Posts tagged: Faiz Ahmed Faiz Poetry

Ye kis khalish ne phir is dil mein aashiyana kiya – Faiz Ahmed Faiz

Ye kis khalish ne phir is dil mein aashiyana kiya
phir aj kis ne sukhan hum se gayebana kiya
gam-e-jahan ho, rukh-e-yar ho ke dast-e-udu
salook jis se kiya hum ne aashiqana kiya
the khak-e-rah bhi hum log qahar-e-tufan bhi
saha to kya na saha aur kiya to kya na kiya
khusha ke aj har ik muddai ke lab par hai
wo raz jis ne hamen rand-e-zamana kiya
wo hilagar jo vafaju bhi hai jafakhu bhi
kiya bhi “faiz” to kis but se dostana kiya

Poet of the Poem / Ghazal or Nazam : Faiz Ahmed Faiz

Tumhari yaad ke jab zakhm bharne lagate hain – Faiz Ahmed Faiz

Tumhari yaad ke jab zakhm bharne lagate hain
kisi bahane tumhen yaad karne lagate hain
hadis-e-yar ke unavan nikharane lagate hain
to har harim mein gesu sanvarane lagate hain
har ajanabi hamen maharam dikhai deta hai
jo ab bhi teri gali gali se guzarne lagate hain
saba se karte hain gurbat-nasib zikr-e-vatan
to chashm-e-subah mein aansu ubharne lagate hain
wo jab bhi karte hain is nutq-o-lab ke bakhiyagari
faza mein aur bhi naghmay bikharne lagate hain
dar-e-qafas pe andhere ke muhar lagti hai
to “faiz” dil mein sitare utarane lagate hain

Poet of the Poem / Ghazal or Nazam : Faiz Ahmed Faiz

Yun saja chand ki jhalaka tere andaz ka rang – Faiz Ahmed Faiz

Yun saja chand ki jhalaka tere andaz ka rang
yun faza mahaki ki badala mere hamaraz ka rang
saya-e-chashm mein hairan rukh-e-raushan ka jamal
surkhi-e-lab pe pareshan teri aavaz ka rang
bepiye hon ki agar lutf karo aakhir-e-shab
shisha-e-may mein dhale subah ke aagaz ka rang
chango-nay rang pe the apne lahu ke dam se
dil ne lay badali to madham hua har saz ka rang
ik sukhan aur ki phir rang-e-takallum tera
harf-e-sada ko inayat kare ejaz ka rang

Poet of the Poem / Ghazal or Nazam : Faiz Ahmed Faiz

Tum jo pal ko thahar jao to ye lamhen bhi – Faiz Ahmed Faiz

Tum jo pal ko thahar jao to ye lamhen bhi
aanevale lamhon ke amanat ban jayen
tum jo thahar jao to ye rat, mahatab
ye sabza, ye gulab aur hum donon ke khwab
sab ke sab aise mubaham hon ki haqiqat ho jayen
tum thahar jao ki unavan ke tafasir ho tum
tum se talkhi-e-auqat ka mausam badle
raat to kya badalegi, halat to kya badlenge
tum jo thahar jao to meri zat ka mausam badle
maharban ho ke na thaharo to phir yun thaharo
jaise pal bhar ko koi khvab-e-tamanna thahare
jaise daravesh-e-mada-nosh ke pyale mein kabhi
ek do pal ke liye talkhi-e-duniya thahare
thahar jao ke madarat maikhane se
chalte chalte koi ek-adh subu ho jaye
is se pahale ke koi lamha aainda ka tir
is tarah aaye ke pevast-e-gulu ho jaye

Poet of the Poem / Ghazal or Nazam : Faiz Ahmed Faiz

Tum aaye ho na shab-e-intazar guzri hai – Faiz Ahmed Faiz

Tum aaye ho na shab-e-intazar guzri hai
talash mein hai sahar bar bar guzri hai
junun mein jitani bhi guzri bakar guzri hai
agarche dil pe kharabi hazar guzri hai
hui hai hazarat-e-naseh se guftagu jis shab
wo shab zarur sar-e-ku-e-yar guzri hai
wo baat sare fasane mein jisaka zikr na tha
wo baat unko bahot na-gavar guzri hai
na gul khile hain, na unase mile, na mein pi hai
ajeeb rang mein ab ke bahar guzri hai
chaman mein garat-e-gulachin se jane kya guzri
qafas se aj saba beqarar guzri hai

Poet of the Poem / Ghazal or Nazam : Faiz Ahmed Faiz

Teri umeed tera intazar jab se hai – Faiz Ahmed Faiz

Teri umeed tera intazar jab se hai
na shab ko din se shikayat na din ko shab se hai
kisi ka dard ho karte hain tere naam raqam
gila hai jo bhi kisi se teri sabab se hai
hua hai jab se dil-e-nasabur beqabu
kalam tujhase nazar ko badi adab se hai
agar sharar hai to bhadake, jo phul hai to khile
tarah tarah ke talab tere rang-e-lab se hai
kahan gaye shab-e-furqat ke jaganevale
sitara-e-sahar ham-kalam kab se hai

Poet of the Poem / Ghazal or Nazam : Faiz Ahmed Faiz

Tere gham ko jan ke talash thi tere jan-nisar chale gaye – Faiz Ahmed Faiz

Tere gham ko jan ke talash thi tere jan-nisar chale gaye
teri reh mein karte the sar talab sar-e-rah-guzar chale gaye
teri kaj-adai se har ke shab-e-intazar chali gai
mere zabt-e-hal se ruth kar mere gam-gusar chale gaye
na saval-e-vasl na arz-e-gam na hikayaten na shikayaten
tere ahad mein dil-e-zar ke sabhi ikhtiyar chale gaye
ye hamin the jin ke libas par sr-e-rah siyahi likhi gai
yahi daag the jo saja ke hum sar-e-bazm-eyar chale gaye
na raha junun-e-rukh-e-vafa ye rasan ye dar karoge kya
jinhen jurm-e-ishq pe naz tha wo gunahagar chale gaye

Poet of the Poem / Ghazal or Nazam : Faiz Ahmed Faiz

Sach hain hamin ko aap ke shikave baja na the – Faiz Ahmed Faiz

Sach hain hamin ko aap ke shikave baja na the
beshak sitam janab ke sab dostana the
han jo jafa bhi aap ne ke qayede se ke
han hum hi karaband-e-usul-e-vafa na the
aaye to yun to ke jaise hamesha ke meharaban
bhule to yun ke goya kabhi aashana na the
kyon dad-e-gam hum ne talab ki, bura kiya
hum se jahan mein kushta-e-gam aur kya na the
gar fikr-e-zakhm ke to khatavar hain ke hum
kyon mahv-e-madh-e-khubi-e-teg-e-ada na the
har charagar ko charagari se gurez tha
warna hamen jo dukh the bahut ladava na the
lab par hai talkhi-e-may-e-ayyam warna “faiz”
hum talkhi-e-kalam par mail zara na the

Poet of the Poem / Ghazal or Nazam :Faiz Ahmed Faiz








Faiz Ahmed Faiz Poetry, poems and Ghazals


Faiz Ahmed Faiz Poetry shayari sms in Urdu for your friends. Faiz Ahmed Faiz Poetry poetry , ghazal , poem and sher o shayari in Hindi. Best 1 line , 2 line and 4 line Faiz Ahmed Faiz Poetry shayari Collection Online.