mera dil bhi shauq se todo ek tajurba aur sahi
lakh khilone tod chuke ho ek khilona aur sahi
raat hai gham ke aj bujha do jalta hua har ek chirag
dil mein andhera ho hi chuka hai ghar mein andhera aur sahi
dam hai nikalata hai ik aashiq ka bheed hai aa kar dekh to lo
lakh tamashe dekhe honge ek nazara aur sahi
khanjar le kar sochate kya ho qatl “murad” bhi kar dalo
daag hain sau daman pe tumhare ek izafa aur sahi
Poet of the Poem / Ghazal or Nazam :Murad Lucknawi
may pilakar aapaka kya jayega
jayega iman jisaka jayega
dekhakar mujhko wo sharma jayega
ye tamasha kisase dekha jayega
jaun butakhane se q kabe ko main
hath se ye bhi thikana jayega
qatl ke jab usane di dhamaki mujhe
kah diya main ne bhi dekha jayega
pi bhi le do ghunt zahid pi bhi le
maikade se kon pyasa jayega
Poet of the Poem / Ghazal or Nazam :Bekhud Dehlvi
hum ko junun kya sikhalate ho hum the pareshan tumase ziyada
chak kiye hain hum ne azizon char gareban tumase ziyada
chak-e-jigar muhataj-e-rafu hai aj to daman sirf lahu hai
ek mausam tha hum ko raha hai shauq-e-baharan tumase ziyada
jao tum apni bam ke khatir sari laven shamon ke katar lo
zakhmon ke mahar-o-mah salamat jashn-e-chiragan tumase ziyada
hum bhi hamesha qatl hue and tum ne bhi dekha dur se lekin
ye na samajhe hamako hua hai jan ka nukasan tumase ziyada
zanjir-o-divar hi dekhi tumane to “majrooh” magar hum
kucha-kucha dekh rahe hain aalanm-e-zindan tumase ziyada
Poet of the Poem / Ghazal or Nazam :Majrooh Sultanpuri
