Sau chand bhi chamakenge to kya baat banegi
tum aaye to is raat ke auqat banegi
un se yahi kah aaye ki hum ab na milenge
aakhir koi taqarib-e-mulaqat banegi
ye hum se na hoga ki kisi ek ko chahen
ae ishq! hamari na tere sath banegi
hairat kada-e-husn kahan hai abhi duniya
kuch aur nikhar le to tilismat banegi
ye kya ke badhate chalo badhate chalo aage
jab baith ke sochenge to kuch baat banegi
Poet of the Poem / Ghazal or Nazam : Jan Nissar Akhtar
Zamana aj nahi dagamaga ke chalne ka
sambhal bhi ja ki abhi waqt hai sambhalane ka
bahar aaye chali jaye phir chali aaye
magar ye dard ka mausam nahi badalne ka
ye thik hai ki sitaron pe ghum aaye hain
magar kise hai saliqa zamin pe chalne ka
phire hain raton ko aawara hum to dekha hai
gali gali mein saman chand ke nikalne ka
tamam nasha-e-hasti tamam kaif-e-vajud
wo ik lamha tere jism ke pighalne ka
Poet of the Poem / Ghazal or Nazam : Jan Nissar Akhtar
Taman umr azabon ka silasila to raha
ye kam nahi hamen jine ka hausla to raha
guzar hi aaye kisi tarah tere divane
qadam qadam pe koi sakht marhala to raha
chalo na ishq hi jeeta na aql har saki
tamam waqt maze ka muqabala to raha
main teri zat mein gum ho saka na tu mujh mein
bahut qarib the hum phir bhi fasala to raha
ye aur baat ki har ched laubali thi
teri nazar ka dilon se muamala to raha
bahut hasin sahi wazae-ehatiyat teri
meri havas ko tere pyar se gila to raha
Poet of the Poem / Ghazal or Nazam: Jan Nissar Akhtar
Puch na mujhase dil ke fasane
ishq ke baten ishq hi jane
wo din jab hum un se mile the
dil ke nazuk phul khile
masti aankhen choom rahi thi
sari duniya jhum rahi
do dil the wo bhi divane
wo din jab hum dur huye the
dil ke shishe choor huye the
aayi khizan rangin chaman mein
aag lagi jab dil ke ban mein
aaya na koi aag bujhane
Poet of the Poem / Ghazal or Nazam : Jan Nissar Akhtar
mauj-e-gul, mauj-e-saba, mauj-e-sahar lagti hai
sar se pa tak wo saman hai ki nazar lagti hai
hum ne har gham sajdon e jalaye hain chirag
ab teri rahaguzar rahaguzar lagti hai
lamhe lamhe basi hai teri yadon ke mahak
aj ke raat to khushbu ka safar lagti hai
jal gaya apna nasheman to koi baat nahi
dekhana ye hai ki ab aag kidhar lagti hai
sari duniya mein garibon ka lahu bahata hai
har zamin mujhko mere khoon se tar lagti hai
vaqya shahar mein kal to koi aisa na hua
ye to “akhtar” ke daftar ke khabar lagti hai
Poet of the Poem / Ghazal or Nazam :Jan Nissar Akhtar
jab lage zakhm to qatil ko dua di jaye
hai yahi rasm to ye rasm utha di jaye
tishnagi kuch to bujhe tishnalab-e-gam ke
ik nadi dard ke shaharon mein baha di jaye
dil ka wo hal hua ae gam-e-dauran ke tale
jaise ik lash chattanon mein daba di jaye
hum ne insanon ke dukh dard ka hal dhundh liya
kya bura hai jo ye afva uda di jaye
hum ko guzri hui sadiyan to na pahachanengi
aane wale kisi lamhe ko sada di jaye
phul ban jati hain dahake hue sholon ke laven
shart ye hai ke unhen khub hawa di jaye
kam nahi nashe mein jade ke gulabi raten
aur agar teri javani bhi mila di jaye
hum se pucho gazal kya hai gazal ka fan kya hai
chand lafzon mein koi aah chupa di jaye
Poet of the Poem / Ghazal or Nazam :Jan Nissar Akhtar
jab lage zakhm to qatil ko dua di jaye
hai yahi rasm to ye rasm utha di jaye
tishnagi kuch to bujhe tishnalab-e-gam ke
ik nadi dard ke shaharon mein baha di jaye
dil ka wo hal hua ae gam-e-dauran ke tale
jaise ik lash chattanon mein daba di jaye
hum ne insanon ke dukh dard ka hal dhundh liya
kya bura hai jo ye afva uda di jaye
hum ko guzri hui sadiyan to na pahachanengi
aane wale kisi lamhe ko sada di jaye
phul ban jati hain dahake hue sholon ke laven
shart ye hai ke unhen khub hawa di jaye
kam nahi nashe mein jade ke gulabi raten
aur agar teri javani bhi mila di jaye
hum se pucho gazal kya hai gazal ka fan kya hai
chand lafzon mein koi aah chupa di jaye
Poet of the Poem / Ghazal or Nazam :Jan Nissar Akhtar
har ek ruh mein ek gham chupa lage hai mujhe
ye zindagi to koi bad-dua lage hai mujhe
jo aansu mein kabhi raat bhig jati hai
bahut qarib wo aavaz-e-pa lage hai mujhe
main so bhi jaun to meri band aankhon mein
tamam raat koi jhankata lage hai mujhe
main jab bhi us ke khayalon mein kho sa jata hun
wo khud bhi baat kare to bura lage hai mujhe
main sochata tha ki lautunga ajanabi ke tarah
ye mera gaon to pahachana sa lage hai mujhe
bikhar gaya hai kuch is tarah aadmi ka vajud
har ek fard koi saneha lage hai mujhe
Poet of the Poem / Ghazal or Nazam : Jan Nissar Akhtar
ashar mere yun to zamane ki liye hain
kuch sher faqat unko sunane ki liye hain
ab ye bhi nahi thik ki har dard mita den
kuch dard kaleje se lagane ki liye hain
aankhon mein jo bhar loge to kanton se chubhenge
ye khwab to palkon pe sajane ki liye hain
dekhun tere hathon ko to lagata hai tere hath
mandir mein faqat dip jalne ki liye hain
socho to badi cheez hai tahazib badan ki
varana to badan aag bujhane ki liye hain
ye ilm ka sauda ye risale ye kitaben
ik shakhs ki yadon ko bhulane ki liye hain
Poet of the Poem / Ghazal or Nazam : Jan Nissar Akhtar
