Posts tagged: Khumar Barabankvi Shayari

Wo hamen jis qadar aazamate rahe – Khumar Barabankvi

Wo hamen jis qadar aazamate rahe
apni hi mushkilon ko badate rahe
wo akele mein bhi jo lagate rahe
ho na ho un ko hum yaad aate rahe
yaad karne par bhi dost aaye na yaad
doston ke karam yaad aate rahe
aankhen sukhi hui nadiyan ban gain
aur tufan badsatur aate rahe
pyar se un ka inkar bar-haq magar
lab ye q der tak thar-tharate rahe
thin to kamanen hathon mein agyar ke
tir magar apanon ke janib se aate rahe
kar liya sab ne hum se kinara magar
ek naseh garib aate jate rahe
maikade se nikal kar janab-e-’khumar’
qaba-o-dair mein khak udate rahe

Poet of the Poem / Ghazal or Nazam : Khumar Barabankvi

wohi phir mujhe yaad aane lage hain – Khumar Barabankvi

wohi phir mujhe yaad aane lage hain
jinhen bhulane mein zamane lage hain
wo hain pas aur yaad aane lage hain
muhabbat ke hosh ab thikane lage hain
suna hai hamen wo bhulane lage hain
to kya hum unhen yaad aane lage hain
hataye the jo raste se doston ke
wo pathar mere ghar mein aane lage hain
ye kahana tha un se muhabbat hai mujhko
ye kahane mein mujh ko zamane lage hain
qayamat yaqinan qarib aa rahi hai
‘khumar’ ab to masjid mein jane lage hain

Poet of the Poem / Ghazal or Nazam :Khumar Barabankvi

Wo sava yaad aaye bhulane ke bad – Khumar Barabankvi

Wo sava yaad aaye bhulane ke bad
zindagi badh gai zeher khane ke bad
dil sulagata raha aashiyane ke bad
aag thandi hui ik zamane ke bad
roshni ke liye ghar jalana pada
kaisi zulmat badhi tere jane ke bad
jab na kuch ban pada arz-e-gam ka javab
wo khafa ho gaye muskurane ke bad
dushmanon se pasheman hona pada hai
doston ka khulus aazamane ke bad
bakhsh de ya rab ahal-e-havas ko bahisht
mujh ko kya chahiye tum ko pane ke bad
kaise kaise gile yaad aaye ‘khumar’
un ke aane se qabl un ke jane ke bad
Poet of the Poem / Ghazal or Nazam : Khumar Barabankvi

Tasvir banata hun tasvir nahi banati – Khumar Barabankvi

Tasvir banata hun tasvir nahi banati
ek khwab sa dekha hai tabir nahi banati
bedard muhabbat ka itna sa hai afasana
nazron se mili nazaren main ho gaya divana
ab dil ke bahalane ke tadabir nahi banati
dam bhar ke liye meri duniya mein chale aao
tarasi hui aankhon ko phir shaql dikha jao
mujhase to meri bigadi taqadir nahi banati

Poet of the Poem / Ghazal or Nazam : Khumar Barabankvi

Na hara hai ishq na duniya thaki hai – Khumar Barabankvi

Na hara hai ishq na duniya thaki hai
diya jal raha hai hawa chal rahi hai
sukun hi sukun hai khushi hi khushi hai
tera gham salamat mujhe kya kami hai
charagon ke badle makan jal rahe hain
naya hai zamana nai roshni hai
are o jafaon pe chup rahane valo
khamoshi jafaon ke taid bhi hai
mere rahbar mujh ko gumrah kar de
suna hai ki manzil qarib aa gai hai
‘khumar’ ek balanosh tu aur tauba
tujhe zahidon ke nazar lag gai hai

Poet of the Poem / Ghazal or Nazam : Khumar Barabankvi

Mujh ko shikast-e-dil ka maza yaad aa gaya – Khumar Barabankvi

mujh ko shikast-e-dil ka maza yaad aa gaya
tum kyon udas ho kya yaad aa gaya
kahane ko zindagi thi bahut mukhtasar magar
kuch yun basar hui ke khuda yaad aa gaya
waiz salam le ke chala maikade ko main
firdaus-e-gumshuda ka pata yaad aa gaya
barase bagair hi jo ghata ghir ke khul gai
ek bevafa ka ahd-e-vafa yaad aa gaya
mangenge ab dua ke use bhool jayen hum
lekin jo wo bevaqt-e-dua yaad aa gaya
hairat hai tum ko dekh ke masjid mein ae ‘khumar’
kya baat ho gai jo khuda yaad aa gaya

Poet of the Poem / Ghazal or Nazam : Khumar Barabankvi

Kabhi jo main ne masarrat ka ehatamam kiya – Khumar Barabankvi

Kabhi jo main ne masarrat ka ehatamam kiya
bade tappak se gham ne mujhe salam kiya
hazar tark-e-ta’alluq ka ehatamam kiya
magar jahan wo mile dil ne apna kam kiya
zamane valon ke dar se utha na hath magar
nazar se us ne basad mazarat salam kiya
kabhi hanse kabhi aahen bharin kabhi roye
baqadr-e-martaba har gham ka ehataram kiya
hamare hisse ke may kam aaye pyason ke
zer-e-rah-e-khair gunah shikast-e-jam kiya
tulu-e-mahar se bhi ghar ki teergi na ghati
ek aur shab kati ya main ne din tamam kiya
dua ye hai ke na hun gumrah hamsafar mere
‘khumar’ main ne to apna safar taman kiya

Poet of the Poem / Ghazal or Nazam : Khumar Barabankvi

Duri ke gham kuch aur siva ho ke rah gaye – Khumar Barabankvi

Duri ke gham kuch aur siva ho ke rah gaye
hum un se kya mile ke juda ho ke rah gaye
khoye hue the der se wo meri yaad mein
mujh par nazar padi to khafa ho ke rah gaye
phir doston ko main ne pai mashq de diye
jo tir mujh tak aaye khata ho ke rah gaye
majabur ho ke mangi thi lutf-o-karam ke bhik
lutf-o-karam bhi jor-o-jafa ho ke rah gaye
ab kya raha tere liye ae ishq namurad
ab wo bhi mubtila-e-vafa ho ke rah gaye
ALLAH aaina to kabhi dekh lo ‘khumar’
tum kya the aur ishq mein kya ho ke rah gaye

Poet of the Poem / Ghazal or Nazam : Khumar Barabankvi








Khumar Barabankvi Shayari, poems and Ghazals


Khumar Barabankvi Shayari shayari sms in Urdu for your friends. Khumar Barabankvi Shayari poetry , ghazal , poem and sher o shayr in Hindi. Best 1 line , 2 line and 4 line Khumar Barabankvi Shayari shayari Collection Online.