Posts tagged: Gulzar poetry

Wo kat ke puraze uda raha tha – Gulzar

Wo kat ke puraze uda raha tha
hawaon ka rup dikha raha tha
kuch aur bhi ho gaya numayan
main apna likha mita raha tha
usi ka iman badal gaya hai
kabhi jo mera khuda raha tha
wo ek din ek ajanabi ko
meri kahani suna raha tha
wo umr kar raha tha meri
main saal apne badha raha tha

Poet of the Poem / Ghazal or Nazam : Gulzar

Sham se aankh mein nami si hai – Gulzar

Sham se aankh mein nami si hai
aj phir aap ke kami si hai
dafn kar do hamen ki sans mile
nabz kuch der se thami si hai
waqt rehta nahi kaheen chupakar
is ke aadat bhi aadmi si hai
koi rishta nahi raha phir bhi
ek taslim lazami si hai

Poet of the Poem / Ghazal or Nazam : Gulzar

Zindagi yun hui basar tanha – Gulzar

Zindagi yun hui basar tanha
qafila sath aur safar tanha
apne saye se chaunk jate hain
umr guzri hai is qadar tanha
raat bhar bolate hain sannate
raat kate koi kidhar tanha
din guzarata nahi hai logon mein
raat hoti nahi basar tanha
hum ne daravaze tak to dekha tha
phir na jane gaye kidhar tanha

Poet  of  the Poem / Ghazal or Nazam :Gulzar

sans lena bhi kaisi aadat hai – Gulzar

sans lena bhi kaisi aadat hai
jiye jana bhi kya ravayat hai
koi aahat nahi badan mein kaheen
koi saya nahi hai aankhon mein
panv behis hain, chalte jate hain
ik safar hai jo bahata rehta hai
kitne barason se, kitni sadiyon se
jiye jate hain, jiye jate hain
aadaten bhi ajeeb hoti hain

 

Poet of the Poem / Ghazal or Nazam :Gulzar

Qadam usi mod par jame hain – Gulzar

qadam usi mod par jame hain
nazar samete hue khada hun
junun ye majabur kar raha hai palat ke dekhun
khudi ye kahati hai mod mud ja
agarche ehasas kah raha hai
khule dariche ke piche do aankhen jhankati hain
abhi mere intazar mein wo bhi jagti hai
kaheen to us ke gosha-e-dil mein dard hoga
use ye zid hai ki main pukarun
mujhe taqaza hai wo bula le
qadam usi mod par jame hain
nazar samete hue khada hun

Poet of the Poem / Ghazal or Nazam :Gulzar

 

Din kuch aise guzarata hai koi – Gulzar

Din kuch aise guzarata hai koi
jaise ehsaan utarata hai koi
aaina dekh ke tasalli hui
hum ko is ghar mein janata hai koi
pak gaya hai shazar pe phal shayad
phir se pathar uchalata hai koi
phir nazar mein lahu ke chinte hain
tum ko shayad mughalata hai koi
der se gunjaten hain sannate
jaise hum ko pukarata hai koi

Poet of the Poem / Ghazal or Nazam : Gulzar

Ek purana mausam lauta yaad bhari puravai bhi

ek purana mausam lauta yaad bhari puravai bhi
aisa to kam hi hota hai wo bhi ho tanahai bhi
yadon ki baucharon se jab palaken bhigane lagti hain
kitni saundhi lagti hai tab manjhi ki rusavai bhi
do do shaqlen dikhati hain is bahake se aaine mein
mere sath chala aaya hai aap ka il saudai bhi
khamoshi ka hasil bhi ik lambi si khamoshi hai
un ki bat suni bhi hamane apni bat sunai bhi

Poet of the poem/ghazal or Nazam: Gulzar

Ek paravaz dikhai di hai

ek paravaz dikhai di hai
teri aavaz sunai di hai
jis ki aankhon mein kati thi sadiyan
us ne sadiyon ki judai di hai
sirf ek safah palat kar us ne
biti baton ki safai di hai
phir waheen laut ki jana hoga
yar ne kaisi rihai di hai
aag ne kya kya jalaya hai shav par
kitni khus-rang dikhai di hai

Poet of the poem/ghazal or Nazam:  Gulzar








Gulzar poetry, poems and Ghazals


Gulzar poetry shayari sms in Urdu for your friends. Gulzar poetry poetry , ghazal , poem and sher o shayr in Hindi. Best 1 line , 2 line and 4 line Gulzar poetry shayari Collection Online.