Ye kaisi muhabbat kahan ke fasane
ye pine pilane ke sab hain bahane
wo daman ho un ka ke sunsan sehra
bas hum ko to aakhir hain aansu bahane
ye kis ne mujhe mast nazron se dekha
lage khud-ba-khud hi qadam ladakhadane
chalo tum bhi ‘gumnam’ ab maikade mein
tumhen dafn karne hain kai gham purane

Poet of the Poem / Ghazal or Nazam : Surender Malik Gumnam

Ye to nahi ke gham nahi
han meri aankh naam nahi
tum bhi to tum nahi ho aj
hum bhi to aj hum nahi
ab na khushi ke hai khushi
gham ka bhi ab to gham nahi
maut agarche maut hai
maut se zist kam nahi

Poet of the Poem / Ghazal or Nazam : Firaq Gorakhpuri

Tumhare gham ka mausam hai abhi tak
lab-e-tashna pe shabanam hai abhi tak

safar mein aabale hi aabale the
magar pairon mein dam-kham hai abhi tak

tumhare band dar mujh se khafa hain
mere jine ka matam hai abhi tak

teri aab-o-hava ras aa gai thi
bichad jane ka kuch gham hai abhi tak

gai rut mein hui thi fasl achi
idhar panii gira kam hai abhi tak

main khud ko dhundhata phirta hun sab mein
junun ka ik aalam hai abhi tak

Poet of the Poem / Ghazal or Nazam : Anees Ansari

Tum nahi gham nahi sharab nahi
aisi tanhai ka javab nahi
gahe gahe ise pada kije
dil se bahatar koi kitab nahi
jane kis kis ke maut aai hai
aj rukh pe koi naqab nahi
wo karam ungaliyon pe ginte hain
zulm ka jinake kuch hisab nahi

Poet of the Poem / Ghazal or Nazam : Saeed Rahi

Tujhe qasam hai saqiya sharab la sharab de
utha subu nazar mila sharab la sharab de

har ek aisa jam ho ke jis pe tera naam ho
tu apne naam ke pila sharab la sharab de
na dil mein koi gham rahe na meri aankh naam rahe
har ek dard ko mita sharab la sharab de
bahut hasin raat hai tera hasin sath hai
nashe mein kuch nasha mila sharab la sharab de
surur hai khumar hai bahar hi bahar hai
magar zara ae dilruba sharab la sharab de

Poet of the Poem / Ghazal or Nazam : Ibrahim Ashk

Shayad aa jayega saqi ko taras ab ke baras
mil na paya hai un aankhon ka ras ab ke baras
aisi chain thi kahan gham ke ghatayen pahale
han mere dida-e-tar khub baras ab ke baras
uff wo un mad-bhari aankhon ke chalakate huye jam
bad gai aur bhi pine ke havas ab ke baras
pahale ye kab tha ki wo mere hain main un ka hun
un ke yadon ne sataya hai to bas ab ke baras

Poet of the Poem / Ghazal or Nazam : Rai Rampuri

Tere jalave ab mujhe har su nazar aane lage
kash ye bhi ho ke mujh mein tu nazar aane lage
ibtada ye thi ke dekhi thi khushi ke ek jhalak
intaha ye hai ke gham har su nazar aane lage
beqarari badhate badhate dil ke fitarat ban gai
shayad ab taskin ka pehlu nazar aane lage
khatm karade ae ‘saba’ ab sham-e-gam ke dastan
dekh un aankhon mein bhi aansu nazar aane lage

Poet of the Poem / Ghazal or Nazam : Saba Afghani

Tere gham ko jan ke talash thi tere jan-nisar chale gaye
teri reh mein karte the sar talab sar-e-rah-guzar chale gaye
teri kaj-adai se har ke shab-e-intazar chali gai
mere zabt-e-hal se ruth kar mere gam-gusar chale gaye
na saval-e-vasl na arz-e-gam na hikayaten na shikayaten
tere ahad mein dil-e-zar ke sabhi ikhtiyar chale gaye
ye hamin the jin ke libas par sr-e-rah siyahi likhi gai
yahi daag the jo saja ke hum sar-e-bazm-eyar chale gaye
na raha junun-e-rukh-e-vafa ye rasan ye dar karoge kya
jinhen jurm-e-ishq pe naz tha wo gunahagar chale gaye

Poet of the Poem / Ghazal or Nazam : Faiz Ahmed Faiz