Posts tagged: Josh Malihabadi Poetry

Ye din bahar ke ab ke bhi ras na aa sake – Josh Malihabadi

Ye din bahar ke ab ke bhi ras na aa sake
ki gunche khil to sake khil ke muskura na sake
meri tabahi dil par to raham kha na saki
jo roshni mein rahe roshni ko pa na sake
na jane aah! ki un aansuon pe kya guzri
jo dil se aankh tak aaye mishgan tak aa na sake
rahen khulus-e-muhabbat ke hadasat jahan
mujhe to kya mere naqsh-e-qadam mita na sake
karenge mar ke baqa-e-davam kya hasil
jo zinda reh ke muqam-e-hayat pa na sake
naya zamana banane chale the divane
nai zamin, naya aasaman bana na sake

Poet of the Poem / Ghazal or Nazam : Josh Malihabadi

Qadam insan ka rah-e-dahar mein tharra hi jata hai – Josh Malihabadi

qadam insan ka rah-e-dahar mein tharra hi jata hai
chale kitna hi koi bachake thokar kha hi jata hai
nazar ho khvah kitni hi haqaiq-ashna phir bhi
hujum-e-kashmakash mein aadmi ghabara hi jata hai
khilaf-e-masalehat main bhi samajhata hun magar naseh
wo aate hain to chehare par tahayyur aa hi jata hai
havayen zor kitna hi lagayen aandhiyan banakar
magar jo ghir ke aata hai wo badal cha hi jata hai
shikayat kyon ise kahate ho ye fitarat hai insan ke
musibat mein khayal-e-aish-e-rafta aa hi jata hai
samajhati hain ma’al-e-gul magar kya zor-e-fitarat hai
sahar hote hi kaliyon ko tabassum aa hi jata hai

Poet of the Poem / Ghazal or Nazam : Josh Malihabadi

Khamoshi ka saman hai aur main hun – Josh Malihabadi

Khamoshi ka saman hai aur main hun
dayar-e-khuftagan hai aur main hun
kabhi khud ko bhi insan kash samajhe
ye sai-e-rayagan hai aur main hun
kahun kis se ki is jamahuriyat mein
hujum-e-khasaravan hai aur main hun
pada hun is taraf dhuni ramaye
atab-e-rah-ravan hai aur main hun
kahan hai ham-zaban ALLAH jane
faqat meri zaban hai aur main hun
khamoshi hai zamin se aasman tak
kisi ke dastan hai aur main hun
qayamat hai khud apne aashiyan mein
talash-e-ashiyan hai aur main hun
jahan ek jurm hai yad-e-baharan
wo lafani khizan hai aur main hun
tarasati hain kharidaron ke aankhen
javahir ke dukan hai aur main hun
nahi aati ab aavaz-e-jaras bhi
gubar-e-karavan hai aur main hun
ma’al-e-bandagi ae “josh” tauba
khuda-e-meharaban hai aur main hun

Poet of the Poem / Ghazal or Nazam : Josh Malihabadi

Ibadat karte hain jo log jannat ke tamanna mein – Josh Malihabadi

Ibadat karte hain jo log jannat ke tamanna mein
ibadat to nahi hai ik tarah ke wo tijarat hai
jo dar ke nar-e-dozakh se khuda ka naam lete hain
ibadat kya wo khali buzadilana ek khidamat hai
magar jab shukr-e-ne’mat mein jabin jhukati hai bande ke
wo sachi bandagi hai ik sharifana ita’at hai
kuchal de hasaraton ko beniyaz-e-mudd’a ho ja
khudi ko jhad de daman se mard-e-bakhuda ho ja
utha leti hain laharen tahanashin hota hai jab koi
ubharana hai to garq-e-bahr-e-fana ho ja

Poet of the Poem / Ghazal or Nazam : Josh Malihabadi

Kisane wada kiya hai aane ka – Josh Malihabadi

kisane wada kiya hai aane ka
husn dekho garib khane ka

ruh ko aaina dikhate hain
dar-o-divar muskurate hain

aj ghar, ghar bana hai pahali bar
dil mein hai khush saliqagi bedar

jama saman hai aish-o-ishrat ka
khauf dil mein fareb-e-qismet ka

soz-e-qalb-e-kalim aankon mein
ashk-e-ummid-o-bim aankhon mein

chashm-bar-rah-e-shauq ke mare
chand ke intazar mein tare

Poet of the poem/ghazal or nazam : Josh Malihabadi








Josh Malihabadi Poetry, poems and Ghazals


Josh Malihabadi Poetry shayari sms in Urdu for your friends. Josh Malihabadi Poetry poetry , ghazal , poem and sher o shayari in Hindi. Best 1 line , 2 line and 4 line Josh Malihabadi Poetry shayari Collection Online.