi

Na tum mere na dil mera na jan-e-natavan meri – Faiyaz Hashmi

Na tum mere na dil mera na jan-e-natavan meri
tasavvur mein bhi aa sakati nahi majaburiyan meri
na tum aaye na chain aaya na maut aai shab-e-vada
dil-e-muztar tha main tha aur thi betabiyan meri

abas nadaniyon par aap apni naz karte hain
abhi dekhi kahan hain aapane nadaniyan meri
ye manzil ye hasin manzil javani naam hai jisaka
yahan se aur aage badana ae umr-e-ravan meri

Poet of the Poem / Ghazal or Nazam : Faiyaz Hashmi

Takra hi gai meri nazar un ke nazar se – Faiyaz Hashmi

Takra hi gai meri nazar un ke nazar se
dhona hi pada hath mujhe qalb-o-jigar se
izhar-e-mohabbat na kiya bas isi dar se
aisa na ho gir ja un kaheen un ke nazar se
ae zauq-e-talab josh-e-junun ye to bata de
jana hai kahan aur hum aaye hain kidhar se
‘fayyaz’ ab aaya hai junun josh pe apna
hansata hai zamana main guzarata hun jidhar se

Poet of the Poem /  Ghazal or Nazam: Faiyaz Hashmi

Kam nahi meri zindagi ke liye – Faiyaz Hashmi

Kam nahi meri zindagi ke liye
chain mil jaye do ghadi ke liye
ae dil-e-zar kon hai tera
kyon tadapata hai yun kisi ke liye
kitne saman kar liye paida
itni choti si zindagi ke liye
aisa ‘faiyyaz’ gham ne ghera hai
lab taras hi gaye hansi ke liye

Poet of the Poem / Ghazal or Nazam : Faiyaz Hashmi

Hamen koi gham nahi tha gam-e-ashiqi se pahale – Faiyaz Hashmi

hamen koi gham nahi tha gam-e-ashiqi se pahale
na thi dushmani kisi se teri dosti se pahale
hai ye meri badanasibi tera kya qasur is mein
tere gham ne mar dala mujhe zindagi se pahale
mera pyar jal raha hai ae chand aj chup ja
kabhi pyar tha hamen bhi teri chandni se pahale
main kabhi na muskurata jo mujhe ye ilm hota
ki hazaron gham milenge mujhe ik khushi se pahale
ye ajeeb imtehan hai ki tumhi ko bhulana hai
mile kab the is tarah hum tumhen bedili se pahale

 

 
Poet of the Poem / Ghazal or Nazam :Faiyaz Hashmi

Aj jane ke zid na karo – Faiyaz Hashmi

aj jane ke zid na karo
yun hi pahalu mai baithe raho
haye! mar jayege, hum to lut jayege
aisi baten kiya na karo

tum hi socho zara kyun na roke tumhen
jan jati hai jab uthake jate ho tum
tum ko apani kasam jan-e-jan
bat itani meri man lo

waqt ke qaid mai zindagi hai magar
chand ghadiyan yahi hain jo aazad hai
in ko kho kar abhi jan-e-jan
umr bhar na taraste raho

kitana masum-o-rangin hai ye sama
husn aur ishq ke aj meraj hai
kal ki kisako khabar jane-jan
rok lo aj ke rat ko

gesuon ke shikan hai abhi shabanami
aur palakon ke saye bhi madahosh hain
husn-e-masum ko jane-jan
bekhudi mai na rusva karo

Poet of the Poem / Ghazal or Nazam : Faiyaz Hashmi








Faiyaz Hashmi Poetry, poems and Ghazals


Faiyaz Hashmi Poetry shayari sms in Urdu for your friends. Faiyaz Hashmi Poetry poetry , ghazal , poem and sher o shayari in Hindi. Best 1 line , 2 line and 4 line Faiyaz Hashmi Poetry shayari Collection Online.