Ye kya jane mein jana hai, jate ho khafa hokar
main tab janu mere dil se chale jao juda hokar
qayamat tak udegi dil se uthakar khak aankhon tak
isi raste gaya hai hasaraton ka kafila hokar
tumhin ab dard-e-dil ke naam se ghabraye jate ho
tumhin to dil mein shayad aaye the dard-e-ashiyan hokar
yun hi hamdam ghadi bhar ko mila karte to bahatar tha
ke dono waqt jaise roz milate hain juda hokar
Poet of the Poem / Ghazal or Nazam : Seemab Akbarabadi
Shab-e-gam ae mere ALLAH basar bhi hogi
raat hi raat rahegi ke sahar bhi hogi
main ye sunata hun ke wo duniya ke khabar rakhte hain
jo ye sach hai to unhen meri khabar bhi hogi
chain milane se hai un ke na juda rahane se
aakhir ae ishq kisi tarah basar bhi hogi
Poet of the Poem / Ghazal or Nazam : Seemab Akbarabadi
Tere qadmon pe sar hoga qaza sar pe khadi hogi
phir us sajde ka kya kahana anokhi bandagi hogi
nasim-e-subah gulashan mein gulon se khelati hogi
kisi ke aakhari hichaki kisi ke dillagi hogi
dikha dunga sar-e-mahafil bata dunga sar-e-mahashar
wo mere dil mein honge aur duniya dekhati hogi
maza aa jayega mahashar mein phir sunane-sunane ka
zuban hogi vahan meri kahani aap ke hogi
tumhen danista mahafil mein jo dekha ho to mujarim
nazar aakhir nazar hai be-irada uth gai hogi
Poet of the Poem / Ghazal or Nazam : Seemab Akbarabadi
Na ho gar aashana nahi hota
but kisi ka khuda nahi hota
tum bhi us waqt yaad aate ho
jab koi aasara nahi hota
dil mein kitna sukun hota hai
jab koi muddava nahi hota
ho na jab tak shikar-e-nakami
aadmi kam ka nahi hota
zindagi thi shabab tak “seemab”
ab koi saneha nahi hota
Poet of the Poem / Ghazal or Nazam : Seemab Akbarabadi
nama gaya koi na koi namabar gaya
teri khabar na aayi zamana guzar gaya
hansata hun yun ki hijr ke raten guzar gain
rota hun yun ki lutf-e-dua-e-sahar gaya
ab mujh ko hai qarar to sab ko qarar hai
dil kya thahar gaya ki zamana guzar gaya
ya rab nahi main vaqif-e-rudad-e-zindagi
itna hi yaad hai ki jiya aur mar gaya
Poet of the Poem / Ghazal or Nazam : Seemab Akbarabadi
jannat jo mile lake maikhane mein rakh dena
qausar mere chote se paimane mein rakh dena
mayyat na meri ja ke virane mein rakh dena
paimanon mein dafna ke maikhane mein rakh dena
wo jis se samajh jayen rudad mere gham ke
aisa bhi koi tukara afsane mein rakh dena
sajdon pe na dena mujh ko arbab-e-haram tane
kabe ka koi pathar but-khane mein rakh dena
“seemab” ye qudrat ka adana sa karishma hai
khamosh si ik bijli paravane mein rakh dena
Poet of the Poem / Ghazal or Nazam : Seemab Akbarabadi
gham mujhe hasrat mujhe vahashat mujhe sauda mujhe
ek dil deke khuda ne de diya kya kya mujhe
hai husul-e-arazu ka raz tark-e-arazu
main ne duniya chod di to mil gai duniya mujhe
kah ki soya hun ye apne iztarab-e-shauq se
jab wo aayen qabr par fauran jaga dena mujhe
subah tak kya kya teri umeed ne tane diye
aa gaya tha sham-e-gam ek neend ka jhonka mujhe
ye namaz-e-ishq hai kaisa adab kisaka adab
apne pay-e-namaz par karne do sajda mujhe
dekhte hi dekhte duniya se main uth jaunga
dekhati ki dekhati rah kjayegi duniya mujhegham mujhe hasrat mujhe vahashat mujhe sauda mujhe
ek dil deke khuda ne de diya kya kya mujhe
hai husul-e-arazu ka raz tark-e-arazu
main ne duniya chod di to mil gai duniya mujhe
kah ki soya hun ye apne iztarab-e-shauq se
jab wo aayen qabr par fauran jaga dena mujhe
subah tak kya kya teri umeed ne tane diye
aa gaya tha sham-e-gam ek neend ka jhonka mujhe
ye namaz-e-ishq hai kaisa adab kisaka adab
apne pay-e-namaz par karne do sajda mujhe
dekhte hi dekhte duniya se main uth jaunga
dekhati ki dekhati rah kjayegi duniya mujhe
Poet of the poem/ghazal or Nazam: Seemab Akbarabadi
Baqadr-e-shauq iqarar-e-vafa kya
hamare shauq ke hai intaha kya
muhabbat ka yahi sab shagul thahara
to phir aah-e-rasa kya na-rasa kya
dua dil se jo nikale karagar ho
yahan dil hi nahi dil se dua kya
dil-e-afat-zada ka mudd’a kya
shikasta-saz kya us ke saza kya
salamat daman-e-ummid-e-”seemab”
muhabbat mein kisi ka aasara kya
Poet of the Poem / Ghazal or Nazam : Seemab Akbarabadi
