Posts tagged: Jagannath Azad Poetry

Teri bazm-e-tarab mein soz-e-pinhan leke aaya hun – Jagannath Azad

Teri bazm-e-tarab mein soz-e-pinhan leke aaya hun
chaman mein yad-e-ayyam-e-baharan leke aaya hun
teri mahafil se jo araman-o-hasarat leke nikala tha
wo hasrat leke aaya hun wo araman leke aaya hun
tumhare vaste ae dosto main aur kya lata
vatan ke subah aur sham-e-gariban leke aaya hun
main apne ghar mein aaya hun magar andaz to dekho
ke apne aap ko manind-e-mahaman leke aaya hun

Poet of the Poem / Ghazal or Nazam : Jagannath Azad

Khwab ke tarah se hai yaad ke tum aaye the – Jagannath Azad

khwab ke tarah se hai yaad ke tum aaye the
jis tarah daman-e-mashriq mein sahar hoti hai
zarre zarre ko tajalli ke khabar hoti hai
aur jab nur ka sailab guzar jata hai
raat bhar ek andhere mein basar hoti hai
kuch isi tarah se hai yaad ke tum aaye the

jaise gulashan mein dabe paon bahar aati hai
patti patti ke liye leke nikhar aati hai
aur phir waqt wo aata hai ke har mauj-e-saba
apne daman mein liye gard-o-gubar aati hai
kuch isi tarah se hai yaad ke tum aaye the

jis tarah mahv-e-safar ho koi virane mein
aur raste mein kaheen koi khiyaban aa jaye
chand lamhon mein khiyaban ke guzar jane par
samane phir vohi duniya-e-biyaban aa jaye
kuch isi tarah se hai yaad ke tum aaye the

Poet of the Poem / Ghazal or Nazam :Jagannath Azad

Manzil-e-janan ko jab ye dil ravan tha dosto – Jagannath Azad

manzil-e-janan ko jab ye dil ravan tha dosto
tum ko main kaise bataun kya saman tha dosto
har guman pahane hue tha ek malbus-e-yaqin
har yaqin jan dada-e-husn-e-guman tha dosto
dil ki har dhadakan makan-o-lamakan par thi muhit
har nafas raz-e-doalam ka nishan tha dosto
kya khabar kis justaju mein is qadar aawara tha
dil ke jo ganjina-e-sarr-e-nihan tha dosto
dhundhane par bhi na milta tha mujhe apna vujud
main talash-e-dost mein yun benishan tha dosto
markad-e-iqbal par hazir thi jab dil ki tadap
zindagi ka ek parda darmiyan tha dosto
qarb ne paida kiya tha khud hi duri ka saman
fasala warna hail kahan tha dosto
bekhudi mein jab mere honton ne chuma qabr ko
mere sina se gada-e-fursiyan tha dosto
ru-ba-ru-e-jalva-e-markad vujud-e-kam ayar
zar-e-naqis sharmasar-e-imtehan tha dosto
partav-e-dil mein nihan thi tah-bateh ye khamoshi
ishq ka wo bhi ik izhar-e-bayan tha dosto
jalvagah-e-dost ka aalam kahun main tum se kya
jalva hi jalva vahan tha main kahan tha dosto
sajdagah-e-khurshiyan tha yan na jane kya tha wo
jo meri nazron ke aage aastan tha dosto
dil ne har lamhe ko dekha ik nirale rang mein
lamha lamha dastan dar dastan tha dosto
jis ke sher-o-nagmagi par vusat-e-alam thi tang
har subah ko wo dopahre bekaran tha dosto
so raha tha khak ke niche jahan-e-zindagi
raz-e-hasti meri nazron par ayan tha dosto
kash tum bhi meri palkon ka nazara dekhte
ye nazara kahkashan dar kahkashan tha dosto

Poet of the Poem / Ghazal or Nazam :Jagannath Azad

 

Kamaran yun tha mera bakht-e-javan kal raat ko – Jagannath Azad

Kamaran yun tha mera bakht-e-javan kal raat ko
jhuk raha tha mere dar pe aasaman kal raat ko

husn jab tha ishq ke ghar mahaman kal raat ko
uth chuka tha har hijab-e-daramiyan kal raat ko

kash ban jati hayat-e-javidan kal raat ko
kis qadar mahbub thi umr-e-ravan kal raat ko

dil agar tanha mera tir-o-kaman ke zad pe tha
dil ke zad par bhi rahe tir-o-kaman kal raat ko

ban rahi thi halqa meri zist ke girdab ka
kuch sunahari kuch rupahali churiyan kal raat ko

ruk gain thi yun zamin-o-asaman ke gardishen
nim-shab par sham hi ka tha guman kal raat ko

kya khabar kyon husn ke farmaishon ke bavajud
ishq ne chedi na apni dastan kal raat ko

subah phir lane ko hai lambi judai ka payam
ye bhi ik aavaz aayi nagahan kal raat ko

Poet of the Poem / Ghazal or Nazam : Jagannath Azad








Jagannath Azad Poetry, poems and Ghazals