sirf lahara ke rah gaya aanchal
rang ban kar bikhar gaya koi
gardish-e-khun ragon mein tez hui
dil ko chukar guzar gaya koi
phul se khil gaye tasavvur mein
daman-e-shauq bhar gaya koi

Poet of the Poem / Ghazal or Nazam :Ali Sardar Jafri

Bat phoolon ke suna karate the
hum kabhi sher kaha karate the

mashalen leke tumhare gam ke
hum andheron mein chala karate the

ab kahan aisi tabiyat vale
chot kha kar jo dua karate the

tark-e-ehasas-e-muhabbat mushkil
han magar ahal-e-vafa karate the

bikhari bikhari zulfon vale
qafile rok liya karate the

aj gulshan mein shaguf-e-sagar
shikave bad-e-saba se karate the

Poet of the Poem / Ghazal or Nazam : Sagar Siddiqui

Barish hui to phoolon ke tan chak ho gaye
mausam ke hath bhig ke saffak ho gaye

badal ko kya khabar ki barish ke chah mein
kitane buland-o-bala shajar khak ho gaye

juganu ko din ke vaqt pakadane ke zid karen
bache hamare ahad ke chalak ho gaye

lahara rahi hai barf ke chadar hata ke ghas
suraj ke shah pe tinake bhi bebak ho gaye

suraj dimag log bhi iblag-e-fikr mein
zulf-e-shab-e-firaq ke pechak ho gaye

jab bhi garib-e-shahar se kuch guftagu hui
lahaje hava-e-sham ke namnak ho gaye

sahil pe jitne aabguzida the sab ke sab
dariya ke rukh badalate hi tairak ho gaye

Poet of the Poem / Ghazal or Nazam : Parveen Shakir