Teri aankhon ke ye jo pyale hain,
Meri andheri raaton ke ujale hain,
Peeta hoon jaam par jaam

Gham is kadar mila ki ghabra ke pee gaye,
Khushi thodi si mili to mila ke pee gaye,
Yun to na

Share with us more shayri sharab pe in Comments section below.

kyonkar us but se rakhun jan aziz
kya nahi hai mujhe iman aziz
dil se nikala pa na nikala dil se
hai tere tir ka paikan aziz
tab laye hi banegi ‘ghalib’
baqia sakht hai aur jan aziz

Poet of the poem/ghazal or Nazam: Mirza Ghalib

main kachi neend mein hun
aur apne nimkhvabida tanaffus mein utarati
chandani ke chap sunati hun
guman hai
aj bhi shayad
mere mathe pe tere lab
sitare sabat karte hain

Poet of the poem/ghazal or Nazam: Parveen Shakir

gazab kiya, tere wade pe aitabar kiya
tamam raat qayamat ka intezar kiya
hansa hansa ke shab-e-vasl ashk-bar kiya
tasalliyan mujhe de-de ke beqarar kiya
hum aise mahv-e-nazara na the jo hosh aata
magar tumhare tagaful ne hoshiyar kiya
fasana-e-shab-e-gam un ko ek kahani thi
kuch aitabar kiya aur kuch na-aitabar kiya
ye kis ne jalva hamare sar-e-mazar kiya
ki dil se shor utha, hae! beqarar kiya
tadap phir ae dil-e-nadan, ki gair kahate hain
aakhir kuch na bani, sabr ikhtiyar kiya
bhula bhula ke jataya hai unko raz-e-nihan
chipa chipa ke mohabbat ko aashakar kiya
tumhen to vada-e-didar hum se karana tha
ye kya kiya ke jahan ko ummidavar kiya
ye dil ko tab kahan hai ke ho malandesh
unhone wada kiya hum ne aitabar kiya
na puch dil ke haqiqat magar ye kahate hain
wo beqarar rahe jisne beqarar kiya
kuch aage davar-e-mahashar se hai umeed mujhe
kuch aap ne mere kahane ka aitabar kiya

Poet of the poem/ghazal or Nazam: Daag Dehlvi

firaq-e-dida hun main vasl-e-yar baqi hai
khizan rasida chaman ki bahar baqi hai
hawa to kahati hai saqamade bahar-e-chaman
sada-e-guncha-e-vahadat hazar baqi hai
buton ki qahar se hum ko maqam-e-yas nahi
ummid-e-rahamat-e-paravar-digar baqi hai

Poet of the poem/ghazal or Nazam: Daya Shanker Naseem

ek ju-e-dard dil se jigar tak ravan hai aj
pighala hua ragon mein ik aatish-fishan hai aj
lab si diye hain ta na shikayat kare koi
lekin har ek zakhm ki muh mein zaban hai aj

tarikiyon ne gher liya hai hayat ko
lekin kisi ka ru-e-hasin darmiyan hai aj
jine ka waqt hai yahi marane ka waqt hai
dil apni zindagi se bahut shadaman hai aj
ho jata hun shahid har ahal-e-vafa ki sath
har dastan-e-shauq meri dastan hai aj

aaye hain kis nishat se hum qatl-gah mein
zakhmon se dil hai chur nazar gul-fishan hai aj

zindaniyon ne tod diya zulm ka gurur
wo dab-daba wo raub-e-hukumat kahan hai aj

Poet of the poem/ghazal or Nazam: Ali Sardar Jafri

Dard Me Koi Mousam Pyara Nahi Hota,
Dil Ho Pyasa To Pani Se Gujara Nahi Hota.
Koi Dekhe To Humari Bebasi,
Hum Sabhi K Ho Jate Hain Par Koi Humara Nahi Hota.