Wo dil hi kya tere milane ke jo dua na kare
main tujh ko bhool ke zinda rahun khuda na kare
rahega sath tera pyar zindagi banakar
ye aur baat meri zindagi wafa na kare
ye thik hai nahi marata koi judai mein
khuda kisi se kisi ko magar juda na kare
suna hai usako mohabbat duayen deti hai
jo dil pe chot to khaye magar gila na kare
zamana dekh chuka hai parakh chuka hai use
“qateel” jan se jaye par iltaja na kare
Poet of the Poem / Ghazal or Nazam : Qateel Shifai
Mohabbat ke tabiyat mein
ye kaisa bachapana qudarat ne rakkha hai
ke jitani purani jitani bhi mazabut ho jaye
ise taid-e-taza ke zarurat phir bhi rahati hai
yaqin ke aakhiri had tak dilon mein lahlahati ho
nigahon se tapakati ho lahu mein jagmagati ho
hazaron tarah se dilkash hasin hale banati ho
use izhar ke lafzon ke hajat phir bhi rahati hai
mohabbat mangati hai yun gavahi apne hone ke
ke jaise tifl-e-sada sham ko ik bij boye
aur shab mein baura uthe
zamin ko khod kar dekhe
ke paudha ab kahan tak hai
mohabbat ke tabiyat mein ajab takarar ke khu hai
ke ye iqrar ke lafzon ko sunane se nahi thakati
bichadane ke ghadi ho ya koi milane ke sa’at ho
ise bas ek hi dhun hai
kaho mujh se mohabbat hai
kaho mujh se mohabbat hai
kuch aisi besakuni hai wafa ke sarzaminon mein
ke jo ahal-e-mohabbat ko sada bechain rakhati hai
ke jaise phul mein khsuhbu ke jaise hath mein tara
ke jaise sham ka tara
mohabbat karne valon ke sahar raton mein rahati hai
gumanam ke shakhchon mein aashiyan banata hai ulfat ka
ye ain visal mein bhi hijr ke khadshon mein rahati hai
mohabbat ke musafir zindagi jab kat chukate hain
thakan ke karachiyan chunate wafa ke ajaraken pahane
samay ke rahguzar ke aakhiri sarhad pe rukate hain
to koi dubati sanson ke dori tham ker
dhire se kehta hai
ke ye sach hai na
hamari zindagi ik dusare ke naam likhi thi
dhundhalaka sa jo aankhon ke qarib-o-dur phaila hai
isi ka naam chahat hai
tumhen mujh se mohabbat thi
tumhen mujh se mohabbat hai
mohabbat ke tabiyat mein
ye kaisa bachapana qudarat ne rakkha hai
Poet of the Poem / Ghazal or Nazam : Amjad Islam Amjad
Pathar ke khuda pathar ke sanam pathar ke hi insan paye hain
tum shahar-e-mohabbat kahate ho hum jan bachakar aaye hain
but-khana samajhate ho jisako pucho na vahan kya halat hai
hum log waheen se laute hain bas shukr karo laut aaye hain
hum soch rahe hain muddat se ab umr guzaren bhi to kahan
sehra mein khushi ke phul nahi shaharon mein gamon ke saye hain
hothon pe tabassum halqa sa aankhon mein nami si hai ‘fakir’
hum ahl-e-mohabbat par aksar aise bhi zamane aaye hain
Poet of the Poem / Ghazal or Nazam : Sudarshan Faakir
Taj tere liye ik mazahar-e-ulfat hi sahi
tum ko is vadi-e-rangin se aqidat hi sahi
mere mahbub kaheen aur mila kar mujh se!
