Posts tagged: Munir Niazi Shayari

Todana tute huye dil ka bura hota hai – Munir Niazi

Todana tute huye dil ka bura hota hai
jis ka koi nahi us ka to khuda hota hai
mang kar tum se khushi lun mujhe manzur nahi
kis ka mangi hui daulat sebhala hota hai
log nahak kisi majabur ko kahate hain bura
aadmi ache hain par waqt bura hota hai
kyon “munir” apni tabahi ka ye kaisa shikwa
jitana taqadir mein likha hai ada hota hai

Poet of the Poem / Ghazal or Nazam : Munir Niazi

Us simt mujh ko yar ne jane nahi diya-Munir Niazi

us simt mujh ko yar ne jane nahi diya
ek aur shahar-e-yar mein aane nahi diya
kuch aur waqt chahate the ki sochen tere liye
tune wo waqt hum ko zamane nahi diya
manzil hai is mahak ke kahan kis chaman mein hai
is ka pata safar mein hawa ne nahi diya
roka ana ne kavish-e-besud se mujhe
us but ko apna hal sunane nahi diya
hai jis ke bad ahad-e-zaval-ashna “munir”
itna kamal hum ko khuda ne nahi diya

Poet of  the Poems / Ghazal or Nazam :Munir Niazi

Phul the badal bhi tha aur wo hasin surat bhi thi – Munir Niazi

Phul the badal bhi tha aur wo hasin surat bhi thi
dil mein lekin aur hi ek shaql ke hasrat bhi thi
jo hawa mein ghar banaye kash koi dekhata
dasht mein rehte the par tamir ke aadat bhi thi
kah gaya main samane us ke jo dil ka mudd’a
kuch to mausam bhi ajab tha kuch meri himmat bhi thi
ajanabi shaharon mein rehte umr sari kat gai
go zara se fasale par ghar ke har rahat bhi thi
kya qayamat hai “munir” ab yaad bhi aate nahi
wo purane aashna jin se hamen ulfat bhi thi

Poet of the Poem / Ghazal or Nazam : Munir Niazi

Us bevafa ka shahar hai aur hum hain doston -Munir Niazi

us bevafa ka shahar hai aur hum hain doston
ashk-e-ravan ke nahar hai aur hum hain doston
sham-e-alam dhali to chali dard ke hawa
raton ka pichala pahar hai aur hum hain doston
aankhon mein ud rahi hai luti mahafilon ke dhul
ibrat bara-e-dahar hai aur hum hain doston
ye ajanabi si manzilen aur raftagan ke yaad
tanhaiyon ka zeher hai aur hum hain doston

Poet of  the Poems / Ghazal or Nazam :Munir Niazi

Un se nain milakar dekho -Munir Niazi

un se nain milakar dekho
ye dhokha bhi kha kar dekho
duri mein kya bhed chipa hai
isaki khoj lagakar dekho

Poet of  the Poems / Ghazal or Nazam :Munir Niazi

raat behad chup hai aur us ka andhera surmagin-Munir Niazi

raat behad chup hai
aur us ka andhera surmagin
sham padate hi damakate the jo rangon ke nagin
dur tak bhi ab kaheen
us ka nishan milta nahi
ab to badhata aayega
ghanghor badal chah ka
us mein bahati aayegi
ek madbhari mithi sada
dil ke sune shahar mein gunjega nagma chah ka
raat ke parde mein chup kar khoon rulati chahato
is qadar kyon dur ho
mujh se zara ye to kaho
mere pas aakar kabhi meri kahani bhi suno
siskiyan leti havayen kah rahihain – ‘chup raho’

Poet of The Poem / Ghazal or Nazam :Munir Niazi

Hawa ke aavaz – Munir Niazi

Hawa ke aavaz
khushk patton ke sarsarahat se bhar gai
rosh-rosh par fatada phoolon ne
lakhon nauhe jaga diye hain
sileti shuayen
buland pedon par gul machate
siyah kauon ke qafilon se ati hui hain
har ek janib khizan ke qasid lapak rahe hain
har ek janib khizan ke aavaz gunjati hai
har ek basti kashakash-e-marg-o-zindagi se nidhal hokar
musafiron ko pukarati hai ki – aao
mujh ko khizan ke bemahar
talkh ehasas se bachao

Poet of the Poem / Ghazal or Nazam : Munir Niazi

Khalish-e-hijr-e-dayami na gai – Munir Niazi

Khalish-e-hijr-e-dayami na gai
tere rukh se ye berukhi na gai
puchate hain ke kya hua dil ko
husn valon ke sadagi na gai
sar se sauda gaya muhabbat ka
dil se par is ke bekali na gai
aur sab ke hikayaten kah din
baat apni kabhi kahi na gai
hum bhi ghar se ‘munir’ tab nikle
baat apanon ke jab sahi na gai

Poet of the Poem / Ghazal or Nazam : Munir Niazi








Munir Niazi Shayari, poems and Ghazals


Munir Niazi Shayari shayari sms in Urdu for your friends. Munir Niazi Shayari poetry , ghazal , poem and sher o shayr in Hindi. Best 1 line , 2 line and 4 line Munir Niazi Shayari shayari Collection Online.