|
Ye haqiqat hai ki hota hai asar baton mein
tum bhi khul jaoge do char mulaqaton mein
tum se sadiyonki vafaon ka koi nata na tha
tum se milane ke lakiren thi mere hathon mein
tere vadon ne hamen ghar se nikalne na diya
log mausam ka maza le gaye barasaton mein
ab na suraj na sitare na shaman na chand
apne zakhmon ka ujala hai ghani raton mein
Poet of the Poem / Ghazal or Nazam : Saeed Rahi
wo anjuman mein raat badi shan se gaye
iman cheez kya thi kai jan se gaye
main to chupa hua tha hazaron naqab mein
lekin akele dekh ke pehchan se gaye
wo shama ban ke khud hi akele jala kiya
paravane kal ke raat pareshan se gaye
aaya tera salam na aaya hai khat koi
hum aakhiri safar ke bhi saman se gaye
“rahi” jinhen khuda bhi na samajha saka kabhi
baithe bithaye dekh lo ab man se gaye
Poet of the Poems/Ghazal or Nazam:Saeed Rahi
us ke baten bahar ke baten
vadi-e-lalazar ke baten
gul-o-shabanam ka zikr kar na abhi
mujhko karani hai pyar ke baten
shekh jee mayakada hai kaba nahi
yan to hongi khumar ke baat
ishq ka karavan chala bhi nahi
aur abhi se gubar ke baat
ye qafas aur tera khayal-e-hasin
is pe har su bahar ke baat
Poet of the Poems / Ghazal or Nazam :Saeed Rahi
Yun unaki bazm-e-khamoshiyon ne kam kiya
sab ne meri muhabbat ka ehataram kiya
hamara naam bhi lene laga wafa wale
hamen bhi aake farishton ne ab salam kiya
phir yahi khat, teri tasvir leke baith gaye
ye hum ne kam yahin subah aur sham kiya
zamana un ko hamesha hi ya rakhega
wo jisne ishq ke duniya mein apna naam kiya
tu bevafa hai magar mujhko jan se pyara hai
isi ada ne to ‘rahi’ ko tera gulam kiya
Poet of the Poem / Ghazal or Nazam : Saeed Rahi
Tum nahi gham nahi sharab nahi
aisi tanhai ka javab nahi
gahe gahe ise pada kije
dil se bahatar koi kitab nahi
jane kis kis ke maut aai hai
aj rukh pe koi naqab nahi
wo karam ungaliyon pe ginte hain
zulm ka jinake kuch hisab nahi
Poet of the Poem / Ghazal or Nazam : Saeed Rahi
Teri tarif karte hain to isamen kya burai hai
khuda ne apne hathon se teri surat banai hai
hazaron ke tarah sun le teri rusavai ke dar se
teru tasvir hum ne kitabon mein chupai hai
teri masum surat ke yahi tarif hai sun le
zaban pe hai yahi sab ke khudai hai khudai hai
marz ye ishq ka aisa laga ki phir nahi chuta
dua bhi hum ne ke “rahi” dawa bhi aazamai hai
Poet of the Poem / Ghazal or Nazam : Saeed Rahi
Aankh se aankh mila baat banata q hai
tu agar mujhase khafa hai to chupata q hai
gair lagata hai na apanon ke tarah milta hai
tu zamane ke tarah mujhko satata q hai
waqt ke sath halat badal jate hain
ye haqiqat hai magar mujhko sunata q hai
ek muddat se jahan kafile guzri hi nahi
aisi rahon pe charagon ko jalta q hai
Poet of the Poem / Ghazal or Nazam :Saeed Rahi
para para hua pairahan-e-jan
phir mujhe chod gaye charagaran
koi aahat na ishara na sharab
kaisa viran hai ye vast-e-imkan
waqt ke sog mein lamhon ka julus
jaise ek qafila-e-nauhagaran
Poet of the poem / Ghazal or Nazam :Saeed Rahi
