|
Kaisi chali hai ab ke hawa tere shahar mein
bande bhi ho gaye hain khuda tere shahar mein
kya jane kya hua ke pareshan ho gaye
ik lahza ruk gai thi saba tere shahar mein
kuch dushmani ka dhab hain na ab dosti ke taur
donon ka ek rang hua tere shahar mein
shayad unhen pata tha ke ‘khatir’ hai ajanabi
logon ne us ko lut liya tere shahar mein
Poet of the Poem / Ghazal or Nazam : Khatir Ghaznavi
go zara si baat par barason ke yarane gaye
lekin itna to hua kuch log pahachane gaye
garmi-e-mahafil faqat ik nara-e-mastana hai
aur wo khush hain ki is lahafil se divane gaye
main ise shoharat kahun ya apni ruswai kahun
mujhase pahale us gali mein mere afasane gaye
yun to wo meri rag-e-jan se bhi the nazadik tar
aansuon ke dhundh mein lekin na pahachane gaye
vahashaten kuch is tarah apana muqadar ho gain
hum jahan pahunche hamare sath virane gaye
ab bhi un yadon ke khushbu zehan mein mahafus hai
barha hum jin se gulazaron ko mahakane gaye
kya qayamat hai ki ‘khatir’ kushta-e-shab bhi the hum
subh jab hui to mujarim hum hi gardane gaye
Poet of the poem/ghazal or Nazam: Khatir Ghaznavi
go zara si baat par barason ke yarane gaye
lekin itna to hua kuch log pahachane gaye
garmi-e-mahafil faqat ik nara-e-mastana hai
aur wo khush hain ki is lahafil se divane gaye
main ise shoharat kahun ya apni ruswai kahun
mujhase pahale us gali mein mere afasane gaye
yun to wo meri rag-e-jan se bhi the nazadik tar
aansuon ke dhundh mein lekin na pahachane gaye
vahashaten kuch is tarah apana muqadar ho gain
hum jahan pahunche hamare sath virane gaye
ab bhi un yadon ke khushbu zehan mein mahafus hai
barha hum jin se gulazaron ko mahakane gaye
kya qayamat hai ki ‘khatir’ kushta-e-shab bhi the hum
subh jab hui to mujarim hum hi gardane gaye
Poet of the poem/ghazal or Nazam: Khatir Ghaznavi
