Baharon ko chaman yad aa gaya hai
mujhe wo gulbadan yad aa gaya hai

lachakati shakh ne jab sar uthaya
kisi ka bankpan yad aa gaya hai

meri khamoshiyon par hansane valo
mujh wo kamsukhan yad aa gaya hai

tumhen mil kar ke ae yazadanparasto
gurur-e-aharaman yad aa gaya hai

teri surat ko jab dekha hai main ne
uruj-e-fikr-o-fan yad aa gaya hai

kisi ka khubasurat sher sun kar
tera lutf-e-sukhan yad aa gaya hai

mile wo ajanabi ban kar to ‘rifat’
zamane ka chalan yad aa gaya hai

Poet of the Poem / Ghazal or Nazam : Rifat Sultan