|
Yun teri rahaguzar se divanavar guzri
kandhe pe apne rakh ke apna mazar guzri
baithe rahe hain rasta mein dil ka khandhar saja kar
shayad isi taraf se ek din bahar guzri
bahati hui ye nadiya ghulate hue kinare
koi to par utre koi to par guzri
tu ne bhi hum ko dekha hum ne bhi tujh ko dekha
tu dil hi har guzra hum jan har guzri
Poet of the Poem / Ghazal or Nazam : Meena Kumari ‘Naaz’
Sham ko subah-e-chaman yaad aayi
kis ke khushbu-e-badan yaad aayi
jab khayalon mein koi mod aaya
tere gesu ke shikan yaad aayi
yaad aaye tere paikar ke khatoot
apni kotahi-e-fan yaad aayi
chand jab dur ufaq par duba
tere lahaje ke thakan yaad aayi
din shuaon se ulajhate guzra
raat aayi to kiran yaad aayi
Poet of the Poem / Ghazal or Nazam : Ahmed Nadeem Qasmi
Khuli jo aankh to wo tha na wo zamana tha
dahakati aag thi tanhai thi fasana tha
gamon ne bant liya mujhe yun aapas mein
ke jaise main koi luta hua khazana tha
ye kya ke chand hi qadmon pe thak ke baith gaye
tumhen to sath mera dur tak nibhana tha
mujhe jo mere lahu mein dubo ke guzra hai
wo koi gair nahi yar ek purana tha
khud apne hath se “shahzad” us ko kat diya
ke jis darakht ke tahani pe aashiyana tha
Poet of the Poem / Ghazal or Nazam : Farhat Shahzad
Khayal-o-khvab hue hain muhabbaten kaisi
lahu mein nach rahin hain ye vahashaten kaisi
na shab ko chand hai acha na din ko mehar acha
ye hum pe bit rahi hain qayamaten kaisi
azab jin ka tabassum savab jin ke nigah
khinchi hui hain pas-e-janan suraten kaisi
hawa ke dosh pe rakkhe hue charag hain hum
jo bujh gaye to hawa se shikayaten kaisi
jo bekhabar
koi guzra to sada ye di hai
main sang-e-rah hun mujh par inayaten kaisi
jo aa rahe so wo bhi ab sang-o-khisht lata hai
faza ye ho to dilon ke nazakaten kaisi
Poet of the Poem / Ghazal or Nazam : Obaidullah Aleem
Kaise kaise hadase sahate rahe
hum yun hi jite rahe hanste rahe
us ke aa jane ke ummiden liye
rasta mud mud ke hum takate rahe
waqt to guzra magar kuch is tarah
hum charagon ke tarah jalate rahe
kitne chehare the hamare aas-pas
tum hi tum dil mein magar basate rahe
Poet of the Poem / Ghazal or Nazam : Wajida Tabassum
Karavan guzra kiya hum rahaguzar dekha kiye
har qadam par naqsh-e-pa rahabar dekha kiye
yas jab chai ummiden hath mal kar reh gain
dil ke nabazen chut gayin aur charagar dekha kiye
rukh meri janib nigah-e-lutf dushman ke taraf
yun udhar dekha kiye goya idhar dekha kiye
dard mandan-e-vafa ke haye re majaburiyan
dard-e-dil dekha na jata tha magar dekha kiye
tu kahan thi ae ajal ae namuradon ke murad
maranevale reh teri umar bhar dekha kiye
Poet of the Poem / Ghazal or Nazam : Fani Badayuni
Lazim tha ki dekho mera rasta koi din aur
tanha gaye kyon ab raho tanha koi din aur
mit jayega sar, gar tera paththar na ghisega
hun dar pe tere nasiyafarsa koi din aur
aaye ho kal aur aj hi kahate ho ki jaun
mana ki hamesha nahi acha koi din aur
jate hue kahate ho qayamat ko milenge
kya khub! qayamat ka hai goya koi din aur
han ae falak-e-pir, jawan tha abhi aarif
kya tera bigadata jo na marata koi din aur
tum mah-e-shab-e-charduhum the mere ghar ke
phir kyon na raha ghar ka wo naqsha koi din aur
tum kon se aise the khare dad-o-sitad ke
karta malakulmaut taqaza koi din aur
mujhase tumhen nafrat sahi, nayyar se ladai
bachon ka bhi dekha na tamasha koi din aur
guzri na baharhal ya muddat khushi-nakhush
karana tha javanmarg! guzra koi din aur
nadan ho jo kahate ho ki kyon jite ho ‘ghalib’
qismat mein hai marane ke tamanna koi din aur
Poet of the Poem / Ghazal or Nazam : Mirza Ghalib
Duniya se dil lagakar duniya se kya milega
yad-e-khuda kiye ja tujh ko khuda milega
daulat ho ya hukumat taqat ho ya javani
har cheez mitane vali har cheez aani-jani
ye sab gurur ik din matti mein ja milega
aata nahi palatakar guzra hua zamana
kya khwab ka bharosa kya maut ka thikana
ye zindagi ganva kar kya fayeda milega
Poet of the Poem / Ghazal or Nazam : Charag Hasan Hasrat
