vo bulaaye.n to kyaa tamaashaa ho
ham na jaaye.n to kyaa tamaashaa ho

ye kinaaro.n se khelane vaale
Duub jaaye.n to kyaa tamaashaa ho

bandaa_parvar jo ham pe guzarii hai
ham bataaye.n to kyaa tamaashaa ho

aaj ham bhii terii vafaao.n par
muskuraaye.n to kyaa tamaashaa ho

terii suurat jo ittefaaq se ham
bhuul jaaye.n to kyaa tamaashaa ho

vaqt kii chand sa’ate.n ‘Sagar’
lauT aaye.n to kyaa tamaashaa ho

Poet of the Poems/Ghazal or Nazam:Sagar Siddiqui

Ye jo divane se do char nazar aate hain
in mein kuch sahib-e-asrar nazar aate hain
teri mahafil ka bharam rakahate hain so jat ehain
warna ye log to bedar nazar aate hain
dur tak koi sitara hai na koi jugnu
marg-e-ummid ke aasar nazar aate hain
mere daman mein shararon ke siva kuch bhi nahi
aap phoolon ke kharidar nazar aate hain
kal jise chu nahi sakati thi farishton ke nazar
aj wo raunaq-e-bazar nazar aate hain
hashr mein kon gavahi meri dega ‘sagar’
sab tumhare hi tarafdar nazar aate hain

Poet of the Poem / Ghazal or Nazam : Sagar Siddiqui

Teri duniya mein ya rab zist ke saman jalate hain
fareb-e-zindagi ke aag mein insan jalate hain
dilon mein azamat-e-tauhid ke dipak fasurda hain
jabinon par riya-o-kubr ke saman jalate hain
havas ke barayabi hai khirad-mandon ke mahafil mein
rupahali tikaliyon ke ot mein iman jalate hain
havadis raqs-farma hain qayamat muskurati hai
suna hai nakhuda ke naam se tufan jalate hain
shagufe jhulate hain is chaman mein bhuk ke jhule
baharon mein nasheman to bahar-e-unavan jalatae hain
kaheen aazeb ke chan-chan mein majboori tadapati hai
riya dam tod deti hai sunehre dan jalate hain
manao jashn-e-may-noshi bikharao zulf-e-mayakhana
ibadat se to “sagar” dahar ke shaitan jalate hain

Poet of the Poem / Ghazal or Nazam : Sagar Siddiqui

Tere daman ke hawa mangate hain
hum bhi jine ke dua mangate hain
mutribo koi achuta nagma
saz aahang-o-sada mangate hain
mah-o-anjum ke jharoke aksar
kisi ke aariz ke dua mangate hain
phir patangon mein khudai jagi
shole hashr-numa mangate hain
banda-paravar koi khairat nahi
hum vafaon ka sila mangate hain
maikada ho ke kalisa “sagar”
sari duniya ka bhala mangate hain

Poet of the Poem / Ghazal or Nazam : Sagar Siddiqui

Rudad-e-muhabbat kya kahiye kuch yaad rahi kuch bhool gaye
do din ke masarrat kya kahiye kuch yaad rahi kuch bhool gaye

jab jam diya tha saqi ne jab daur chala tha mahafil mein
wo hosh ke sa’at kya kahiye kuch yaad rahi kuch bhool gaye

ehasas ke maikhane mein kahan ab fikr-o-nazar ke qandilen
aalam ke shiddat kya kahiye kuch yaad rahi kuch bhool gaye

ab apni haqiqat bhi “sagar” berabt kahani lagti hai
duniya ke haqiqat kya kahiye kuch yaad rahi kuch bhool gaye

Poet of the Poem / Ghazal or Nazam :Sagar Siddiqui

Dukh dard ke saugat hai duniya teri kya hai
ashkon se bhari raat hai duniya teri kya hai
kuch log yahan nur-e-sahar dhundh rahe hain
tarik si ik raat hai duniya teri kya hai
paband-e-mashiyat hai tanaffus bhi nazar bhi
ik jaziya-e-lamhat hai duniya teri kya hai
taqadir ke chehare ke shikan dekh raha hun
aaina-e-halat hai duniya teri kya hai
majaruh-e-taqaddus hai taqaddus ke haqiqat
rudad-e-kharabat hai duniya teri kya hai
“sagar” mein chalakate hain samavat ke isarar
saqi ke karamat hai duniya teri kya hai

Poet of the Poem / Ghazal or Nazam : Sagar Siddiqui

hai dua yaad magar harf-e-dua yaad nahi
mere nagmat ko andaz-e-nava yaad nahi
main ne palkon se dar-e-yar pe dastak di hai
main wo sahil hun jise koi sada yaad nahi
main ne jin ke liye rahon mein bichaya tha lahu
hum se kahate hain wohi ahad-e-vafa yaad nahi
kaise bhar aain sar-e-sham kisi ke aankhen
kaise tharrae charagon ke ziya yaad nahi
sirf dhundhalai sitaron ke chamak dekhi hai
kab hua kon hua kis se khafa yaad nahi
zindagi jabr-e-musalasal ke tarah katati hai
jane kis jurm ke pai hai saza yaad nahi
aao ik sajda karen aalam-e-madhahoshi mein
kahate hain ke “sagar” ko khuda yaad nahi
 
Poet of the Poem / Ghazal or Nazam : Sagar Siddiqui

ek wada hai kisi ka jo wafa hota nahi
marmari taron bhari raton mein kya hota nahi
jee mein aata hai ulat den un ki chehare se naqab
hausla karte hain lekin hausla hota nahi
shama jis ki aabaru par jan de de jhum kar
wo patanga jal to jata hai fana hota nahi

Poet of the poem/ghazal or Nazam:  Sagar Siddiqui