Posts tagged: Majid Deobandi Shayari

Tumhen hai shauq agar bijaliyan girane ka – Majid Deobandi

Tumhen hai shauq agar bijaliyan girane ka
hamara kam bhi hai aashiyan banane ka
bhala wo kaise samandar ke par utarega
nafas nafas jinhen khadsha hai dub jane ka
suna hai aap hain mahir hawa chalne mein
magar hamen bhi hunar hai diye jalne ka

Poet of the Poem / Ghazal or Nazam : Majid Deobandi

saman-e-tijarat mera iman nahi hai – Majid Deobandi

saman-e-tijarat mera iman nahi hai
har dar pe jhuke sar ye meri shan nahi hai
har lafz ko sine mein basa lo to bane baat
takon mein sajane ko ye quran nahi hai
ALLAH meri rizq ke barakat na chali jaye
do roz se ghar mein koi mahaman nahi hai
hum ne to banaye hain samandar mein bhi raste
yun hum ko mitana koi aasan nahi hai
jis ko buzurgon ke rivayat na rahe yaad
us shakhs ke logon koi pehchan nahi hai

Poet of the Poem / Ghazal or Nazam :Majid Deobandi

Amn ka jo paigam sunane wale hain – Majid Deobandi

amn ka jo paigam sunane wale hain
galiyon galiyon aag lagane wale hain
tum le jao neza khanjar aur talvar
hum maqtal mein sar le jane wale hain
zulm ki kale badal se darana kaisa
ye mausam to aane jane wale hain
bimaron ka ab to khuda hi hafiz hai
sare masiha zeher pilane wale hain
** this was a satire on the state on medical
schools and the attitude of doctors in india
these days **
jan bachane wale to sab hain lekin
ab kitne iman bachane wale hain
hum ko un valiyon ki nisbat hasil hai
dasht ko jo gulzar banane wale hain
bhuka rah ki sail ko khairat jo de
hum bhi ‘majid’ usi gharane wale hain

 

Poet of the Poem / Ghazal or Nazam : Majid Deobandi

 








Majid Deobandi Shayari, poems and Ghazals


Majid Deobandi Shayari shayari sms in Urdu for your friends. Majid Deobandi Shayari poetry , ghazal , poem and sher o shayr in Hindi. Best 1 line , 2 line and 4 line Majid Deobandi Shayari shayari Collection Online.