Ye husn-e-raz muhabbat chupa raha hai koi
hai ashk aankhon mein aur muskura rha hai koi
nazar nazar mein tajalli dikha raha hai koi
nafaz nafaz pe mujhe yaad aa raha hai koi
takhayulat ke dhoke hain sab shab-e-vada
na aa raha hai koi aur na ja raha hai koi
ye husn-o-ishq ke tasvir ke hain do manzar
ki ro raha hai koi muskura raha hai koi
“qadeer” hashr mein pahunche to hum ne kya dekha
kisi ke hath se daman chuda raha hai koi

Poet of the Poem / Ghazal or Nazam : Qadeer

vaqt-e-safar qarib hai bistar samet lun
bikhara hua hayat ka daftar samet lun
phir jane hum milen na milen ik zara ruko
main dil ke aaine mein ye manzar samet lun
gairon ne jo suluk kiye un ka kya gila
phenke hain doston ne jo pathar samet lun
kal jane kaise honge kahan honge ghar ke log
aankhon mein ek bar bhara ghar samet lun
sail-e-nazar bhi gham ke tamazat se khushk ho
wo pyas hai mile to samandar samet lun
‘ajmal’ bhadak rahi hai zamane mein jitani aag
jee chahata hai sine ke andar samet lun

Poet of the Poem / Ghazal or Nazam :Ajmal Ajmali

Yaad nahi kya kya dekha tha sare manzar bhool gaye
us ke galiyon se jab laute apna bhi ghar bhool gaye
khub gaye pardes ki apne divar-o-dar bhool gaye
shish-mahal ne aisa ghera matti ke ghar bhool gaye
tujh ko bhi jab apni qasamen apne wade yaad nahi
hum bhi apne khwab teri aankhon mein rakh kar bhool gaye
mujh ko jinhone qatl kiya hai koi unhen batalaye “nazeer”
meri lash ke pehlu mein wo apna khanjar bhool gaye

Poet of the Poem / Ghazal or Nazam :Nazeer Baqri

Shole hi sahi aag lagane ke liye aa
phir tur ke manzar ko dikhane ke liye aa
ye kis ne kaha hai meri taqadir bana de
aa apne hi hathon se mitane ke liye aa
ae dost mujhe gardish-e-halat ne ghera
tu zulf ke kamali mein chupane ke liye aa
divar hai duniya ise rahon se hata de
har rasm muhabbat ke mitane ke liye aa
matalab teri aamad se hai daraman se nahi
“hasrat” ke qasam dil hi dukhane ke liye aa

Poet of the Poem / Ghazal or Nazam : Hasrat Jaipuri

mujhe de rahen hain tasalliyan wo har ek taza payam se
kabhi aake manzar-e-am par kabhi hat ke manzar-e-am se
na garaz kisi se na vasta, mujhe kam apne hi kam se
tere zikr se, teri fikr se, teri yaad se, tere naam se
mere saqiya, mere saqiya, tujhe marahaba, tujhe marahaba
tu pilaye ja, tu pilaye ja, isi chashm-e-jam ba jam se
teri subh-o-aish hai kya bala, tujhe ae falak jo ho hausla
kabhi karale aake muqabila, gam-e-hijr-e-yar ke sham se

Poet of the Poem / Ghazal or Nazam :Jigar Moradabadi

mit gaya jab mitane vala phir salam aaya to kya
dil ke barbadi ke bad un ka payam aaya to kya
chut gain nabzen ummiden dene vali hain javab
ab udhar se namabar leke payam aaya to kya
aj hi mitana tha ae dil hasarat-e-didar mein
tu meri nakamiyon ke bad kam aaya to kya
kash apni zindagi mein hum ye manzar dekhte
ab sar-e-turbat koi mahashar-khiram aaya to kya
sans ukhadi aas tuti cha gaya jab rang-e-yas
namabar laya to kya khat mere naam aaya to kya
mil gaya wo khak mein jis dil mein tha arman-e-did
ab koi khurshid-vash bala-e-bam aaya to kya

 
Poet of the Poem / Ghazal or Nazam il Shahjahanpuri

had-e-nigah tak ye zamin hai siyah phir
nikali hai juganuon ke bhatakati sipah phir
honton pe aa raha hai koi naam bar bar
sannaton ke tilism ko todegi aah phir
pichale safar ke gard ko daman se jhad do
aavaz de rahi hai koi suni rah phir
berang aasman ko dekhegi kab talak
manzar naya talash karegi nigah phir
dhili hui giraft junun ke ke jal utha
taq-e-havas mein koi charag-e-gunah phir

 
Poet of the Poem / Ghazal or Nazam : Shahryar

Dekh kar us hasin paikar ko
nasha-sa aa gaya samandar ko
dolati dagmagati-si nav
pi gai aa ki sare sagar ko
khushk pedon mein jan padane lagi
dekh kar rup ki samandar ko
bahar pyase ki justaju mein hai
hai sadaf ki talash gohar ko
koi to nimva darichon se
dekhe us ratjage ki manzar ko
ek devi hai muntazir ‘farig’
va kiye pat sajaye mandr ko

Poet of the Poem / Ghazal or Nazam : Farigh Bukhari