Ye aarzoo hai ki jab bhi gale lagaun use
hisar-e-zat se bahar nikal laun use
wo jal raha tha kadi dhup ke tamazat mein
mila jo ab to odha dunga apni chanv use
ye ishq bhi hai ajab imtihan-e-ahad-e-vafa
wo aazamaye mujhe aur main aazamaun use
wo shahar shahar chiragan sahi magar ek din
havayen yaad dilayengi apna ganv use
wo apne khwab mein shayad mujhi ko dekhata ho
main tashnalab sahi sote mein kya jagaun use
Poet of the Poem / Ghazal or Nazam : Himayat Ali Shayar
paon ke zakhm hain farsh-e-gul-e-tar hone tak
reh dushvar hai aagaz-e-safar hone tak
ye alag baat ke khamosh hain ahal-e-zindan
warna ye qaid hai divar mein dar hone tak
ek nazar naqsh-e-kaf-e-pa ka hunar to dekho
kahkashan si nazar aati hai sahar hone tak
haye wo bij jo matti mein daba rehta hai
kin marahil se guzarata hai shajar hone tak
kya khabar tum ko ki ye saqf ye divar hain kya
hum pe kya guzri hai is chaon ke ghar hone tak
Poet of the poem / Ghazal or Nazam :Himayat Ali Shayar
is bar wo mila to ajeeb us ka rang tha
alfaz mein tarang na lahaja dabang tha
ek soch thi ki bikhari hui khal-o-khad mein thi
ek dard tha ki jis ka shahid ang-ang tha
ek aag thi ki rakh mein poshida thi kaheen
ek jism tha ki ruh se masaruf-e-jang tha
main ne kaha ki yar tumhen kya hua hai ye
us ne kaha ki umr-e-ravan ke ata hai ye
main ne kaha ki umr-e-ravan to sabhi ke hai
us ne kaha ki fikr-o-nazar ke ata hai ye
main ne kaha ki sochata rehta to main bhi hun
us ne kaha ki aaina rakha hua hai ye
dekha to mera apna hi aks-e-jamal tha wo
wo main tha aur “himayat ali” tha wo
Poet of the Poem / Ghazal or Nazam :Himayat Ali Shayar
har qadam par nit naye sanche mein dhal jate hain log
dekhte hi dekhte kitne badal jate hain log
kis liye kije kisi gumgashta jannat ke talash
jab ki matti ke khilone se bahal jate hain log
kitne sada dil hain ab bhi sun ke aavaz-e-jaras
pesh-o-pas se bekhabar ghar se nikal jate hain log
shama ke manind ahal-e-anjuman se beniyaz
aksar apni aag mein chup-chap jal jate hain log
‘shayar’ un ke dosti ka ab bhi dam bharate hain aap
thokaren kha kar to sunate hain sambhal jate hain log
Poet of the Poem / Ghazal or Nazam : Himayat Ali Shayar
aj ae dil lab-o-rukhsar ke baten hai sahi
aj ae dil lab-o-rukhsar ke baten hai sahi
waqt kat jayega kuch pyar ke baten hi sahi
yun to katati hi rahegi gam-e-dauran mein hayat
aj ke rat gam-e-yar ke baten hi sahi
zinda rahane ke kabhi to koi surat nikale
isharat-e-alam-e-didar ke baten hi sahi
koi to bat chide aj bahut jee hai udas
kam se kam rahamat-e-agyar ke baten hi sahi
ab to tanhai ko ye karb na hoga bardasht
kuch nahi to dar-o-divar ke baten hi sahi
ye bhi kya kam hai unhen qurbat-e-gul to hai nasib
aj gul ke na sahi khar ke baten hi sahi
ye to tai hai ki jiye jayenge har hal mein hum
un ke lab par rasan-o-dar ke baten hi sahi
Poet of the Poem / Ghazal or Nazam : Himayat Ali Shayar
