jahan na teri mahak ho udhar na jaun main
meri sarisht safar hai guzar na jaun main
mere badan mein khule jangalon ke matti hai
mujhe sambhal ke rakhna bikhar na jaun main
mere mizaj mein be-mani ulajhanen hain bahut
mujhe udhar se bulana jidhar na jaun main
kaheen pukar na le gahari vadiyon ka sabut
kisi maqam pe aakar thahar na jaun main
na jane kon se lamhe ke bad-dua hai ye
qarib ghar ke rahun aur ghar na jaun main

Poet of the Poem / Ghazal or Nazam : Nida Fazli

jagmagate shahar ke ranaiyon mein kya na tha
dhundhane nikala tha jis ko main wohi chehara na tha
ret pe likhe huye namon ko padh kar dekh lo
aj tanha rah gaya hun kal magar aisa na tha
hum wohi tum bhi wohi mausam wohi manzar wohi
fasala bad jayega itna kabhi socha na tha
fikr ke dar pe koi aahat koi dastak nahi
wo faqat bimar jis ka koi hamsaya na tha

chod aaya jin safinon ko talatum ke qarib
nakhuda un mein tera shayad koi apana na tha

Poet of the Poem / Ghazal or Nazam :Ameer Kazalbash

jagmagate shahar ke ranaiyon mein kya na tha
dhundhane nikala tha jis ko main wohi chehara na tha
ret pe likhe huye namon ko padh kar dekh lo
aj tanha rah gaya hun kal magar aisa na tha
hum wohi tum bhi wohi mausam wohi manzar wohi
fasala bad jayega itna kabhi socha na tha
fikr ke dar pe koi aahat koi dastak nahi
wo faqat bimar jis ka koi hamsaya na tha

chod aaya jin safinon ko talatum ke qarib
nakhuda un mein tera shayad koi apana na tha

Poet of the Poem / Ghazal or Nazam :Ameer Kazalbash

aadmi aadmi ko kya dega
jo bhi dega vahi khuda dega

mera qatil hi mera munsib hai
kya mere haq mein faisala dega

zindagi ko qarib se dekho
isaka chehara tumhen rula dega

hamase pucho dosti ka sila
dushmanon ka bhi dil hila dega

ishq ka zahar pi liya “fakir”
ab masiha bhi kya dava dega

Poet of the Poem / Ghazal or Nazam :Sudarshan Faakir