Shama-E-Tamanna Jawaan Aaj Bhi Hai
Har Hasrat Lekin Bezuban Aaj Bhi Hai
Manzilon Ko Nahi Naseeb Mere Kaafile To Kya
Rahon Pe Mere Kadmon Ke Nishaan Aaj Bhi Hain

Manzilain Sab Ka Muqadar Hon Yeh Zaroori To Nahin
Kho Bhi Jaatay Hain Nayi Raahon Par Chalnay Walay…!!!

Charag-E-Dair Jala Kar Dar-E-Haram Pohanche
Qareeb-E-Manzil Janaa Qadam Qadam Pohanche
Kaho Jameel Sitaroo , Kaho Haseen Gunchoon
Talash-E-Husn Mai Aakhir Kaha Na Hum Pohanche

Izzaton Say Barh Ker Tou Aur Kuch Nahee Hota
Chahton Ki Dori Bhi,
Torna Hi Parti Hay
Manzilon Ki Kashti Bhi,
Morna Hi Parti Hay
Bhoolna Hi Parta Hay,
Khud Say Piyaray Logon Ko
Aur Dil Kay Aangan Mein,
Naqsh Un Ki Tasweerain
Kuch Haseen Lafzon Ki,
Kuch Haseen Tehreerain
Paaoon Jin Mein Jukrain Hon,
Kholna Hi Parti Hain
Khoobrurat Aankhon Mein Basnay Walay Khawbon Ko
Nochna Hi Parta Hay
Dil Say Milta Her Rishta Torna Hi Parta Hay
Kiun Keh
Izzaton Say Barh Ker Tou Aur Kuch Nahee Hota!!!

Hum Khud Tarashte Hain Manazil Ke Sang-E-Meel
Hum Wo Nahin Hain Jin Ko Zamana Bana Gaya