Tumhen jafa se na yun baz aana chahiye tha
abhi kuch aur mera dil dukhana chahiye tha
tavil raat ke pehlu mein kab se soi hai
navid-e-subah tujhe jag jana chahiye tha
bahut qallaq hua hairat gazida tufan ko
ke kon dube kinhen dub jana chahiye tha
bujhe chiragon mein kitne hain jo jale hi nahi
savad-e-vaqt inhen jagamagana chahiye tha
ajab na tha ke qafas sath leke ud jate
tadapana chahiye tha phadaphadhana chahiye tha
ye meri har ke kar-e-janan se hara magar
bichadane wale tujhe yaad aana chahiye tha
taman umr ke aasurdagi-e-vasl ke bad
firaq aakhiri dhoka tha khana chahiye tha
Poet of the Poem / Ghazal or Nazam : Pirzada Qasim
Khoon se jab jala diya ek diya bujha hua
phir mujhe de diya gaya ek diya bujha hua
ek hi dastan-e-shab ek hi silsila to hai
ek diya jala hua ek diya bujha hua
mahafil-e-rang-o-nur ke phir mujhe yaad aa gai
phir mujhe yaad aa gaya ek diya bujha hua
mujh ko nishat se fuzun rasm-e-vafa aziz hai
mera rafiq-e-shab raha ek diya bujha hua
dard ke kainat mein mujh se bhi roshni rahi
vaise meri bisat kya ek diya bujha hua
sab meri raushani-e-jan harf-e-sukhan mein dhal gai
aur main jaise reh gaya ek diya bujha hua
Poet of the Poem / Ghazal or Nazam : Pirzada Qasim
Ik saza aur asiron ko suna di jaye
yani ab jurm-e-asire ke saza di jaye
usaki khvahish hai ke ab log na roen na hansen
behisi waqt ke aavaz bana di jaye
dasht-e-nadida ke tahaqiq zaruri hai magar
pahale jo aaglagi hai wo bujha di jaye
sirf jalana hi nahi hamako bhadakana bhi to hai
ishq ke aag ko lazim hai hawa di jaye
sirf suraj ka nikalana hai agar subah to phir
ik shab aur meri shab se mila di jaye
aur ik taza sitam usane kiya ijad
usako is bar zara khul ke dua di jaye
Poet of the Poem / Ghazal or Nazam : Pirzada Qasim
hum se bahal rahe hain aap aap bahut ajeeb hain
dard mein dhal rahe hain aap aap bahut ajeeb hain
saya-e-vasl kab se hai aap ka muntazir magar
hijr mein dhal rahe hain aap aap bahut ajeeb hain
apne khilaf faisala khud hi likha hai aap ne
hath bhi mal rahe hain aap aap bahut ajeeb hain
waqt ne aarzoo ke lau der hui bujha bhi di
ab bhi pighal rahe hain aap aap bahut ajeeb hain
zahamat-e-zarbat-e-digar dost ko dijiye nahi
gir ke sambhal rahe hain aap aap bahut ajeeb hain
dayaravar hi to hain ishq ke raste tamam
rah badal rahe hain aap aap bahut ajeeb hain
dasht ke sari raunaqen khair se ghar mein hain to q
ghar se nikal rahe hain aap aap bahut ajeeb hain
apni talash ka safar khatm bhi kijiye kabhi
khwab mein chal rahe hain aap aap bahut ajeeb hain
Poet of the Poem / Ghazal or Nazam : Pirzada Qasim
