Posts tagged: Rahat Indori Shayari

Shahar mein dhund raha hun ke sahara de de – Rahat Indori

Shahar mein dhund raha hun ke sahara de de
koi hatim jo mere hath mein kasa de de
ped sab nange faqiron ke tarah sahame hain
kis se umeed ye ke jaye ki saya de de
waqt ke sangzani noch gai sare naqush
ab wo aaina kahan jo mera chehara de de
dushmanon ke bhi koi baat to sach ho jaye
aa mere dost kisi din mujhe dhoka de de
main bahut jald hi ghar laut ke aa jaunga
meri tanhai yahan kuch dinon pehara de de
dub jana hi muqadar hai to behatar varana
tune patavar jo chini hai to tinka de de
jis ne qataron ka bhi mohataj kiya mujh ko
wo agar josh mein aa jaye to dariya de de
tum ko “rahat” ke tabiyat ka nahi andaza
wo bikhari hai magar mango to duniya de de

Poet of the Poem / Ghazal or Nazam : Rahat Indori

Safar ke had hai vahan tak ke kuch nishan rahe – Rahat Indori

Safar ke had hai vahan tak ke kuch nishan rahe
chale chalo ke jahan tak ye aasman rahe
ye kya uthaye qadam aur aa gai manzil
maza to jab hai ke pairon mein kuch thakan rahe
wo shakhs mujh ko koi jalsaz lagata hai
tum us ko dost samajhate ho phir bhi dhyan rahe
mujhe zamin ke geharaion ne dab liya
main chahata tha mere sar pe aasman rahe
ab apne bich marasim nahi adavat hai
magar ye baat hamare hi darmiyan rahe
magar sitaron ke faslen uga saka na koi
meri zamin pe kitne hi aasman rahe
wo ek saval hai phir us ka samana hoga
dua karo ke salamat meri zaban rahe

Poet of the Poem / Ghazal or Nazam : Rahat Indori

Peshaniyon pe likhe muqaddar nahi mile – Rahat Indori

Peshaniyon pe likhe muqaddar nahi mile
dastar kahan milenge jahan sar nahi mile
aavaragi ko dubate suraj se rabt hai
magrib ke bad hum bhi to ghar par nahi mile
kal aainon ka jashn hua tha tamam raat
andhe tamashbinon ko pathar nahi mile
main chahata tha khud se mulaqat ho magar
aaine mere qad ke barabar nahi mile
pardes ja rahe ho to sab dekhte chalo
mumkin hai vapas aao to ye ghar nahi mile

Poet of the Poem / Ghazal or Nazam : Rahat Indori

Masjidon ke sahan tak jana bahut dushvar tha – Rahat Indori

masjidon ke sahan tak jana bahut dushvar tha
der se nikala to mere raste mein dar tha
apne hi phailao ke nashe mein khoya tha darakht
aur har masum tahani par phalon ka bar tha
dekhte hi dekhte shaharon ke raunaq ban gaya
kal yahi chehara tha jo har aaine pe bar tha
sab ke dukh sukh us ke chehare pe likhe paye gaye
aadmi kya tha hamare shahar ka akhabar tha
ab mohalle bhar ke daravazon pe dastak hai nasib
ek zamana tha ke jab main bhi bahut khuddar tha
kagazon ke sab siyahi barishon mein dhul gai
hum ne jo socha tere bare mein sab bekar tha

Poet of the Poem / Ghazal or Nazam :Rahat Indori

Log har mod pe ruk ruk ke sambhalate q hain – Rahat Indori

Log har mod pe ruk ruk ke sambhalate q hain
itna darate hain to phir ghar se nikalate q hain
main na jugnu hun diya hun na koi tara hun
roshni wale mere naam se jalate q hain
neend se mera ta’alluq hi nahi barason se
khwab aa aa ke meri chat pe tahalate q hain
mod hota hai javani ka sambhalane ke liye
aur sab log yahin aake phisalate q hain

Poet of the Poem / Ghazal or Nazam : Rahat Indori

Intezamat naye sire se sambhale jayen – Rahat Indori

Intezamat naye sire se sambhale jayen
jitne kamzarf hain mehafil se nikle jayen
mera ghar aag ke lapaton mein chupa hia lekin
jab maza hai tere aangan mein ujale jayen
gham salamat hai to pite hi rahenge lekin
pehale maikhane ke halat sambhale jayen
khali vaqton mein kaheen baith ke rolen yaro
fursaten hain to samandar hi khangale jayen
khak mein yun na mila zabt ke tauhin na kar
ye wo aansun hain jo duniya ko baha le jayen
hum bhi pyase hain ye ehasas to ho saqi ko
khali shishe hi hawaon mein uchale jayen
aao shahr men naye dost banayen “rahat”
aastinon mein chalo sanp hi pale jayen

Poet of the Poem / Ghazal or Nazam : Rahat Indori

Dosti jab kisi se ke jaye – Rahat Indori

Dosti jab kisi se ke jaye
dushmanon ke bhi raye li jaye
maut ka zeher hai fizaon mein
ab kahan ja ke sans li jaye
bas isi soch mein hun duba hua
ye nadi kaise par ke jaye
mere mazi ke zakhm bharne lage
aj phir koi bhool ke jaye
botalen khol ke to pi barason
aj dil khol ke bhi pi jaye

Poet of the Poem / Ghazal or Nazam : Rahat Indori

Har ek chehare ko zakhmon ka aaina na kaho – Rahat Indori

har ek chehare ko zakhmon ka aaina na kaho
ye zindagi to hai rahamat ise saza na kaho
na jane kon si majaburiyon ka qaidi ho
wo sath chod gaya hai to bevafa na kaho
tamam shahar ne nezon pe q uchala mujhe
ye ittefaq tha tum is ko hadasa na kaho
ye aur baat ke dushman hua hai aj magar
wo mera dost tha kal tak use bura na kaho
hamare aib hamen ungaliyon pe ginvao
hamari pith ke piche hamen bura na kaho
main vaqiyat ke zanjir ka nahi qayal
mujhe bhi apne gunahon ka silsila na kaho
ye shahar wo hai jahan rakshas bhi hai “rahat”
har ek tarashe huye but ko devata na kaho

 

Poet of the Poem / Ghazal or Nazam : Rahat Indori

 








Rahat Indori Shayari, poems and Ghazals


Rahat Indori Shayari shayari sms in Urdu for your friends. Rahat Indori Shayari poetry , ghazal , poem and sher o shayr in Hindi. Best 1 line, 2 line and 4 line Rahat Indori Shayari shayari Collection Online.