Yaad hain sare wo aish-e-bafaragat ke maze
dil abhi bhula nahi aagaz-e-ulfat ke maze
wo sarapa naz tha begana-e-rasm-e-jafa
aur mujhe hasil the lutf-e-benihayat ke maze
husn se apne wo gafil tha main apne ishq se
ab kahan se laun wo na-vaqfiyat ke maze
meri janib se nigah-e-shauq ke betabiyan
yar ke janib se aagaz-e-sharart ke maze
yaad hain wo husn-o-ulfat ke nirali shokhiyan
iltamas-e-uzr-o-tamahid-e-shikayat ke maze
sehaten lakhon meri bimari-e-gam par nisar
jis mein uthe barha un ke ayadat ke maze
Poet of the Poem / Ghazal or Nazam :Hasrat Mohani
Tod kar ahad-e-karam na-ashana ho jayiye
banda paravar jayiye acha khafa ho jayiye
reh mein miliye kabhi mujh se to azarah-e-sitam
honth apne kat kar fauran juda ho jayiye
jee mein aata hai ke us shokh-e-tagaful kesh se
ab na miliye phir kabhi aur bevafa ho jayiye
haye re be-ikhtiyari ye to sab kuch ho magar
us sarapa naz se q kar khafa ho jayiye
Poet of the Poem / Ghazal or Nazam : Hasrat Mohani
Phir bhi hai tumako masihai ka dawa dekho
mujhko dekho, mere marane ke tamanna dekho
jurm-e-nazzara pe kon itni khushamad karta
ab wo ruthe hain lo aur tamasha dekho
do hi din mein wo baat hai na wo chah na pyar
hum ne pahale hi ye tum se na kaha tha dekho
hum na kahate the banavat se hai sara gussa
hans ke lo phir wo unhon ne hamen dekha dekho
masti-e-husn se apni bhi nahi tum ko khabar
kya suno araz meri, hal mera kya dekho
ghar se har vaqy nikal aate ho khole hue bal
sham dekho na meri jan savera dekho
khana-e-jan mein namudar hai ek paikar-e-nur
hasarato aao rukh-e-yar ka jalva dekho
samane sab ke munasin nahi hum par ye itab
sar se dhal jaye na gusse mein dupatta dekho
mar mite hum to kabhi yaad bhi tum ne na kiya
ab muhabbat ka na karana kabhi dawa dekho
dosto tark-e-muhabbat ke nasihat hai fazul
aur na mano to dil-e-zar ko samajha dekho
sar kaheen bal kaheen hath kaheen pano kaheen
us ka sona bhi hai kis shan ka sona dekho
ab wo shokhi se ye kahate hain sitamagar jo hain hum
dil kisi aur se kuch roz bahala dekho
havas-e-did miti hai na mitegi “hasrat”
dekhane ke liye chaho unhen jitana dekho
Poet of the Poem / Ghazal or Nazam :Hasrat Mohani
raushan jamal-e-yar se hai anjuman tamam
dahaka hua hai aatish-e-gul se chaman tamam
hairat gurur-e-husn se shokhi se iztarab
dil ne bhi tere sikh liye hain chalan tamam
ALLAH re husn-e-yar ke khubi ke khud-ba-khud
ranginiyon mein dub gaya pairahan tamam
dekho to husn-e-yar ke jadu nigahiyan
behosh ik nazar mein hui anjuman tamam
Poet of The Poem / Ghazal or Nazam :Hasrat Mohani
Kaise chupaun raz-e-gam dida-e-tar ko kya karun
dil ke tapish ko kya karun soz-e-jigar ko kya karun
shorish-e-ashiqi kahan aur meri sadagi kahan
husn ko tere kya kahun apni nazar ko kya kahun
gham ka na dil mein ho guzar vasl ke shab ho yun basar
sab ye qubul hai magar khauf-e-sahar ko kya karun
hal mera tha jab butar tab na hui tumhen khabar
bad mere hua asar ab main asar ko kya karun
Poet of the Poem / Ghazal or Nazam : Hasrat Mohani
masti ke phir aa gaye zamane
aabad hue sharab khane
har phul chaman mein zar-ba-kaf hai
bante hain bahar ne khazane
sab hans pade khil-khila ke gunche
cheda jo latifa saba ne
sar-sabz hua nihal-e-gam bhi
paida wo asar kiya hawa ne
rindon ne p??? kar pila di
waiz ke na chal sake bahane
kar dunga main har vali ko maikhvar
taufiq jo di mujhe khuda ne
hum ne to nisar kar diya dil
ab jane wo shokh ya na jane
begana-e-mai kiya hai mujh ko
saqi ke nigah-e-ashna ne
Poet of the Poem / Ghazal or Nazam :Hasrat Mohani
jazb-e-kamil ko asar apana dikha dena tha
mere pehlu mein unhen la ke bitha dena tha
kuch to dena tha tere tagaful ka javab
ya khuda ban ke tujhe dil se bhula dena tha
tair-e-jan ke siva kis ko banate qasid
us sitamgar ko paigam-e-qaza dena tha
dard mohataj-e-dava ho ye sitam hai ya rab
jab diya tha to kuch is se bhi sava dena tha
wo jo bigade to khafa tum bhi hue kyon “hasrat”
pa-e-nakhuvat pe sar-e-shauq jhuka dena tha
Poet of the Poem / Ghazal or Nazam :Hasrat Mohani
husn-e-beparavah ko khudbib-o-khudara kar diya
kya kiya main ne ki izahar-e-tamanna kar diya
bad gayin tumase to milakar aur bhi betabiyan
hum ye samajhe the ki ab dil ko shakeba kar diya
padake tera khat mere dil ke ajab halat hui
iztarab-e-shauq ne ek hashr barpa kar diya
hum rahe yan tak teri khidmat mein sargarm-e-nayaz
tujh ko aakhir aashana-e-naz-e-beja kar diya
ab nahi dil ko kisi surat kisi pehlu qarar
is nighat-e-naz ne kya sahir aisa kar diya
ishq se tere bade kya kya dilon ke martabe
mahr zarron ko diya qatron ko dariya kar diya
teri mahafil se uthta gair mujhko kya majal
dekhata tha main ki tune bhi ishara kar diya
sab galat kahate the lutf-e-yar ko wajah-e-sukun
dard-e-dil is ne to ‘hasrat’ aur duna kar diya
Poet of the Poem / Ghazal or Nazam :Hasrat Mohani
