Posts tagged: Jigar Moradabadi poetry

Muddat mein wo phir taza mulaqat ka aalam – Jigar Moradabadi

muddat mein wo phir taza mulaqat ka aalam
khamosh adaon mein wo jazbat ka aalam
ALLAH re wo shiddat-e-jazbat ka aalam
kuch kah ke wo bhuli hui har baat ka aalam
aariz se dhalakate hue shabanam ke wo qatre
aankhon se jhalakata hua barsat ka aalam
wo nazron hi nazron mein savalat ke duniya
wo aankhon hi aankhon mein javabat ka aalam

Poet of the Poem / Ghazal or Nazam : Jigar Moradabadi

Kahan wo shokh, mulaqat khud se bhi na hui – Jigar Moradabadi

Kahan wo shokh, mulaqat khud se bhi na hui
bas ek bar hui aur phir kabhi na hui
thahar thahar dil-e-betab pyar to kar lun
ab is ke bad mulaqat phir hui na hui
wo kuch sahi na sahi phir bhi zahid-e-nadan
bade-badon se mohabbat mein kafiri na hui
idhar se bhi hai siva kuch udhar ke majboori
ki hum ne aah to ke un se aah bhi na hui

Poet of the Poem / Ghazal or Nazam : Jigar Moradabadi

Kabhi shakh-o-sabz-o-barg par kabhi guncha-o-gul-o-khar par – Jigar Moradabadi

Kabhi shakh-o-sabz-o-barg par kabhi guncha-o-gul-o-khar par
main chaman mein chahe jahan rahun mera haq hai fasal-e-bahar par
mujhe de na gaib mein dhamakiyan gire lakh bar ye bijaliyan
meri sar-tanak yahi aashiyan meri milkiyat yahi pyar hai
meri simt se use ae saba ye payam-e-akhir-e-gam suna
abhi dekhana ho to dekh ja ke khizan hai apni bahar pe
ye fareb-e-jalva-e-sar-basar mujhe dar hai ye dil-e-bekhabar
kaheen jam na jaye teri nazar inhin chand naqsh-o-nigar par
ajab inqalab-e-zamana hai mera mukhtasar sa fasana hai
ye jo aj bar hai dosh par yahi sar tha zano-e-yar par
main rahin-e-dard sahi magar mujhe aur kya chahiye “jigar”
gam-e-yar hai mera shefata main farefata gam-e-yar par

Poet of the Poem / Ghazal or Nazam : Jigar Moradabadi

Kam aakhir jazba-e-beikhtiyar aa hi gaya – Jigar Moradabadi

Kam aakhir jazba-e-beikhtiyar aa hi gaya
dil kuch is surat se tadapa un ko pyar aa hi gaya
jab nigahen uth gain ALLAH re meraj-e-shauq
dekhata kya hun wo jan-e-intazar aa hi gaya
hae ye husn-e-tasavvur ka fareb-e-rang-o-bu
main ne samajha jaise wo jan-e-bahar aa hi gaya
han saza de ae khuda-e-ishq ae taufiq-e-gam
phir zaban-e-be-adab par zikr-e-yar aa hi gaya
is tarah khush hun kisi ke vada-e-farda pe main
dar-haqiqat jaise mujh ko aitabar aa hi gaya
hae kafir dil ke ye kafir junun-angeziyan
tum ko pyar aaye na aaye mujh ko pyar aa hi gaya
dard ne karavat hi badali thi ki dil ke aad se
dafa’tan parda utha aur pardadar aa hi gaya
jan hi de di jigar ne aj pa-e-yar par
umr bhar ke beqarari ko qarar aa hi gaya

Poet of the Poem / Ghazal or Nazam : Jigar Moradabadi

Isi chaman mein hi hamara bhi ik zamana tha – Jigar Moradabadi

Isi chaman mein hi hamara bhi ik zamana tha
yahin kaheen koi sada sa aashiyana tha
nasib ab to nahi shakh bhi nasheman ke
lada hua kabhi phoolon se aashiyana tha
teri qasam are o jald ruthanevale
gurur-e-ishq na tha naz-e-ashiqana tha
tumhin guzar gaye daman bachakar warna yahan
wohi shabab wohi dil wohi zamana tha

 

Poet of the Poem / Ghazal or Nazam : Jigar Moradabadi

Ishq lamahadud jab tak rahanuma hota nahi – Jigar Moradabadi

Ishq lamahadud jab tak rahanuma hota nahi
zindagi se zindagi ka haq ada hota nahi
is se bad kar dost koi dusara hota nahi
sab juda ho jayen lekin gham juda hota nahi
bekaran hota nahi be-inteha hota nahi
qatara jab tak bad ke qulzam aashna hota nahi
zindagi ik hadasa hai aur aisa hadasa
maut se bhi khatm jis ka silasila hota nahi
dard se mamur hoti ja rahi hai qayanat
ik dil-e-insan magar dard aashna hota nahi
is maqam-e-qurb tak ab ishq pahuncha hai jahan
dida-o-dil ka bhi aksar vasta hota nahi
ALLAH ALLAH ye kamal-e-irtabat-e-husn-o-ishq
fasale hon lakh dil se dil juda hota nahi
waqt aata hai ik aisa bhi sar-e-bazm-e-jamal
samane hote hain wo aur samana hota nahi
kya qayamat hai ke is daur-e-taraqqi mein “jigar”
aadmi se aadmi ka haq ada hota nahi

 

Poet of the Poem / Ghazal or Nazam : Jigar Moradabadi

Ishq mein lajavab hain hum log – Jigar Moradabadi

Ishq mein lajavab hain hum log
mahatab aafatab hain hum log
garche ahal-e-sharab hain hum log
ye na samajho kharab hain hum log
sham se aa gaye jo pine par
subah tak aafatab hain hum log
naz karati hai khana-virani
aise khana-kharab hain hum log
tu hamara javab hai tanaha
aur tera javab hain hum log
khub hum janate hain qadr apni
kitne nakamayab hain hum log
har haqiqat se jo guzar jayen
wo sadaqat-m’ab hain hum log
jab mili aankh hosh kho baithe
kitne hazir-javab hain hum log

Poet of the Poem / Ghazal or Nazam : Jigar Moradabadi

Ishq ko be-naqab hona tha – Jigar Moradabadi

Ishq ko be-naqab hona tha
aap apana javab hona tha
teri aankhon ka kuch qusur nahi
han mujhi ko kharab hona tha
dil ki jis par hain naqsh-e-ranga-rang
us ko sada kitab hona tha
hum ne nakamiyon ko dhund liya
aakhirash kamayab hona tha

 

Poet of the Poem / Ghazal or Nazam : Jigar Moradabadi








Jigar Moradabadi poetry, poems and Ghazals


Jigar Moradabadi poetry shayari sms in Urdu for your friends. Jigar Moradabadi poetry poetry , ghazal , poem and sher o shayari in Hindi. Best 1 line , 2 line and 4 line Jigar Moradabadi poetry shayari Collection Online.