Sakhtiyan karta hun dil par gair se gafil hun main
hay kya achi kahi zalim hun main jahil hun main
** gafil also means negligent/careless as used in the next sher**
hai meri zillat hi kuch meri sharafat ke dalil
jis ke gafalat ko malak rote hain wo gafil hun main
bazm-e-hasti apni aaraish pe tu nazan na ho
tu to ik tasvir hai mahafil ke aur mahafil hun main
dhundhata phirta hun ae “iqbal” apne aap ko
aap hi goya musafir aap hi manzil hun main
Poet of the Poem / Ghazal or Nazam : Sir Mohammed Iqbal
Tere ishq ke intaha chahata hun
meri sadagi dekh kya chahata hun
sitam ho ki ho vada-e-behijabi
koi baat sabr-azama chahata hun
ye jannat mubarak rahe zahidon ko
ki main aap ka samana chahata hun
koi dam ka mehaman hun ae ahal-e-mahafil
chirag-e-sahar hun, bujha chahata hun
bhari bazm mein raz ke baat kah di
bada be-adab hun, saza chahata hun
Poet of the Poem / Ghazal or Nazam : Sir Mohammed Iqbal
Sare jahan se acha hindustan hamara
hum bulbulen hain is ke ye gulistan hamara
note: while the books i have quote the last line
as “gulistan hamara”, i have always heard
the song sung as “gulsitan hamara”
gurbat mein hon agar hum rehta hai dil vatan mein
samajho waheen hamen bhi dil ho jahan hamara
parvat wo sab se uncha hamsaya aasman ka
wo santari hamara wo pasaban hamara
godi mein khelati hain is ke hazaron nadiyan
gulshan hai jin ke dam se rashk-e-janan hamara
ae aab-e-rud-e-ganga wo din hai yaad tujh ko
utara tere kinare jab karavan hamara
mazhab nahi sikhata aapas mein bair rakhna
hindi hain hum vatan hai hindustan hamara
yunan -o-mishr-o-roma sab mit gaye jahan se
ab tak magar hai baqi nam-o-nishan hamara
kuch baat hai ki hasti mitati nahi hamari
sadiyo raha hai duhman daur-e-zaman hamara
‘iqbal’ koi maharam apna nahi jahan mein
malum kya kisi ko dard-e-nihan hamara
Poet of the Poem / Ghazal or Nazam : Sir Mohammed Iqbal
jinhen main dhundhata tha aasmanon mein zaminon mein
wo nikle mere zulmat-e-khana-e-dil ke makinon mein
mahine vasl ke ghadiyon ke surat udate jate hain
magar ghadiyan judai ke guzarati hai mahinon mein
mujhe rokega tu ae nakhuda kya garq hone se
ki jin ko dubana hai dub jate hain safinon mein
jala sakati hai sham-e-kushta ko mauj-e-nafas un ke
ilahi kya chupa hota hai ahal-e-dil ke sinon mein
tamanna dard-e-dil ke ho to kar khidamat faqiron ke
nahi milta ye gohar badashahon ke khazinon mein
muhabbat ke liye dil dhundh koi tutanevala
ye wo mein hai jise rakhte hain nazuk aabginon mein
bura samajhun unhen mujh se to aisa ho nahi sakata
ki main khud bhi to hun “iqbal” apne nuktachinon mein
Poet of the Poem / Ghazal or Nazam :Sir Mohammed Iqbal
aata hai yaad mujhako guzara hua zamana
wo bag ke baharen wo sab ka chah-chahana
aazadiyan kahan wo ab apne ghonsale ke
apni khushi se aana apni khushi se jana
lagti ho chot dil par, aata hai yaad jis dam
shabanam ke aansuon par kaliyon ka muskurana
wo pyari pyari surat, wo kamini si murat
aabad jis ke dam se tha mera aashiyana
Poet of the Poem / Ghazal or Nazam :Sir Mohammed Iqbal
