mal-e-soz-e-gam hae! nihani dekhte jao
bhadak uthi hai shamma-e-zindagani dekhte jao
chale bhi aao wo hai qabr-e-fani dekhte jao
tum apne marane wale ke nishani dekhte jao
abhi kya hai kisi din khoon rulayega ye khamoshi
zuban-e-hal ki jadd-o-bayani dekhte jao
garur-e-husn ka sadaqa koi jata hai duniya se
kisi ke khak mein milati javani dekhte jao
udhar muh pher kar kya zibah karte ho, idhar dekho!
meri gardan pe khanjar ke ravani dekhte jao
bahar-e-zindagi ka lutf dekha hai aur dekhoge
kisi ka aish marg-e-nagahani dekhte jao
sune jate na the tum se mere din raat ke shikave
kafan sarakao meri be-zubani dekhte jao
wo utha shor-e-matam aakhari didar-e-mayyat par
ab utha chahate hain nash-e-fani dekhte jao

Poet of the Poem / Ghazal or Nazam :Fani Badayuni

phir aj mujhe tum ko bas itna batana hai
hansana hi jivan hai hanste hi jana hai
madhuban ho ya gulshan ho patajhad ho ya savan ho
har hal mein insan ka ik phul sa jivan ho
kanton mein ulajh ke bhi khushbu hi lutana hai
hansana hi jivan hai hanste hi jana hai
har pal jo guzar jaye daman ko to bhar jaye
ye soch ke jee lain to taqdir sanvar jaye
is umr ke rahon se khushiyon ko churana hai
hansana hi jivan hai hanste hi jana hai
sab dard mita den ham, har gham ko saza den hum
kahate hain jise jina duniya ko sikha den hum
ye aj to apna hai kal bhi apanana hai
hansana hi jivan hai hanste hi jana hai

Poet of the Poem / Ghazal or Nazam :Sudarshan Faakir

Baharon ko chaman yad aa gaya hai
mujhe wo gulbadan yad aa gaya hai

lachakati shakh ne jab sar uthaya
kisi ka bankpan yad aa gaya hai

meri khamoshiyon par hansane valo
mujh wo kamsukhan yad aa gaya hai

tumhen mil kar ke ae yazadanparasto
gurur-e-aharaman yad aa gaya hai

teri surat ko jab dekha hai main ne
uruj-e-fikr-o-fan yad aa gaya hai

kisi ka khubasurat sher sun kar
tera lutf-e-sukhan yad aa gaya hai

mile wo ajanabi ban kar to ‘rifat’
zamane ka chalan yad aa gaya hai

Poet of the Poem / Ghazal or Nazam : Rifat Sultan

Khubsoorat Hai Woh Lub,
Jo Pyari Baate Karte Hai,
Khubsoorat Hai Woh Muskurahat,
Jo Doosro Ke Chehro Par Bhi Muskan Saja De,

Khubsoorat Hai Woh Dil,
Jo Kisi Ke Dard Ko Samjhe,
Jo Kisi Ke Dard Mein Tadpe,
Khubsoorat Hai Woh Jazbat,
Jo Kisika Ehsaas Kare,

Khubsoorat Hai Woh Ehsaas,
Jo Kisi Ke Dard Ke Me Dawa Bane,
Khubsoorat Hai Woh Baate,
Jo Kisi Ka Dil Na Dukhaye,
Read more »