bazm-e-shahi mein garibon ka guzar kya mani
sabt jis reh pe hon satavat-e-shahi ke nishan
us pe ulfat bhari ruhon ka safar kya mani
meri mahbub pas-e-parda-e-tashir-e-vafa
tu ne satavat ke nishanon ko to dekha hota
murda shahon ke maqabir se bahalevali
apne tarik makanon ko to dekha hota
anaginat logon ne duniya mein muhabbat ke hai
kon kehta hai ki sadiq na the jazbe un ke
lekin un ke liye tashir ka saman nahi
q ke wo log bhi apni hi tarah mufalis the
ye imarat-o-maqabir ye fasilen, ye hisar
mutal-qulhukm shahanashahon ke azamat ke sutun
daman-e-dahar pe us rang ke gulakari hai
jis mein shamil hai tere aur mere ajadad ka khoon
meri mahabub! unhen bhi to muhabbat hogi
jinaki sannai ne bakhshi hai ise shakl-e-jamil
un ke pyaron ke maqabir rahe benam-o-namud
aj tak un pe jalai na kisi ne qandil
ye chamanazar ye jamuna ka kinara ye mahal
ye munaqqash dar-o-divar, ye maharab ye taq
ik shahanashah ne daulat ka sahara le kar
hum garibon ke muhabbat ka udaya hai mazak
mere mahbub kaheen aur mila kar mujhase!
Poet of the Poem / Ghazal or Nazam : Sahir Ludhianvi
mujh se pahali si mohabbat meri mahbub na mang
main ne samajha tha ki tu hai to darakhshan hai hayat
tera gham hai to gam-e-dahar ka jhagada kya hai
teri surat se hai aalam mein baharon ko sabat
teri aankhon ke siva duniya mein rakkha kya hai (*)
tu jo mil jaye to taqadir nigun ho jaye
yun na tha main ne faqat chaha tha yun ho jaye
aur bhi dukh hain zamane mein mohabbat ke siva
rahaten aur bhi hain vasl ke rahat ke siva
mujh se pahali si mohabbat meri mahbub na mang
anaginat sadiyon ke tarik bahimana talism
resham-o-atalas-o-kamkhvab mein bunavaye huye
ja-ba-ja bikate huye kucha-o-bazar mein jism
khak mein lithade huye khoon mein nahalaye huye
jism nikle huye amaraz ke tannuron se
pip bahati hui galate huye nasuron se
laut jati hai udhar ko bhi nazar kya kije
ab bhi dilkash hai tera husn magar kya kije
aur bhi dukh hain zamane mein mohabbat ke siva
rahaten aur bhi hain vasl ke rahat ke siva
mujh se pahali si mohabbat meri mahbub na mang
Poet of the Poem / Ghazal or Nazam :Faiz Ahmed Faiz
khwab is aankhon se ab koi chura kar le jaye
qabr ke sukhe huye phul utha kar le jaye
muntazir phul mein khushbu ke tarah hun kab se
koi jhonken ke tarah aaye uda kar le jaye
ye bhi pani hai magar aankhon ka aisa pani
jo hatheli pe rachi mehandi uda kar le jaye
main mohabbat se mahakata hua khat hun mujh ko
zindagi apni kitabon mein daba kar le jaye
khak insaf hai nabina buton ke aage
raat thali mein chiragon ko saja kar le jaye
Poet of the Poem / Ghazal or Nazam :Bashir Badr
mohabbat tark ke main ne gareban si liya main ne
zamane ab to khush ho zeher ye bhi pi liya main ne
abhi zinda hun lekin sochata rehta hun khalvat mein
ki ab tak kis tamanna ke sahare jee liya main ne
unhen apna nahi sakata magar itna bhi kya kam hai
ki kuch muddat hasin khwabon mein kho kar jee liya main ne
bas ab to daman-e-dil chod do bekar ummido
bahut dukh sah liye main ne bahut din jee liya main ne
Poet of the Poem / Ghazal or Nazam : Sahir Ludhianvi
mohabbat soz bhi hai saz bhi hai
khamoshi bhi hai aavaz bhi hai
nasheman ke liye betab tair
vahan pabandi-e-paravaz bhi hai
khamoshi pe bharosa karne valo
khamoshi gham ka gammaz bhi hai
meri khamoshi-e-dil par na jao
ki is mein ruh ke aavaz bhi hai
dil-e-begana-khu, duniya mn tera
koi hamadam koi hamaraz bhi hai
hai meraj-e-khirad bhi arsh-e-azim
junun ka farsh-e-pa andaz bhi hai
Poet of the Poem / Ghazal or Nazam :Arsh Malsiyani
