Posts tagged: Prem Warbartoni Shayari

Kabhi to khul ke baras abr-e-meharaban ke tarah – Prem Warbartoni

Kabhi to khul ke baras abr-e-meharaban ke tarah
mera vajud hai jalate hue makan ke tarah
bhari bahar ka sina hai zakhm zakhm magar
saba ne gaye hain lori shafiq man ke tarah
wo kon tha jo barahana badan chattanon se
lipat gaya tha kabhi bahr-e-bekaran ke tarah
sakut-e-dil to jazira hai barf ka lekin
tera khulus hai suraj ke sayeban ke tarah
main ik khwab sahi aap ke amanat hun
mujhe sambhal ke rakhiyega jism-o-jan ke tarah
kabhi to soch ke wo shakhs kis qadar tha buland
jo bich gaya tere qadmon mein aasman ke tarah
bula raha hai mujhe phir kisi badan ka basant
guzar na jaye ye rut bhi kaheen khizan ke tarah
lahu hai nisf sadi ka jis ke aabagine mein
na dekh “prem” use chashm-e-argavan ke tarah

Poet of the Poem / Ghazal or Nazam : Prem Warbartoni

Javani ke hile haya ke bahane – Prem Warbartoni

javani ke hile haya ke bahane
ye mana ke tum mujh se parda karogi
ye duniya magar tujh si bholi nahi hai
chupa ke mohabbat ko rusva karogi
badi koshishon se badi khvahishon se
tamanna ke sahami hui sazishon se
milega jo mauka to bechain hokar
darichon se tum mujhko dekha karogi
satayegi jab chandani ke udasi
dukhayegi dil jab fiza ke khamoshi
ufaq ke taraf khali nazaren jamakar
kabhi jo na socha wo socha karogi
kabhi dil ke dhadakan mahasus hogi
kabhi thandi sanson ke tufan uthegi
kabhi gir ke bistar pe aahen bharogi
kabhi jhuk ke takiye pe roya karogi

Poet of the Poem / Ghazal or Nazam :Prem Warbartoni

Dil jalega to zamane mein ujala hoga – Prem Warbartoni

Dil jalega to zamane mein ujala hoga
husn zarron ka sitaron se nirala hoga
kon jane ye mohabbat ke saza hai ke sila
hum kinare pe bhi pahunche to kinara na mila
bujh gaya chand kisi dard bhare dil ke tarah
raat ka rang abhi aur bhi kala hoga
dekhana royegi fariyad karegi duniya
hum na honge to hamen yaad karegi duniya
apne jine ke ada bhi anokhi sab se
apne marane ka bhi andaz nirala hoga

 

Poet of the Poem / Ghazal or Nazam : Prem Warbartoni

Aj kya dekha khalaon ke sunehre khvab mai – Prem Warbartoni

aj kya dekha khalaon ke sunehre khvab mai
regzaron ke siva kuch bhi nahi mahtab mai

jab se pahana hai naye mausam ne zakhmon ka libas
phul se khilane lage hain dida-e-khunab mai

nisfshab ko nind mai chalata hua paikar koi
naqsh-e-pa kyon chod jata hai dayar-e-khvab mai

wo to khud apne tajassus mai bhatak kar rah gaye
tazakara tha jin ke azamat ka bahut ehabab mai

chedata hai saz-e-shab ko yun samandar ka sukut
dub jati hai faza sangit ke sailab mai

 
Poet of the Poem / Ghazal or Nazam :  Prem Warbartoni








Prem Warbartoni Shayari, poems and Ghazals