Tere nisar saqiya jitani piyun pilaye ja
mast nazar ka vasta mast mujhe banaye ja
tujh ko kisi se garaz kya bijli kaheen giraye ja
dil jale ya jigar jale tu yun hi muskuraye ja
samane mere aa ke dekh rukh se naqab hata ke dekh
khilaman-e-dil hai muntazair barq-e-nazar giraye ja
‘wafa’-e-badanasib ko bakhsha hai tune dard jo
hai koi is ke bhi dawa itna zara bataye ja

Poet of the Poem / Ghazal or Nazam : Rustom Sehgal Wafa

kya khabar thi is tarah se wo juda ho jayega
khwab mein bhi us ka milana khwab sa ho jayega
zindagi thi qaid hamen kya nikaloge us se
maut jab aa jayegi to khud riha ho jayega
dost banakar us ko chaha, ye kabhi socha na tha
dosti hi dosti mein wo khuda ho jayega
us ka jalva hoga kya jisaka ke parda nur hai
jo bhi us ko dekh lega wo fida ho jayega

Poet of the poem/ghazal or Nazam: Rustom Sehgal Wafa

aap aaye janab barason mein
hamane pi hai sharab barason mein
phir se dil ke kali khili apani
phir se dekha sabab barason mein
tum kahan the kahan rahe sahib
aj hoga hisab barason mein
pahale nadan the ab huye dana
unako aaya aadab barason mein
isi ummid pe main zinda hun
kya wo denge javab barason mein

 
Poet of the Poem / Ghazal or Nazam :Rustom Sehgal Wafa