Wo kahate hain ranjish ke baten bhula den
muhabbat karen khush rahen muskura den
javani ho gar javidani to ya rab
teri sada duniya ko jannat bana den
shab-e-vasl ke bekhudi cha rahi hai
kaho to sitaron ke shamaen bujha den
tum afsana-e-qais kya puchate ho
idhar aao hum tum ko laila bana den
baharen simat aayen khil jayen kaliyan
jo hum tum chaman mein kabhi muskura den
wo aayenge aj ae bahar-e-muhabbat
sitaron ke bistar mein kaliyan bicha den

Poet of the Poem / Ghazal or Nazam : Akhtar Shirani

yahi tohafa hai yahi nazarana
main jo aawara nazar laya hun
rang mein tere milane ke liye
qatara-e-khun-e-jigar laya hun
ae gulabon ke vatan
pahale kab aaya hun kuch yaad nahi
lekin aaya tha qasam khata hun
phul to phul hain kanton pe tere
apne honton ke nishan pata hun
mere khwabon ke vatan
choom lene de mujhe hath apne
jin se todi hain kai zanjiren
tune badala hai mashiyat ka mizaj
tune likhi hain nai taqdiren
inqalabon ke vatan
phul ke bad naye phul khilen
kabhi khali na ho daman tera
roshani roshani teri rahen
chandani chandani aangan tera
mahatabon ke vatan

Poet of the Poem / Ghazal or Nazam :Kaifi Azmi

Ye tasalli hai ki hain nashad sab
main akela hi nahi barabad sab
sab ke khatir hai yahan sab ajanabi
aur kahane ko hain ghar aabad sab
bhool ke sab ranjishen sab ek hain
main bataun sab ko hoga yaad sab
sab ko dava-e-vafa sab ko yaqin
is adakari mein hain ustad sab
shahar ke hakim ka ye faraman hai
qaid mein kahalayenge aazad sab
char lafzon mein kaho jo bhi kaho
us ko kab furasat sune fariyad sab
talkhiyan kaise na ho ashar mein
hum pe jo guzri hai hum ko yaad sab

Poet of the Poem / Ghazal or Nazam : Javed Akhtar

Ye ab khula hai ki koi bhi manzar mera na tha
main jis mein reh raha tha wohi ghar mera na tha
main jis ko ek umr sambhale phira kiya
matti bata rahi wo paikar mera na tha
mauj-e-hava-e-shahar-e-muqaddar javab de
dariya mere na the ki samandar mera na tha
phir bhi to sangsar kiya ja raha hun main
kahate hain naam tak sar-e-mahazar mera na tha
sab log apne apne qabilon ke sath the
ek main hi tha ki koi bhi lashkar mera na tha

Poet of the Poem / Ghazal or Nazam : Iftikhar Arif

Ye tera ghar ye mera ghar kisi ko dekhana ho agar
to pahale aake mang meri nazar teri nazar
ye ghar bahut hasin hai
na badalon ke chanv mein na chandani ke ganv mein
na phul jaise raste bane hainis ke vaste
magar ye ghar ajeeb hai zamin ke qaribhai
ye int pattharon ka ghar hamari hasaraton ka ghar
jo chandani nahi to kya ye roshani hai pyar ke
dilon ke phul khil gaye to fikr kya bahar ke
hamare ghar na aayegi kabhi khushi udhar ke
hamari rahaton ka ghar hamari chahaton ka ghar
yahan mahak vafaon ke hai qah-qahon ka arang hai
ye ghar tumhara khwab hai ye ghar meri umang hai
na aarzoo pe qaid hai na hausale par jang hai
hamare hausale ka ghar hamari himmaton ka ghar

Poet of the Poem / Ghazal or Nazam : Javed Akhtar

tund mein aur aise kamsin ke liye
saqiya halki si la in ke liye
mujh se rukhsat ho mera ahad-e-shabab
ya khuda rakhna na us din ke liye
hai javani khud javani ka singar
sadagi gahana hai is sin ke liye
sab hasin hain zahidon ko napasand
ab koi hur aayegi in ke liye
vasl ka din aur itna mukhtasar
din gine jate the is din ke liye
sari duniya ke hain wo mere siva
main ne duniya chod di jin ke liye
lash par ibarat ye kahati hai ‘ameer’
aaye the duniya mein is din ke liye

Poet of the Poem/Ghazal or Nazam: Ameer Minai

Ye to nahi ke gham nahi
han meri aankh naam nahi
tum bhi to tum nahi ho aj
hum bhi to aj hum nahi
ab na khushi ke hai khushi
gham ka bhi ab to gham nahi
maut agarche maut hai
maut se zist kam nahi

Poet of the Poem / Ghazal or Nazam : Firaq Gorakhpuri

Mohabbat ke tabiyat mein
ye kaisa bachapana qudarat ne rakkha hai
ke jitani purani jitani bhi mazabut ho jaye
ise taid-e-taza ke zarurat phir bhi rahati hai
yaqin ke aakhiri had tak dilon mein lahlahati ho
nigahon se tapakati ho lahu mein jagmagati ho
hazaron tarah se dilkash hasin hale banati ho
use izhar ke lafzon ke hajat phir bhi rahati hai
mohabbat mangati hai yun gavahi apne hone ke
ke jaise tifl-e-sada sham ko ik bij boye
aur shab mein baura uthe
zamin ko khod kar dekhe
ke paudha ab kahan tak hai
mohabbat ke tabiyat mein ajab takarar ke khu hai
ke ye iqrar ke lafzon ko sunane se nahi thakati
bichadane ke ghadi ho ya koi milane ke sa’at ho
ise bas ek hi dhun hai
kaho mujh se mohabbat hai
kaho mujh se mohabbat hai
kuch aisi besakuni hai wafa ke sarzaminon mein
ke jo ahal-e-mohabbat ko sada bechain rakhati hai
ke jaise phul mein khsuhbu ke jaise hath mein tara
ke jaise sham ka tara
mohabbat karne valon ke sahar raton mein rahati hai
gumanam ke shakhchon mein aashiyan banata hai ulfat ka
ye ain visal mein bhi hijr ke khadshon mein rahati hai
mohabbat ke musafir zindagi jab kat chukate hain
thakan ke karachiyan chunate wafa ke ajaraken pahane
samay ke rahguzar ke aakhiri sarhad pe rukate hain
to koi dubati sanson ke dori tham ker
dhire se kehta hai
ke ye sach hai na
hamari zindagi ik dusare ke naam likhi thi
dhundhalaka sa jo aankhon ke qarib-o-dur phaila hai
isi ka naam chahat hai
tumhen mujh se mohabbat thi
tumhen mujh se mohabbat hai
mohabbat ke tabiyat mein
ye kaisa bachapana qudarat ne rakkha hai

Poet of the Poem / Ghazal or Nazam : Amjad Islam Amjad