yahin ke thi mohabbat ke sabaq ke ibtada main ne
yahin ke jurrat-e-izhar-e-harf-e-mudd’a main ne
yahin dekhe the ishv-e-naz-o-andaz-e-haya main ne
yahin pahale suni thi dil dhadakane ke sada main ne
yahin kheton mein pani ke kinare yaad hai ab bhi
dilon mein izdaham-e-arazu lab band rehte the
nazar se guftagu hoti thi dam ulfat ka bharate the
na mathe par shikan hoti, na jab tevar badalate the
khuda bhi muskura deta tha jab hum pyar karte the
yahin kheton mein pani ke kinare yaad hai ab bhi
wo kya aata ke goya daur mein jam-e-sharab aata
wo kya aata rangili ragani rangin rabab aata
mujhe ranginiyon mein rangane wo rangin sahab aata
labon ke mein pilane jhumata mast-e-shabab aata
yahin kheton mein pani ke kinaro yaad hai ab bhi
haya ke bojh se jab har qadam par lagazishen hotin
fazan mein muntasar rangin badan ke larazishen hotin
rabab-e-dil ke taron mein musalasil jumbishen hotin
khifa-e-raz ke purlutf baham koshishen hotin
yahin kheton mein pani ke kinare yaad hai ab bhi
bala-e-fikr-e-farda hum se koson dur hoti thi
surur-e-sarmadi se zindagi mamur hoti thi
hamari khilwat-e-masum rashq-e-tur hoti thi
malak jhula jhulate the gazal-khwan hur hoti thi
yahin kheton mein pani ke kinare yaad hai ab bhi
na ab wo khet baqi hain na wo aab-e-rawan baqi
magar us aish-e-rafta ka hai ik dhundala nishan baqi

Poet of the Poem/Ghazal or Nazam: Makhdoom Mohiuddin

Ishq ke shole ko bhadakao ke kuch raat kate
dil ke angar ko dahakao ke kuch raat kate
hijr mein milane shab-e-mah ke gham aaye hain
charasazon ko bhi bulavao ke kuch raat kate
chashm-o-rukhsar ke azagar ko jari rakho
pyar ke nagme ko doharao ke kuch raat kate
koh-e-gam aur garan aur garan aur garan
gamza-o-tesh ko chamakao ke kuch raat kate

Poet of the Poem / Ghazal or Nazam : Makhdoom Mohiuddin

Raat bhar dida-e-gam-nak mein laharate rahe
sans ke tarah se aap aate rahe, jate rahe
khush the hum apni tamannaon ka khwab aayega
apana araman bar-afganda naqab aayega
nazaren nichi kiye sharmaye huye aayega
kakulen chehare pe bikharaye huye aayega
aa gai thi dil-e-muztar mein shakebai si
baj rahi thi mere gam-khane mein shahanai si
shab ke jage huye taron ko bhi neend aane lagi
aap ke aane ke ik aas thi ab jane lagi
subah ne sej se uthate huye li angarai
o saba tu bhi jo aayi to akele aayi
mere mahbub meri neend udane wale
mere masajud meri ruh pe chane wale
aa bhi ja take mere sajadon ka araman nikle
aa bhi ja ke tere qadmon pe meri jan nikle

Poet of the Poem / Ghazal or Nazam :  Makhdoom Mohiuddin