|
Tum na mano magar haqiqat hai
Ishq insan ki zarurat hai
Kuchh tu dil mubatala e vahashat hai
Kuchh teri yad bhi qayamat hai
Mere mahabub mujh se jhuth na bol
Jhuth surat e gar sadaqat hai
Ji raha hun is aitamad ke sath Share with us more Qabil ajmeri shaery in Comments Section below.
Wo har maqam se pahale wo har maqam ke bad
sahar thi sham se pahale sahar hai sham ke bad
har inqalab-e-mubarak har inqalab-e-azab
shikast-e-jam se pahale shikast-e-jam ke bad
mujh pe itni tavajjo mujh se itna gurez
mere salam se pahale mere salam ke bad
charag-e-bazm-e-sitam hain hamara hal na puch
jale the sham se pahale bujhe hain sham ke bad
ye raat kuch bhi nahi thi ye raat sab kuch hai
tulu-e-jam se pahale tulu-e-jam ke bad
wohi zuban wohi baten magar hai kitna farq
tumhare naam se pahale tumhare naam ke bad
hayat giriya-e-shabanam hayat raqs-e-sharar
tere payam se pahale tere payam ke bad
ye tarz-e-fiqr ye rang-e-sukhan kahan ‘qabil’
tere kalam se pahale tere kalam ke bad
Poet of the Poem / Ghazal or Nazam : Qabil Ajmeri
Tum na mano magar haqiqat hai
ishq insan ke zarurat hai
kuch to dil mubatala-e-vahashat hai
kuch teri yaad bhi qayamat hai
mere mahbub mujh se jhooth na bol
jhooth surat-e-gar sadaqat hai
jee raha hun is aitamad ke sath
zindagi ko meri zarurat hai
husn hi husn jalve hi jalve
sirf ehasas ke zarurat hai
us ke wade pe naz the kya kya
ab dar-o-bam se nadamat hai
us ke mahafil mein baith kar dekho
zindagi kitni khubsurat hai
rasta kat hi jayega ‘qabil’
shauq-e-manzil agar salamat hai
Poet of the Poem / Ghazal or Nazam : Qabil Ajmeri
hairaton ke silsile soz-e-nihan tak aa gaye
hum nazar tak chahate the tum to jan tak aa gaye
namuradi apni qismat gumrahi apana nasib
karavan ke khair ho hum karavan tak aa gaye
un ke palkon par sitare apne honton pe hansi
qissa-e-gam kahate kahate hum kahan tak aa gaye
apni apni justaju hai apana apana shauq hai
tum hansi tak bhi na pahunche hum fugan tak aa gaye
zulf mein khushbu na thi ya rang aariz mein na tha
aap kis ke aarzoo mein gulistan tak aa gaye
rafta rafta rang laya jazba-e-khamoshi-e-ishq
wo tagaful karte karte imtihan tak aa gaye
khud tumhen chak-e-gireban ka shaur aa jayega
tum vahan tak aa to jao hum jahan tak aa gaye
aj ‘qabil’ maikade mein inqalab aane ko hai
ahal-e-dil andesha-e-sud-o-ziyan tak aa gaye
Poet of the Poem / Ghazal or Nazam : Qabil Ajmeri
