Na jane ashk se aankhon mein kyon hai aaye hue
guzar gaya zamana tujhe bhulaye hue
jo manzilen hain to bas raharavan-e-ishq ke hain
wo sans ukhadi hui panv dagmagaye hue
na rahzanon se ruke raste mohabbat ke
wo kafile nazar aaye lute lutaye hue
ab is ke bad mujhe kuch khabar nahi un ke
gham aashana hue apne hue paraye hue
ye iztirab sa kya hai ki muddaten guzri
tujhe bhulaye hue teri yaad aaye hue

Poet of the Poem / Ghazal or Nazam : Firaq Gorakhpuri

masti bhari nazar ka nasha hai mujhe abhi
ye jam dur rakh do pi lunga phir kabhi
dil ko jala ke bazm ko raushan na kijiye
us mahjabin ko aane mein kuch der hai abhi
hum ne to ashk pi ke guzri hai sari umr
hum se khafa hai kis liye aakhir ye zindagi
jam-e-subu ko dur hi rahane de saqiya
mujh ko utarana hai kal ka nasha abhi

Poet of the Poem / Ghazal or Nazam :Surender Malik Gumnam

Dost gamkhvari mein meri sai farmayenge kya
zakhm ke bharne talak nakhun na badh jayenge kya
beniyazi had se guzri banda paravar kab talak
hum kahenge hal-e-dil aur aap farmayenge kya
hazarat-e-naseh gar aayen dida-o-dil farsh-e-rah
koi mujh ko ye to samajha do ki samajhayenge kya
aj van teg-o-kafan bandhe hue jata hun main
uzr mera qatl karne mein wo ab layenge kya
gar kiya naseh ne hum ko qaid acha yon sahi
ye junun-e-ishq ke andaz chut jayenge kya
khana zad-e-zulf hain zanjir se bhagenge kya
hain giraftar-e-vafa zindan se ghabarayenge kya
hai ab is mamure mein qahat-e-gam-e-ulfat asad
hum ne ye mana ki dilli mein rahe khayenge kya

Poet of the Poem / Ghazal or Nazam : Mirza Ghalib

aj ke rat bhi guzari hai meri kal ke tarah
hath aaye na sitare tere aanchal ke tarah

rat jalati hui ik aisi chita hai jis par
teri yaden hain sulagate huye sandal ke tarah

tu ki dariya hai magar meri tarah pyasa hai
main tere pas chala aaunga badal ke tarah

main hun ik khvab magar jagati aankhon ka “ameer”
aj bhi log gavan de na mujhe kal ke tarah
 
Poet of the Poem / Ghazal or Nazam : Ameer Kazalbash