Jaane Ye Kaun Sa Mausam Hai Na Sardiyon Ki Dhoop Hai Na Din Yahan Par Kam Hai Na Thand Ka Koi Bhi Roop Hai Na Mitti Ki Khushbu Hai Na Bheege Yauvan Mein Hulchul Na Baadalon Mein Guftagu Hai Na Chai Pakodi Ka Hi Koi Pal Dhoop Bhi Chilchilaati Nahi Na Chaandni Ka Koi Aalam
Itni Shidat Se To Barsaat Be Kam Kam Barsay
Jis Traha Ankh Teri Yaad Main Cham Cham Barsay
Minatien Kon Kary Aik Gharondy Ke Lye
Kah Do Baadal Se Barasta Hai To Jam Jam Barsay
Barish Ka Ye Mousam Koch Yaad Dilata Hai
Kisi Kay Saath Honay Ka Ehsaas Dilata Hai
Fiza Bhi Sard Hai Yaadain Bhi Taaza Hai
Ye Mousam Kisi Ka Pyaar Dil May Jagata Hai
Bheegi Hoye Raatain Khamosh Si Baatain
Aisay Main Koch Kaho Tu Her Lafz Madhem Ho Jata Hai
Barsat Ki Hain Bondain, Bondon May Hai Khushbo
Ye Lumha Tu Dil Ka Ehsaas Chuu Jata Hai
Aisay Main Tum Bhi Keh Do Dil Ki Baat
Ye Mousam Tu Pal Bhar Main Beet Jata Hai
Share with us more Mausam shayari in comments section below.
Dayar-e-nur mein tera shabon ka sathi ho
koi to ho jo meri vahashaton ka sathi ho
main us se jhooth bhi bolun to mujh se sach bole
mere mizaj ki sab mausamon ka sathi ho
wo mere naam ki nisbat se mo’atabar thahare
gali gali meri rusvaiyon ka sathi ho
main us ki hath na aaun wo mera hoke rahe
main gir padun to meri pastiyon ka sathi ho
wo khwab dekhe to dekhe mere havale se
mere khayalon ki sab manzaron ka sathi ho
Poet of the Poem / Ghazal or Nazam : Iftikhar Arif
Badalate waqt ka ik silsila sa lagata hai
ke jab bhi dekho use dusara-sa lagata hai
tumhara husn kisi aadmi ka husn nahi
kisi buzurg ke sachi dua sa lagata hai
teri nigah ko tamiz rang-o-nur kahan
mujhe to khun bhi rang-e-hina sa lagata hai
damag-o-dil hon agar mutmain to chaon hai dhup
thapeda lu ka bhi thandi hawa sa lagata hai
wo chat pe aa gaya betab ho ke aakhir
khuda bhi aj sharik-e-dua sa lagata hai
tumhara hath jo aaya hai hath mai mere
ab aitabar ka mausam hara-sa lagata hai
nikal ke dekho kabhi nafaraton ke pinjare se
tamam shahar ka “manzar” khula sa lagata hai
Poet of the Poem / Ghazal or Nazam : Manzar Bhopali
