Zikr-e-shab-e-firaq se vahshat use bhi thi
meri tarah kisi se muhabbat use bhi thi
mujh ko bhi shauq tha naye cheharon ke did ka
rasta badal ke chalne ke aadat use bhi thi
us raat der tak wo raha mahv-e-guftagu
masruf main bhi kam tha faragat use bhi thi
sunata tha wo bhi sab se purani kahaniyan
taza rafaqaton ke zarurat use bhi thi
mujh se bichad ke shahar mein ghul mil gaya wo shakhs
halanke shahar bhar se raqabat use bhi thi
wo mujh se badh ke zabt ka aadi tha jee gaya
warna har ek sans qayamat use bhi thi
Poet of the Poem / Ghazal or Nazam : Mohsin Naqvi
Thahar jao ke hairani to jaye
tumhari shakl pahachani to jaye
shab-e-gam tu hi mahaman ban ke aaja
hamare ghar ke virani to jaye
zara khul kar bhi ro lene do hum ko
ke dil ke aag tak pani ho jaye
bala se tod dalo aainon ko
kisi surat ye hairani to jaye
Poet of the Poem / Ghazal or Nazam : Mohsin Naqvi
ret par likh ke mera naam mitaya na karo
aankhen sach bolati hain pyar chupaya na karo
log har baat ka afsana bana lete hain
sab ko halat ke rudad sunaya na karo
ye zaruri nahi har shakhs masiha hi ho
pyar ke zakhm amanat hain dikhaya na karo
shahar-e-ehasas mein pattharav bahut hain ‘mohsin’
dil ko shishe ke jharonkhon mein sajaya na karo
ret par likh ke mera naam mitaya na karo
aankhen sach bolati hain pyar chupaya na karo
log har baat ka afsana bana lete hain
sab ko halat ke rudad sunaya na karo
ye zaruri nahi har shakhs masiha hi ho
pyar ke zakhm amanat hain dikhaya na karo
shahar-e-ehasas mein pattharav bahut hain ‘mohsin’
dil ko shishe ke jharonkhon mein sajaya na karo
Poet of The Poem / Ghazal or Nazam :Mohsin Naqvi
Itni muddat bad mile ho
kin sochon mein gum rehte ho
tez hawa ne mujh se pucha
ret pe kya likhate rehte ho
kon si baat hai tum mein aisi
itane ache kyon lagate ho
hum se na pucho hijr ke qisse
apni kaho ab tum kaise ho
Poet of the Poem / Ghazal or Nazam : Mohsin Naqvi
jab se us ne shahar ko choda har rasta sunsan hua
apana kya hai sare shahar ka ik jaisa nukasan hua
mere hal pe hairat kaisi dard ke tanha mausam mein
pathar bhi ro padate hain insan to phir insan hua
us ke zakhm chupa kar rakhiye khud us shakhs ke nazron se
us se kaisa shikwa kije wo to abhi nadan hua
yun bhi kam aamez tha “mohsin” wo is shahar ke logon mein
lekin mere samane aakar aur hi kuch anjam hua
Poet of the Poem / Ghazal or Nazam :Mohsin Naqvi
Bichad ke mujh se kabhi tu ne ye bhi socha hai
adhura chand bhi kitana udas lagata hai
ye vasl ka lamha hai ise rayegan na samajh
ke is ke bad wohi duriyon ka sahara hai
kuch aur der na jhadata udasiyon ka shajar
kise khabar tere saye mein kon baitha hai
ye rakh-rakhao muhabbat sikha gai us ko
wo ruth kar bhi mujhe muskura ke milta hai
main kis tarah tujhe dekhun nazar jhijhakati hai
tera badan hai ke ye aainon ka dariya hai
Poet of the Poem / Ghazal or Nazam : Mohsin Naqvi
