Posts tagged: Firaq Gorakhpuri Poetry

Ye mana zindagi hai char din ke – Firaq Gorakhpuri

Ye mana zindagi hai char din ke
bahut hote hain yaro char din bhi
khuda ko pa gaya waiz magar hai
zarurat aadmi ko aadmi ke
mila hun muskura ke us se har bar
magar aankhon mein bhi thi kuch nami si thi
muhabbat mein kahen kya hal dil ka
khushi hi kam aati hai na gham hi
bhari mahafil mein har ek se bachakar
teri aankhon ne mujh se baat kar li
ladakapan ke ada hai jan-leva
gazab ke chokari hai hath-bhar ke
raqib-e-gamazada ab sabr kar le
kabhi us se meri bhi dosti thi

Poet of the Poem / Ghazal or Nazam : Firaq Gorakhpuri

Ye nikhaton ke narm ravi ye hawa ye raat – Firaq Gorakhpuri

Ye nikhaton ke narm ravi ye hawa ye raat
yaad aa rahe hain ishq ke tute ta’alluqat
mayusiyon ke god mein dam todata hai ishq
ab bhi koi bana le to bigadi nahi hai baat
ik umr kat gai hai tere intazar mein
aise bhi hain ke kat na saki jin se ek raat
hum ahal-e-intazar ke aahat pe kan the
thandi hawa thi gham tha tera dhal chali thi raat
har sai-o-har amal mein muhabbat ka hath hai
tamir-e-zindagi ke samajh kuch muharakat
ahal-e-raza mein shan-e-bagavat bhi ho zara
itni bhi zindagi na ho paband-e-rasmiyat
uth bandagi se malik-e-taqadir ban ke dekh
kya vasvasa azab ka kya kavish-e-nijat
mujh ko to gham ne fursat-e-gam bhi na di “firaq”
de fursat-e-hayat na jaise gam-e-hayat

 

Poet of the Poem / Ghazal or Nazam : Firaq Gorakhpuri

Ye to nahi ke gham nahi – Firaq Gorakhpuri

Ye to nahi ke gham nahi
han meri aankh naam nahi
tum bhi to tum nahi ho aj
hum bhi to aj hum nahi
ab na khushi ke hai khushi
gham ka bhi ab to gham nahi
maut agarche maut hai
maut se zist kam nahi

 

Poet of the Poem / Ghazal or Nazam : Firaq Gorakhpuri

Tharthari si hai aasamanon mein – Firaq Gorakhpuri

Tharthari si hai aasamanon mein
zor kuch to hai natavanon mein
kitna khamosh hai jahan lekin
ik sada aa rahi hai kanon mein
koi soche to farq kitna hai
husn aur ishq ke fasanon mein
maut ke bhi ude hain aksar hosh
zindagi ke sharabkhanon mein
jin ke tamir ishq karta hai
kon rehta hai un makanon mein
inhin tinakon mein dekh ae bulbul
bijaliyan bhi hain aashiyanon mein

Poet of the Poem / Ghazal or Nazam : Firaq Gorakhpuri

Sakut-e-sham mitao bahut andhera hai – Firaq Gorakhpuri

Sakut-e-sham mitao bahut andhera hai
sukhan ke shama jalao bahut andhera hai
dayar-e-gam mein dil-e-beqarar chut gaya
sambhal ke dhudhane jao bahut andhera hai
ye raat wo ke sujhe jahan na hath ko hath
khayalo dur na jao bahut andhera hai
laton ko chehare pe dale wo so raha hai kaheen
zaya-e-rukh ko churao bahut andhera hai

havayen nim shabi hon ki chadar-e-anjum
naq aab rukh se uthao bahut andhera hai

shab-e-siyah mein gum ho gai hai rah-e-hayat
qadam sambhal ke uthao bahut andhera hai
guzashta ahd ke yadon ko phir karo taza
bujhe chirag jalao nahut andhera hai

thi ek uchakati hui neend zindagi usaki
‘firaq’ ko na jagao bahut andhera hai

Poet of the Poem / Ghazal or Nazam : Firaq Gorakhpuri

Ras mein duba hua laharata badan kya kahana- Firaq Gorakhpuri

ras mein duba hua laharata badan kya kahana
karavaten leti hui subah-e-chaman kya kahana
bag-e-jannat mein ghata jaise baras ke khul jaye
sondhi sondhi teri khushbu-e-badan kya kahana
jaise laharaye koi shola kamar ke ye lachak
sar basar aatish-e-sayyal badan kya kahana
qamat-e-naz lachakati hui ik qaus-o-e-qazah
zulf-e-shab rang ka chaya hua gahan kya kahana
jis tarah jalva-e-firdaus hawaon se chine
pairahan mein tere rangini-e-tan kya kahana
jalva-o-parda ka ye rang dam-e-nazzara
jis tarah adh-khule ghunghat mein dulhan kya kahana
jagamagahat ye jabin ke hai ke pau phatati hai
muskurahat hai teri subah-e-chaman kya kahana
zulf-e-shabgun ke chamak paikar-e-simen ke damak
dip mala hai sar-e-gang-o-jaman kya kahana

Poet of The Poem / Ghazal or Nazam :Firaq Gorakhpuri

 

Na jane ashk se aankhon mein kyon hai aaye hue – Firaq Gorakhpuri

Na jane ashk se aankhon mein kyon hai aaye hue
guzar gaya zamana tujhe bhulaye hue
jo manzilen hain to bas raharavan-e-ishq ke hain
wo sans ukhadi hui panv dagmagaye hue
na rahzanon se ruke raste mohabbat ke
wo kafile nazar aaye lute lutaye hue
ab is ke bad mujhe kuch khabar nahi un ke
gham aashana hue apne hue paraye hue
ye iztirab sa kya hai ki muddaten guzri
tujhe bhulaye hue teri yaad aaye hue

Poet of the Poem / Ghazal or Nazam : Firaq Gorakhpuri

Na jana aj tak kya shai khushi hai – Firaq Gorakhpuri

Na jana aj tak kya shai khushi hai
hamari zindagi bhi zindagi hai
tere gham se shikayat-si rahi hai
mujhe sach-much badi sharmindagi hai
mohabbat mein kabhi socha hai yun bhi
ki tujh se dosti ya dushamani hai
koi dam ka hun mehaman muh na phero
abhi aankhon mein kuch kuch roshani hai
zamana zulm mujh par kar raha hai
tum aisa kar sako to baat bhi hai
jhalak masumiyon mein shokhiyon ke
bahut rangin teri sadagi hai
ise sun lo sabab is ka na pucho
mujhe tum se mohabbat ho gai hai
suna hai ik nagar hai aansuon ka
usi ka dusara naam aankh bhi hai
wohi teri mohabbat ke kahani
jo kuch bhuli hui kuch yaad bhi hai
tumhara zikr aaya ittefaqan
na bigado baat par baat aa gai hai

Poet of the Poem / Ghazal or Nazam : Firaq Gorakhpuri








Firaq Gorakhpuri Poetry, poems and Ghazals