Posts tagged: Phoolon

Wo bhi kya log the aasan thi rahen jin ke – Aale Ahmed Suroor

Wo bhi kya log the aasan thi rahen jin ke
band aankhen kiye ik simt chale jate the
aql-o-dil khvab-o-haqiqat ke na uljhan na khalish
mukhtalif jalve nigahon ko na bahalate the
ishq sada bhi tha bekhud bhi jununpesha bhi
husn ko apni adaon pe hijab aata tha
phul khilate the to phoolon mein nasha hota tha
raat dhalati thi to shishon pe shabab aata tha
chandani kaifasar ruhafza hoti thi
abr aata tha to badmast bhi ho jate the
din mein shorish bhi hua karati thi hangame bhi
raat ke god mein muh dhanp ke so jate the
narm rau waqt ke dhare pe safine the ravan
sahil-o-bahr ke aain na badalate the kabhi
nakhudaon pe bharosa tha muqaddar pe yaqin
chadar-e-ab se tufan na ubalate the kabhi
hum ke tufanon ke pale bhi sataye bhi hain
barq-o-baran mein wo hi shamen jalayen kaise
ye jo aatishkada duniya mein bhadak uttha hai
aansuon se use har bar bujhayen kaise
kar diya barq-o-bukharat ne mahashar barpa
apne daftar mein litafat ke siva kuch bhi nahi
ghir gaye waqt ke beraham kashakash mein magar
pas tahazib ke daulat ke siva kuch bhi nahi

ye andhera ye talatum ye hawaon ka kharosh
is mein taron ke subuk narm ziya kya karati
talkhi-e-zist se kadava hua aashiq ka mizaj
nigah-e-yar ke masum ada kya karati

safar aasan tha to manzil bhi badi raushan thi
aj kis darja purasarar hain rahen apni
kitni parachaiyan aati hain tajalli ban kar
kitne jalvon se ulajhati hain nigahen apni

Poet of the Poem / Ghazal or Nazam : Aale Ahmed Suroor

kati hai gham ke raat bade ehataram se – Ali Ahmed Jalili

kati hai gham ke raat bade ehataram se
aksar bujha liya hai charagon ko sham se
raushan hai apni bazm aur is ehatamam se
kuch dil bhi jal rahe hain charagon ke naam se
muddat hui hai khun-e-tamanna kiye magar
ab tak tapak raha hai lahu dil ke jam se
subah-e-bahar hum ko bulati rahi magar
hum khelate rahe kisi zulfon ke sham se
har sans par hai maut ka pehara laga hua
aahista ae hayat guzar is maqam se
kati tamam umr fareb-e-bahar mein
kante sametate rahe phoolon ke naam se
ye aur baat hai ke “ali” hum na sun sake
aavaz us ne di hai hamen har maqam se

Poet of the Poem / Ghazal or Nazam : Ali Ahmed Jalili

Kafir gesu valon ke raat basar yun hoti hai – Sagar Nizami

Kafir gesu valon ke raat basar yun hoti hai
husn hifazat karta hai aur javani soti hai
mujh mein tujh mein farq nahi mujh mein farq hai ye
tu duniya par hansata hai duniya mujh par hansati hai
sabr-o-sukun do dariya hain bharate bharate bharate hain
taskin dil ke barish hai hote hote hoti hai
jine mein kya rahat thi marane mein taklif hai kya
tab duniya kyon hansati thi ab duniya kyon roti hai
dil ko to tashkhish hui charagaron se puchunga
dil jab dhak-dhak karta hai wo halat kya hoti hai
raat ke aansu ae ‘sagar’ phoolon se bhar jate hain
subah-e-chaman is pani se kaliyon ka muh dhoti hai

 

Poet of the Poem / Ghazal or Nazam : Sagar Nizami

Jab bhi tanhai se ghabarake simat jate hain – Sudarshan Faakir

jab bhi tanhai se ghabarake simat jate hain
hum teri yaad ke daman se lipat jate hain
un pe tufan ko bhi afsos hua karta hai
wo safine jo kinaron pe ulat jate hain
hum to aaye the rahen shakh mein phoolon ke tarah
tum agar har samajhate ho to hat jate hain

Poet of the Poem / Ghazal or Nazam :Sudarshan Faakir

Ik na ik shamma andhere mein jalaye rakhiye – Tariq Badayuni

Ik na ik shamma andhere mein jalaye rakhiye
subah hone ko hai mahaul banaye rakhiye
jin ke hathon se hamen zakhm-e-nihan pahunche hain
wo bhi kahate hain ki zakhmon ko chupaye rakhiye
kon jane ki wo kis rah-guzar se guzri
har guzar-gah ko phoolon se sajaye rakhiye
daman-e-yar ke zinat na bane har aansu
apni palkon ke liye kuch to bachaye rakhiye

 

Poet of the Poem / Ghazal or Nazam : Tariq Badayuni

Dil mein mahak rahen hain kisi aarzoo ke phul – Javed Akhtar

Dil mein mahak rahen hain kisi aarzoo ke phul
palkon mein khilane wale hain shayad lahu ke phul
ab tak hai koi baat mujhe yaad harf harf
ab tak main chun raha hun kisi guftagu ke phul
kaliyan chatak rahi thi ki aavaz thi koi
ab tak sama’aton mein hai ik khush-gulu ke phul
mere lahu ka rang hai har nok-e-khar par
sehra mein har taraf hai meri justaju ke phul
divane kal jo log the phoolon ke ishq mein
ab un ke damanon mein bhare hain rafu ke phul

 

Poet of the Poem / Ghazal or Nazam : Javed Akhtar

Dil mein jo kuch hai abhi us ke pazirai nahi – Zia Jalandhari

Dil mein jo kuch hai abhi us ke pazirai nahi
hama khushbu hun par khilane ke ghadi aayi nahi
ankahi baat ke sau rup kahi baat ka ek
kabhi sun wo bhi jo minnat-e-kash-e-goyai nahi
meri nazron mein hai khilate hue phoolon ke tarah
wo nami jo abhi shakhon mein bhi laharai nahi
kya manazir the ki jo dekhati aankhon ko dekhe
khwab bunata hun ki aasuda-e-binai nahi
sabhi dana sabhi sar dal ke chup baithe rahe
ki yahan koi bhi shaista-e-rusvai nahi
dil bujha ho to gul-e-nagma bhi nashtar hai ‘zia’
shiddat-e-gam ka ilaj anjuman-e-arai nahi

 

Poet of the Poem / Ghazal or Nazam : Zia Jalandhari








Phoolon, poems and Ghazals


Phoolon shayari sms in Urdu for your friends. Phoolon poetry , ghazal , poem and sher o shayari in Hindi. Best 1 line , 2 line and 4 line Phoolon shayari Collection Online.