Ye husn tera ye ishq mera
rangin to hai badnam sahi
mujh par to kai ilzam lage
tujh par bhi koi ilzam sahi
is raat ke nikhari rangat ko
kuch aur nikhar jane de zara
nazron ko bahak jane de zara
zulfon ko bikhar jane de zara
kuch der ke hi taskin sahi
kuch der ka hi aaram sahi
jazbat ke kaliyan chunana hai
aur pyar ka tohfa dena hai
logon ke nigahen kuch bhi kahen
logon se hamen kya lena hai
ye khas ta’alluq aapas ka
duniya ke nazar mein aam sahi
rusavai ke dar se ghabara kar
hum tark-e-vafa kab karte hain
jis dil ko basa lain pehlu mein
us dil ko juda kab karte hain
jo hashr hua hai lakhon ka
apna bhi wohi anjam sahi
ye husn tera ye ishq mera
rangin to hai badnam sahi
mujh par to kai ilzam lage
tujh par bhi koi ilzam sahi

Poet of the Poem / Ghazal or Nazam :Sahir Ludhianvi

Phir se mausam baharon ka aane ko hai
phir se rangin zamana badal jayega
ab ke bazm-e-charagan saja lenge hum
ye bhi araman dil ka nikal jayega
aap kar den jo mujh pe nigah-e-karam
meri ulfat ka reh jayega kuch bharam
yun fasana to mera rahega yahin
sirf unavan us ka badal jayega
phiki phiki si q sham-e-maikhana hai
lutf-e-saqi bhi kam khali paimana hai
apni nazron se hi kuch pila dijiye
rang mahafil ka khud hi badal jayega
mere mitane ka un ko zara gham nahi
zulf bhi un ke ae dost barham nahin
apne hone na hone se hota hai kya
kam duniya ka yun hi to chal jayega
aap ne dil jo ‘zahid’ ka toda to kya
aap ne us ke duniya ko choda to kya
aap itane to aakhir pareshan na hon
wo sambhalate sambhalate sambhal jayega

Poet of the Poem / Ghazal or Nazam : Zahid

muddat mein wo phir taza mulaqat ka aalam
khamosh adaon mein wo jazbat ka aalam
ALLAH re wo shiddat-e-jazbat ka aalam
kuch kah ke wo bhuli hui har baat ka aalam
aariz se dhalakate hue shabanam ke wo qatre
aankhon se jhalakata hua barsat ka aalam
wo nazron hi nazron mein savalat ke duniya
wo aankhon hi aankhon mein javabat ka aalam

Poet of the Poem / Ghazal or Nazam : Jigar Moradabadi

Khuda ke vaste ab berukhi se kam na le
tadap ke phir koi daman ko tere tham na le
bas ek sajda-e-shukrana pa-e-nazuk par
ye maikada hai yahan par khuda ka naam na le
zamane bhar mein hain charche meri tabahi ke
main dar raha hun kaheen koi tera naam na le
mita do shauq se mujhko magar kaheen tumase
zamana meri tabahi ka intaqam na le
jise tu dekh le ik bar mast nazron se
wo umr bhar kabhi hathon mein apne jam na le
rakhun ummid-e-karam usase ab main kya “sahir”
ki jab nazar se bhi zalim mera salam na le

Poet of the Poem / Ghazal or Nazam : Sahir Bhopali

Wo khubasurat ladakiyan
dasht-e-vafa ke hiraniyan
shahar-e-shab-e-mahatab ke
bechain jadugaraniyan
jo badalon mein kho gain
nazron se ojhal ho gain
ab sard kali raat ko
aankhon mein gahara gham liye
ashkon ke bahati nahar mein
gulnar chehare naam kiye
hasti ke sarahad se pare
khwabon ke sangin ot se
kahati hain mujh ko bevafa
hum se bichadakar kya tujhe
sukh ka khazana mil gaya

Poet of the Poem / Ghazal or Nazam : Munir Niazi

Ajeeb tarz-e-mulaqat ab ke bar rahi
tumhin the badle hue ya meri nigahen thin
tumhari nazron se lagata tha jaise meri bajaye
tumhare ghar mein koi aur shakhs aaya hai
tumhare ohade ke denen tumhen mubarak
so tum ne mera svagat usi tarah se kiya
jo afasaran-e-hukumat ke aitaqad mein hai
takallufan mere nazadik aa ke baith gaye
phir ehatamam se mausam ka zikr ched diya
kuch us ke bad siyasat ke baat bhi nikali
adab par bhi koi do char tabasare faramaye
magar na tum ne hamesha ke tarah ye pucha
kya waqt kaisa guzarata hai tera jan-e-hayat
pahad din ke aziyat mein kitni shiddat hai
ujad raat ke tanhai kya qayamat hai
shabon ke sust ravi ka tujhe bhi shikwa hai
gam-e-firaq ke qisse nishat-e-vasl ka zikr
ravayatan hi sahi koi baat to karte

Poet of the Poem / Ghazal or Nazam : Parveen Shakir  

lakhon shaklon ke mele mein tanha rahana mera kam
bhes badal kar dekhte rahana tez hawaon ka koharam
ek taraf aavaz ka suraj ek taraf ik gungi sham
ek taraf jismon ke khushbu ek taraf is ka anjam
ban gaya qatil mere liye to apni hi nazron ka dam
sab se bada hai naam khuda ka us ke bad hai mera naam

Poet of the Poem / Ghazal or Nazam :Munir Niazi

jab se us ne shahar ko choda har rasta sunsan hua
apana kya hai sare shahar ka ik jaisa nukasan hua
mere hal pe hairat kaisi dard ke tanha mausam mein
pathar bhi ro padate hain insan to phir insan hua
us ke zakhm chupa kar rakhiye khud us shakhs ke nazron se
us se kaisa shikwa kije wo to abhi nadan hua
yun bhi kam aamez tha “mohsin” wo is shahar ke logon mein
lekin mere samane aakar aur hi kuch anjam hua

Poet of the Poem / Ghazal or Nazam :Mohsin Naqvi